Ерэмияа 42:2 - Библи

² намда ерэжэ, иигэжэ хэлэбэ: – Манай гуйһан гуйлтые дүүргыт! Манай түлөө, энэ үлөөшэ зоной түлөө Эзэн Бурхандамнай зальбарыт. Олон байһанаа үсөөн болообди, та өөрөө харана ха юмта даа.

Ерэмияа 42:2 Referencias Cruzadas

3 Хаан түрэнүүд 13:6

Хаан Бурханай хүндэ хандан: – Минии түлөө Эзэн Бурхандаа мүргыш даа, гарайм хүдэлдэг болохые гуйгыш даа, – гэбэ. Бурханай хүнэй Эзэндэ зальбархада, хаанай гар эдэгэжэ, урдынхидаал адли болобо.

Египедһээ гаралга 8:28

– Би таанадые сүл губи руу Эзэн Бурхандаа үргэл хэхыетнай табихаб, гансал холо бү ошооройгты. Минии түлөө баһа зальбаран үргөөрэйгты, – гэжэ фараоной хэлэхэдэ:

Египедһээ гаралга 9:28

Эзэндэ зальбарыш даа: тэнгэриин дуу сахилгаа, аадар мүндэр болюулаг лэ. Би таанадые бэшэ барихагүйб, ошохо тээшэтнай табихалби. Моисей тэрээндэ иигэжэ харюусаба:

Исай 1:15

Таанадай гуйжа гараа үргэхэдэ, Би харангүй байхаб. Хэдышье зальбараа хадатнай, Би шагнахагүйб. Юуб гэхэдэ, гартнай шуһанда зуурагданхай.

Исай 1:9

Хэрбээ Түмэн Сэрэгтэ Эзэн маанадта энэ жаахан үлэгдэл үлөөгөөгүй гээшэ һаань, бидэ Содомдол адли һүнөөгдэхэ, Гоморродол адли усадхагдаха байгаабди.

Исай 37:4

Ассириин хаан ахамад түшэмэлөө амиды Бурханиие доромжолхо-баһахын тула эльгээгээ. Эзэн Бурхантнай баһаһан тэдэ үгэнүүдые соносожо, хэлэһэн хүнүүдыень хэһээхэ бэзэ. Амиды мэндэ үлэһэн өөһэдынгөө зон тушаа Бурхандаа зальбарыт».

Исай 42:20

Минии арад түмэн, таанад олон юумэ үзэһэншье һаа, юумэ һайн ойлгоогүйт. Шэхэтэйшье һаа, юумэ дуулаагүйт.

Ерэмияа 15:11

Эзэмни, Танда һайнаар алба хэжэ байгаагүй һаамни, хараал шэрээл намда шэнгэг лэ! Гай гасаланай, зоболонойнь үедэ дайсад тухайгаа Танда зальбаран байдаг һэм.

Ерэмияа 2:27

«Модон – манай эсэгэ, хабсагай – манай эхэ» гэжэ хэлэдэг таанад Намһаа буруу хараа бэлэйт. Харин гай тодхорой болоходонь, Минии ерэхые, таанадые абархыемни гуйдагта.

Ерэмияа 21:2

«Манай түлөө Эзэниие гуйгыш. Юуб гэхэдэ, Вавилооной хаан Навуходоносор бидэндэ дайлажа байна. Манай түлөө оролдожо, Эзэн Өөрынгөө гайхамшагта нэгэ үзэгдэл харуулжа магад, тиихэдэнь Навуходоносор бидэнһээ сухарин ошохо аалам».

Ерэмияа 36:7

Эдэ зон Эзэндэ зальбаржа, муу замһаа эрьежэ магад. Эзэн эдээндэ угаа ехээр уурлан хилгэнтэхэ тухайгаа айладхаа һэм шуу.

Ерэмияа 37:20

Үндэр түрэлтэ хаан, мүнөө намайе шагныт. Намайе һөөргэнь Ёнатаанай шорон болоһон гэртэ бү эльгээгыт. Эльгээгээ һаатнай, би тэндэ хосорхолби.

Ерэмияа 37:3

Цэдэкиия хаан Шэлээмияагай хүбүүн Еһүкаалые болон Маашэяагай хүбүүн санаартан Цэпаанияа гэгшэдые нам руу эльгээжэ, «Эзэн Бурхандаа арад зон тухайгаа зальбархыем гуйгаа» бэлэй.

Ерэмияа 38:14

Нэгэтэ Цэдэкиия хаан минии хойноһоо хүниие эльгээжэ, нангин үргөөгэй гурбадахи үүдэнэй хажууда асаруулба. Тиигээд хаан иигэжэ хэлэбэ: – Би шамда асуудал табихаб. Үнэн зүбөөр харюуса.

Ерэмияа 40:15

Тиихэдэнь Карээһаагай хүбүүн Ёханаан Мицпаада байхадаа тэрээндэ гансал өөртэнь иигэжэ хэлэбэ: – Минии ошожо, Нэтаанияагай хүбүүн Ишмаһээлые алахыемни зүбшөөгыт. Хэн алааб гэжэ хэншье мэдэхэгүй. Юундэ таниие алахыень тэрээндэ зүбшөөхэ юмбибди? Танай хажуугаар сугларагша бүхы еврейнүүд таран сасагдахал. Иудын хан түрын үсөөн үлэгшэ зондо энэ ехэ муу байхал.

