Ерэмияа 41:9 - Библи

⁹ Алаһан зоноо хаяһан нүхэниинь Асаа хаанай Израилиин хаан Баһашаада добтолуулхадаа малтаһан нүхэн байгаа. Тэрэ нүхые Нэтаанияагай хүбүүн Ишмаһээл зоной һэенүүдээр дүүргэбэ.

Ерэмияа 41:9 Referencias Cruzadas

2 Хаан түрэнүүд 17:9

Мүнөө ямар нэгэ агы нүхэндэ гү, али ондоо тээ тэрэ хорожо байһан байха. Хэрбээ түрүүшын лэ байлдаанда танай сэрэг хороолгожо эхилээ һаань, энээниие дуулаһан зон «Абшалоомой сэрэг бута сохюулаа!» гэлдэхэ.

Исай 14:19

Харин ши ямаршье булашагүйш, шарлаһан мүшэр мэтэ хаяатайш. Үхэгшэдэй дунда хэбтэнэш, һэлмээр сабшагдаһан зоной дунда. Ши шулуун нүхэн руу хаюулбаш. Хүүршни хүлдэ гэшхэгдэхэ.

Еврейнүүдтэ 11:38

Бүхы газар дэлхэйн хүнүүд тэдэнэй хаананьшье хүрэхэгүй! Гэхэдэ тэдэнэр сүл губяар болон хада уулаар тэнэжэ ябаа, агы нүхэнүүдтэ болон жалгануудта амидаржа байгаа.

Ударидагшад 6:2

Мидианууд израильшуудһаа булюу хүсэтэй байһан тула тэдээндэ олиггүй хэрзэгыгээр хандаба. Тиихэдэнь израильшууд хабсагай хадануудта нюуса агынуудые олоод, өөһэдынгөө эдихэ эдеэ хоолой зүйлнүүдые тэдээн соо хадагалба.

1 Хаан түрэнүүд 13:6

Израилиин улад зон хашуулһанаа мэдэжэ, аюулай ушарһые хараад, агы нүхэнүүдтэ, хадын хабшалаар, хабсагайн дундуур, газар дорохи нүхэн, худагуудаар хоргодобо.

1 Хаан түрэнүүд 14:11

Тэдэ хоёрой пилиштүүдэй сэрэгэй бүлэгтэ өөрыгөө харуулхадань, пилиштүүд: – Харагты, еврейнүүд хоргодожо байһан нүхэнүүдһээ гаража байна, – гэлдэбэ.

1 Хаан түрэнүүд 14:22

Эпрааимай хада уулата газарта хоргодожо байһан бүхы израильшууд пилиштүүдэй зугадажа байһан тухай дуулаад, хойноһоонь намнажа, хюдажа эхилбэ.

1 Хаан түрэнүүд 24:3

Тиигээд Саул бүхы Израильһаа гурба мянган хүниие шэлэн абаад, Давидые болон тэрэнэй хүнүүдые бэдэрхэеэ янгирнуудай байрладаг хабсагайнууд руу ошобо.