Ерэмияа 41:5 - Библи

⁵ һахалаа хюһуулһан, хубсаһаа таһалһан, бэеэ адааһан наян хүн Шэхээм, Шилоо болон Самариһаа ерэбэ. Тэдэ нангин үргөөдэ үргэхэ эдеэ, уталгануудые баряад ерээ бэлэй.

Ерэмияа 41:5 Referencias Cruzadas

Эхин 33:18

Удаань Яков Иордан голые гаталан, Ханаһаан орон руу ерээд, Шэхээм хотын хажууда буусаяа түхеэрэн байрлаба. Иигэжэ Яков Месопотамиин хойто зүгһөө гараад, Ханаһаан орон нютагта амар мэндэ ерээ бэлэй.

Эхин 34:2

Тиихэдэ тэндэхи обог зоной удамаршан, хиив обогтон болохо Хамоорой хүбүүн Шэхээм тэрээниие хаража, хүсөөрөө барин, эдлэбэ.

Эхин 37:12

Яковай гэр бүлэ Хэброон хотын хажуудахи тала газарта ажаһуудаг байгаа. Нэгэтэ хүбүүдынь эсэгынгээ мал Шэхээм хотын ойрохоно адуулжа байба ха.

2 Хаан түрэнүүд 10:4

Тиихэдэнь Хануун Давидай зониие барижа, хүн бүхэнэйнь һахалай хахадые хюһаад, хубсаһыень ташаа хүрэтэрынь шуулажа таһалаад, һөөргэнь табиба ха.

3 Хаан түрэнүүд 12:1

Бүхы израильшууд Рэхобаамые хаан болгохо гэжэ Шэхээмдэ сугларһан байгаа. Тиимэһээ Рэхобаам Шэхээмдэ ерэбэ.

3 Хаан түрэнүүд 12:25

Эпрааим хада дээрэ Шэхээм хото Еробоһаам бүхэлжэ, барилга ябуулба. Тэндэ тэрэ байрлаа һэн. Удаань тэрэнээ орхижо, Пэнүһээл хото бүхэлөө бэлэй.

3 Хаан түрэнүүд 16:24

Тэрэ зургаа мянган хэһэг мүнгөөр Самариин хадые Сээмэр гэжэ хүнһөө худалдан абажа, хада бүхэлэн, хото баряад, хадын эзэн байһан Сээмэрэй нэрээр тэрэ хотые Самария гэжэ нэрлэбэ.

3 Хаан түрэнүүд 16:29

Иудын хаан Асаа гэгшын гушан наймадахи жэлээ хааншалан байхада Омриин хүбүүн Ахааб хаан болоһон байна. Тэрэ хорин хоёр жэлэй туршада Израилиие Самарида зонхилон байгаа.

4 Хаан түрэнүүд 25:9

Тэрэ Эзэнэй һүмэ, хаанай ордон, Иерусалимай бүхы томо һайн гэрнүүдые дууһан шатааба.

1 Угай бэшэг 19:4

Тиихэдэнь Хануун Давидай зониие барижа, хюһаад, хубсаһыень ташаа хүрэтэрынь шуулажа таһалаад, һөөргэнь табиба ха.

Псалманууд 102:14

Юуб гэхэдэ, Тэрэ юунһээ бидэнэй бүтээгдэһэниие мэдэнэ, маанадай тооһо шорой байһые һанажа байна.

Исай 15:2

Дибоон хотын зон гашуудан уйлаһаар мүргэлэй газарнууд өөдэ гарана. Моһаабай улад зон Нэбоо болон Мэдэбаа тушаа сурхирса уйлана. Гашуудалай тэмдэг – хүн бүхэнэйнь толгой, һахал хюһагданхай.

Ерэмияа 16:6

Баян бардамшье, үгытэй ядуу зоншье энэ орон нютагта наһа бараха. Тэдэ хүдөөлүүлэгдэхэгүй, хойноһоонь хэншье уйлан гашуудахагүй. Уйдан зобожо байһанаа гэршэлжэ хэншье бэеэ отолжо, толгойн үһэеэ хюһажа байхагүй.

Ерэмияа 41:4

Гэдаалияае алаһанай удаадахи үдэр, хэнэйшье энээн тушаа мэдээдүй байхада,

Ерэмияа 47:5

Гааза гэгшэдэ ехэ гай гашуудал буужа ерээ, Ашхэлооной зон һалаба, Пилишт орон нютагай бусад зон хэр удаан гашуудан байхаб?

Ерэмияа 48:37

Тэдэ бултадаа толгойгоо хюһанхай, һахалаа абанхай. Гашуудан-зобон, гараа элдэбээр отолоо, хүн бүхэниинь таар үмдэнхэй.

Ерэмияа 7:12

Намайе хүндэлхэ газар болгон түрүүшээр Шилоодо шэлэһэн газартамни ошожо, арад түмэн Израилиимни муу муухай ябадалһаа боложо тэдээндэ юу хэһыемни харыт.

Ерэмияа 7:14

таанадай найдадаг, Минии нэрээр нэрлэгдэдэг үргөөдэ болон таанадта, үбгэ эсэгэнэртэтнай үгэһэн газартаа Би Шилоодо хандаһантайдал адляар хандан, үйлэ хэрэг хэхэб!

Ёһээл 2:13

Таанад хубсаһаяа бэшэ, зүрхэ сэдьхэлээ удар татагты!» Одоол өөһэдын Эзэн Бурхан тээшэ эрьегты. Тэрэ хадаа нигүүлэсхы хайра үршөөлтэй, уурлахадаа удаан, тэсэбэритэй, муудашье зөөлэн хандадаг.

Хуули дабталга 14:1

Таанад Эзэн Бурханайнгаа арад зон болонот. Хэн нэгэнэй наһа барахада, гашуудалай тэмдэг харуулан, өөһэдыгөө хадхажа, отолжо бү байгты, магнай дээрэхи үһэеэ бү хюһагты.

Нүүнэй Иисүүс 18:1

Израилиин бүхы зон Шилоодо шүүлгын газарта суглараад, тэндэ суглаанай майхан һүмэ табиба, юундэб гэхэдэ, тэрэ орон тэдээнэй мэдэлдэ ороод байгаа.

Нүүнэй Иисүүс 24:32

Израилиин хүбүүдэй Египедһээ гаргаһан Иосифой яһыешье Шэхээмдэ, Шэхээмэй эсэгэ Хамоорой хүбүүдһээ Яковай зуун зоосоор худалдажа абаһан, һүүлдэ Иосифой хүбүүдтэ хубаари боложо хүртэһэн талбай газар дээрэ хүдөөлүүлээ.

Ударидагшад 18:31

Бурханай һүмын Шилоодо байха үе сагта Даанай үри һадаһад Михаагай бүтээлгэһэн тэдэ бурхадай дүрсэ хүрэгүүдтэ шүтэн мүргэжэ байһан юм.

Ударидагшад 9:1

Еруббаалай хүбүүн Абимээлэх Шэхээм хотодо ажаһуудаг эхынгээ түрэлхидтэ ошоод, тэдэндэ болон эхынгээ угай бүхы хүнүүдтэ иигэжэ хэлэбэ:

1 Хаан түрэнүүд 1:7

Жэл бүхэн Эзэнэй һүмэ ошохо бүринь нэгэнь нүгөөдэеэ голхоруулдаг, нүгөөдэнь уйлажа, эдеэ хоолһоо гарадаг бэлэй.