Ерэмияа 42:20

Эзэн Бурханаа таанадай түлөө гуйха тухайм намайе гуйгаа бэлэйт, Тэрэнэй захиралтые бултыень сахин дүүргэхэбди гэжэ хэлээ һэнта.

Гашуудал 1:1

Оо, гай даа! Улад зоноор хүүен-хүнхинэн байгааша энэ хото мүнөө яагаа гансаарданги гээшэб! Үндэһэтэдые зонхилон байһан аад, мүнөө тэрэ бэлбэһэн эхэнэртэ адли болоол! Хото можонуудай хатан байһан тэрэ мүнөө богоол болоо!

Эзэкээл 12:16

Үсөөхэн зонииень дайн дажарһаа, үлэн хооһон байдалһаа, үбшэ хабшанһаа аршалан амиды мэндэ үлөөхэб. Тиихэдэм тэдэ ондоо үндэһэ яһатанай дунда байхадаа ямар жэгшүүрилтэ үйлэ хэрэгүүдые хэһэнээ ойлгожо, Намайе Эзэн гээд баталан гэршэлхэ.

Һошээ 8:10

Ондоо арадуудта бэлэг-сэлэг үгэн, нүхэсөөшье һаань, Би тэдэниие хамта суглуулаад, усадхахаб. Хаанай, түшэмэлнүүдэй хүндэ дарлалтаһаа тэдэ һаяар зобожо-тулижа эхилхэ.

Левит 26:22

Таанадта хүдөө хээрын зэрлиг амитадые эльгээхэб. Тэдэ таанадые үри хүүгэдгүй болгохо, адуу малыетнай хюдаха, өөһэдыетнай үсөөрүүлхэ, тиигээд харгынуудтнай хооһорхо.

Амоос 7:2

Таршаа шумуул дэлхэйн бүхы ургамал эдижэ һалгаахадань, би иигэжэ зальбарааб: «Эзэн Бурхан, үршөөгыт! Яковай үри һадаһан амиды мэндэ үлэхэ гээшэ гү? Тэдэ угаа үсөөн шуу».

Матвей 24:22

Хэрбээ тэдэ зоболонто үдэрнүүдэй тоое Бурханай үсөөрүүлээгүй һаа, хэншье абарагдахагүй һэн. Зүгөөр шэлэжэ абаһан хүнүүдэйнгээ аша туһада Бурхан тэдэ үдэрнүүдэй тоо үсөөрүүлхэ юм.

Хэрэгүүд 8:24

Тиихэдэ Симон: – Хэлэһэн бүхы юумэнтнай намтай ушархагүйн тула та минии түлөө Эзэндэ зальбарыт даа, – гэжэ Пётрые гуйба.

Хуули дабталга 28:62

Огторгойн одо мүшэд мэтэ олон бэлэйт. Теэд Эзэн Бурханайнгаа үгэ дуулаагүйт, тиимэһээ таанадай үсөөхэн лэ хүн амиды мэндэ үлэхэ.

Хуули дабталга 28:63

Таанадта һайн юумэ хэжэ, таанадые олон болгон, үнэржүүлжэ байхадаа Эзэн хэды ехэ баясажа байгааб даа. Тэрээндэл адляар, таанадые үгы хэжэ, һалгаажа байхадаа Тэрэ баярлан бахархан байхал. Эзэлхэеэ зорин ошожо байһан газар дайдаһаа таанад хамагдан гаргуулхат.

Хуули дабталга 4:27

Эзэн таанадые бүхы арадуудаар тарааха, тиихэдэнь тэдэ арадуудайнь дунда үсөөхэн тоотой үлэхэт.

Яковай хандалга 5:16

Эдэгэхэ гэбэл, бэе бэедээ нүгэлөө хөөрөөд, бэе бэеынгээ түлөө зальбарагты: үнэн сэдьхэлтэнэй зальбаралга ехэ юумэ хэхэ аргатай.

1 Хаан түрэнүүд 12:19

Тиигээд бүхы зон Самуилда: – Бидэ өөһэдтөө хааниие гуйжа, өөһэдынгөө бүхы нүгэл дээрэ энэ бузар муухай юумэ нэмээбди. Тиимэһээ маанадай үхэхэгүйн тула богоол бидэнэйнгээ түлөө Эзэн Бурхандаа мүргэн зальбарыт, – гэбэ.

1 Хаан түрэнүүд 12:23

Мүн би таанадай түлөө зальбархаяа болихогүйб – Эзэнэй урда нүгэл хэхэеэ тэбшэхэб. Би таанадта һайн, сэхэ зам заахаб.

1 Хаан түрэнүүд 7:8

Израилиин арад зон Самуилда хэлэбэ ха: – Пилиштүүдэй һабарһаа маанадые абархын тула Эзэн Бурхандамнай һайса зальбаржал байгты.