Ерэмияа 46:2 - Библи

² Египедһээ эхилээ бэлэй. Египедэй хаан, фараон Нээхогой сэрэг Кархэмииштэ Евфрат мүрэнэй хажууда Вавилооной хаан Навуходоносор диилээ һэн. Энэ хадаа Ёшияагай хүбүүн Ёякиимэй дүрбэдэхи жэлээ Иудын хан түрые зонхилжо байхада болоо. Нээхо хаанай сэрэг тушаа Эзэнэй айладхаһаниинь энэ:

Ерэмияа 46:2 Referencias Cruzadas

4 Хаан түрэнүүд 18:21

Египет туһалха гээд найданат. Теэд энэ болбол хухарһан таяг хэрэглэн, түшэһэндэл адли болохол! Хухарһан таяг дууһан хухаржа, альгыетнай шаажа, соо хадхахал. Египедэй хаанда найдаха гээшэ энээндэл адли юм.

4 Хаан түрэнүүд 23:29

Тэрэ сагта Египедэй хаан, фараон Нээхо Ассириин хаанда добтолхоёо Евфрат мүрэн тээшэ ошобо. Ёшияа хаан тэрэниие угтахаяа урдаһаань ошобо. Фараон Мэгиддоодо Ёшияае харамсаараа алаба.

4 Хаан түрэнүүд 23:33

Фараон Нээхо тэрэниие Иерусалимай хан шэрээһээ хаһажа, харуул доро Хамаатдахи Риблаада байлгаад, яла болгожо зуун талаант мүнгэ, нэгэ талаант алта түлэхыень Иудын орон нютагта баадхаба.

4 Хаан түрэнүүд 24:7

Египедэй хаан өөрынгөө орон нютагһаа бэшэ гарабагүй. Вавилооной хаан Египедэй хаанай мэдэлдэ урдань байһан Египедэй һудалһаа Евфрат хүрэтэрхи бүхы газарнуудыень булимтаран абаба.

Исай 10:9

Калноо ба Кархэмииш, Хамаат ба Арпаад хотонуудые би диилэн абаа һэм. Самари ба Дамааскые диилээ һэм.

Исай 19:1

Энэ болбол Египет тушаа зүн. Эзэн хурдан үүлэ хүлэглэн, Египет руу ерэжэ ябана. Египедэй шүтөөнүүд Тэрэнэй урда шэшэржэ, Египедэй зон айжа-һүрдэжэ байна.

Исай 19:19

Тэрэ сагай тохёолдоходо, Египедэй орон нютагта Эзэндэ үргэлэй шэрээ баригдаха, Египедэй хилэнүүдээр Эзэндэ шулуун бахананууд бодхоогдохо.

Ерэмияа 25:1

Иудын хаан, Ёшияагай хүбүүн Ёякиимэй дүрбэдэхи жэлээ Иудын хан түрэ зонхилжо байха үедэнь Иудын хан түрын бүхы улад зон тушаа мэдээсэл Эзэнһээ би абаа һэм. Энэ хадаа Вавилооной хан түрые Навуходоносорой түрүүшын жэлээ зонхилжо байха үедэнь һэн.

Ерэмияа 25:19

Хэдтэ энэ аягаһаа үшөө уулгаабиб гэхэдэ, Египедэй фараондо, тушаалтадтань, түшэмэлнүүдтэнь, бүхы арад зондонь;

Ерэмияа 25:9

хойто зүгэй арадуудай болон Өөрынгөө албатан, Вавилооной хаан Навуходоносорой хойноһоо эльгээжэ, танай орон нютагай, улад зонойтнай, хүршэ арадуудайтнай урдаһаа дайлахыень асархамни. Таанадые хүршэнэртэйтнай хамта бүримүһэн усадхажа, хэтэ мүнхын һандарал, аймшагтай, угаа муухай зүйл болгон үлөөхэб. Энэ болбол Би, Эзэн, айладхана мүн!

Ерэмияа 36:1

Ёшияагай хүбүүн Ёякиимэй Иудын хан түрые дүрбэдэхи жэлээ зонхилжо байха үедэ Эзэн намда иигэжэ айладхаба:

Ерэмияа 43:11

Навуходоносор ерэжэ, Египедые диилэхэ. Үбшэ хабшанһаа үхэхэ зон үбшэнһөө үхэхэ, баряанда абтаха зон баряанда туугдан ошохо, дайн дажарта алуулха хүн дайнда унаха.

Ерэмияа 45:1

Ёшияагай хүбүүн Ёякиимэй Иудын хан түрые дүрбэдэхи жэлээ зонхилжо байха үедэ минии хэлэһэн үгэнүүдые Нэрияагай хүбүүн Баруух ном соо бэшээ. Би тэрээндэ

Ерэмияа 46:14

Египедэй хотонууд соо энээн тухай соносхогты – Мигдоол, Ноот, Тахпанхээстэ, бэеэ аршалхаяа зэһэгты, бүхы юумэншни һалгаагдахал.