Ерэмияа 44:3 - Библи

³ Ямар ушар шалтагаанһааб гэхэдэ, тэдэ зон муу юумэ хээ – элинсэг хулинсагайнгаашье, өөһэдөөшье, үхи хүүгэдэйнгээшье мэдэхэгүй ондоо бурхадта үргэл үргэдэг байгаа.

Ерэмияа 44:3 Referencias Cruzadas

Нэхэмьяа 9:33

Харин бидэ зэмэтэйбди, Та хододоо үнэн сэхэ байгаат, манда бүхыдөө тохёолдоһые тон зүбөөр бүхыень шиидхээт.

Исай 3:8

Иерусалим бүдэрэн унахаяа байна, Иудын хан түрэ доройтон һандарна, юуб гэхэдэ, тэдэ Эзэнэй урдаһаа һөөргэдэн дуугарна, хэрэг ябуулна, Алдарта Бурханай хараа нюдэндэ энэ доромжолол мүн.

Ерэмияа 11:17

Би, Түмэн Сэрэгтэ Эзэн, Израиль болон Иудын хан түрэ байгуулааб. Харин мүнөө тэдээндэ гай тодхор ушаруулхаб гэжэ занажа байнаб. Тэдэ өөһэдөө эдэ бүгэдые өөр дээрээ татаа, юуб гэхэдэ, Баалда санзай ууюулжа, Минии уур сухал тэдэ хүргөө ха юм.

Ерэмияа 16:10

Шинии эдэ бүхы үгэнүүдые энэ арад түмэндэ дуулгахадаш, тэдэ шамда «Ямар ушарһаа Эзэн маанадта иимэ агууехэ гай тодхор тохоо гээшэб? Бидэ ямар гэм зэмэтэйбибди? Өөһэдын Эзэн Бурханай урда ямар нүгэлтэйбибди?» – гэлдэхэ.

Ерэмияа 22:9

Тиихэдэнь Намтай, өөрынгөө Бурхантай, баталһан хэлсээнһээ таанадай арсаһанай, ондоо бурхадта мүргэн, алба хэһэнэйтнай түлөө гэһэн харюу дуулдаха юм.

Ерэмияа 29:19

Минии тэдээндэ Өөрын зарасанараа – лүндэншэдээ хэдэн дахин эльгээжэ байбашье, тэдэ Минии үгэ дуулахаяа арсаа.

Ерэмияа 32:30

Эхинһээ эхилжэ Израилиин болон Иудын хан түрын улад зон Минии сухал хүргэдэг бэлэй.

Ерэмияа 44:23

Энэ гай тодхор танай гэм зэмэһээ болоо: таанад хариин бурхадта үргэл үргэжэ эхилээт, Эзэнэй үгэ дуулаагүйт, нүгэл урдань хээт.

Ерэмияа 44:8

Шүтөөнүүдые хэжэ, Египедэй газар дайдада ондоо бурхадта үргэл үргэжэ, өөһэдыгөө һалгаахатнай гү? Дэлхэйн арадуудай доромжолол болохо, танай нэрые хараал мэтээр дурдадаг болохын тула гү?

Ерэмияа 5:19

Тэдэнэй «Юундэ Эзэн Бурхамнай бидэндэ эдэ бүгэдые ушаруулааб?» гэжэ асуухадань, «Намайе, Бурханиие, орхижо, өөһэдын газар нютагта хариин шүтөөнүүдтэ алба хэжэ байһантайгаа адли таанар мүнөө хариин газар нютагта ондоо уладта алба хэхэ болоот» гэжэ Намайе айладхана гээд ши, Ерэмияа, хэлээрэй.

Ерэмияа 5:29

Тиимэһээ Би, Эзэн, тэдэниие хэһээхэб, иимэ арад зонһоо үһөөгөө абахаб.

Ерэмияа 7:19

Теэд тэдэ Намайе гомдооно гү? Үгы! Тэдэ өөһэдыгөө бузарлан, өөһэдыгөө гомдохооно.

Гашуудал 1:8

Иерусалим ехэ нүгэл хээ, тиимэһээ бузартай болоо. Тэрээндэ соло үргэн байгаашад мүнөө шоо үзэн хаража байна. Өөрөө тэрэ уйлажа, буруу хараад байна.

Гашуудал 4:13

Иерусалим дотор үнэн шударга зоной шуһа урасхуулһан нүгэлтэ лүндэншэдэйнь, гэмтэ санаартадайнь үйлэ хэрэгэй түлөө энэ болоо.

Эзэкээл 9:9

Тиихэдэм Эзэн иигэжэ харюусаба: – Израилиин болон Иудын хан түрын улад зон угаа ехэ зэмэтэй. Тэдэ газар дэлхэй дүүрэн алалсаа хюдалсаа үүдхэжэ, Иерусалим хотые гэмтэ ябадалаар дүүргээ. Намайе, Эзэниие, орон нютагһаань арсажа, өөһэдыень харалсахаа болиһон тухаймни тэдэ хэлэнэ.

Даниил 9:5

Харин бидэ нүгэлтэйбди, гэм хээбди, буруугаар юумэ үйлэдөөбди, үсэрэлдөөбди, ёһо гуримуудыетнай, хуули ёһонуудыетнай хазагайруулаабди.

Хуули дабталга 13:6

Шамда дүтэ хэн нэгэн – аха, дүүшни, хүбүүншни гү, али басаганшни, дуратай һамганшни гү, али анда нүхэршни шинии, мүн үбгэ эсэгэнэрэйшни мэдэхэ танихагүй ондоо бурхадта мүргэдэг болохыеш һэмээхэнээр үгэдөө оруулха һанаатай, «ошожо, ондоо бурхадта зальбардаг болоё» гээд хэлээ һаань,

Хуули дабталга 29:25

Харюунь иимэ байха: «Египедэй газар дайдаһаа гаргахадаа, Эзэнэй, өөһэдынь үбгэ эсэгэнэрэй Бурханай, тэдээнтэй баталһан хэлсээе өөһэдынь мартаһанайнь түлөө.

Хуули дабталга 29:26

Израилиин улад зон танихагүй, ондоо, Эзэнэй хориһон бурхадта мүргэжэ эхилээ.

Хуули дабталга 32:17

Тэдэ Бурхадта бэшэ, альбан шүдхэрнүүдтэ үргэл хэдэг байгаа. Хажуудахи арадһаа халан абаһан, үбгэ эсэгэнэрэйнгээшье мэдэхэгүй ондоо шэнэ бурхадта тэдэнэр үргэл хэжэ эхилээ.

Еврейнүүдтэ 3:16

Бурханай дуу дуулаһаншье һаа, урдаһаань үймөө татаһан хүнүүд хэд байгааб? Тэдэнэр булта Моисейн хүтэлбэри доро Египедһээ гараһан хүнүүд байгаа.