Ерэмияа 41:2 - Библи

² Нэтаанияагай хүбүүн Ишмаһээл болон тэрээнтэй хамта ерээшэ арбан хүн һэлмэнүүдээ гаргаад, орон нютагай захирагшаар Вавилооной хаанай табиһан Шапаанай аша, Ахикаамай хүбүүн Гэдаалияае алаба.

Ерэмияа 41:2 Referencias Cruzadas

2 Хаан түрэнүүд 3:27

Иигээд Абнээрэй Хэброондо асарагдахада, Ёһааб тэрээнтэй хүнгүйгөөр хөөрэлдэхэеэ бартаанууд тээшэ абаашаад, гэдэһэ руунь хадхажа алаба. Ёһаабай дүү Асаһээлые алаһанайнгаа түлөө иигэжэ Абнээр наһа бараа бэлэй.

4 Хаан түрэнүүд 25:25

Долоодохи һарада хаанай түрэл болохо Элишамаагай аша, Нэтаанияагай хүбүүн Ишмаһээл арбан хүнтэй хамта ерэжэ, Гэдаалияае, мүн баһа иудейнүүдые болон халдейнүүдые, Мицпаа хотодо тэрээнтэй хамта байгшадые бултыень алабад.

Псалманууд 109:5

Эзэн баруун гараараа тангариг үргөө. Хилэнтэ үдэрөө тэрэ бусад хаашуулые һамна бута сохихо,

Псалманууд 41:9

Эзэн үдэртөө Өөрын энэрэл хайрые харуулна, Тэрээндэ зорюулһан дуун, амидаралайм Бурханда зальбарал, һүниндөө амандам байна.

Ерэмияа 40:14

Тэдэ тэрээндэ иигэжэ хэлээ: «Дуулаа гүт, Аммооной хаан Баһалиис таниие алахыень Нэтаанияагай хүбүүн Ишмаһээлые эльгээгээ». Теэд Гэдаалияа тэдээндэ этигэбэгүй.

Ерэмияа 40:16

Теэд Ахикаамай хүбүүн Гэдаалияа Карээһаагай хүбүүн Ёханаанда харюусаба: «Иимэ юумэ бү хэ! Ишмаһээл тухай хэлээшэшни зүб бэшэ!»

Ерэмияа 40:5

Минии хайшаашье ошохоёо мэдэхэгүй байхада, тэрэ «Иудын хотонууд дээрэ ноён болгон табигдаһан Шапаанай аша, Ахикаамай хүбүүн Гэдаалияада бусагты, тэндэ зоной дунда ажаһуухадатнай болохо. Үгышье һаа, һанаһан тээшээ ошоходотнай болохо» – гэбэ. Тиигээд тэрэ намда бэлэг, эдеэ хоол үгэжэ, дураараа ябахыемни табиба.

Ерэмияа 40:7

Зарим израильшууд дайсадһаа хорон, хүдөө талаар үлэһэн байгаа. Вавилооной хаан Гэдаалияае эндэхи нютагай дарга болгожо томилбо, Вавилоон руу сүлэгдөөгүй үгытэйшүүлые тэрээндэ даалгаба гэжэ Нэтаанияагай хүбүүн Ишмаһээл, Карээһаагай хүбүүд болохо Ёханаан болон Ёнатаан, Танхуумэдэй хүбүүн Сэраяа, Нэтопаадай Эпайн хүбүүд болон маһахаа хүн Езаания гэгшэд дуулаад, өөһэдынгөө сэрэгүүдэй дарганартай, өөһэдынгөө хүнүүдтэй хамта тэрээнтэй уулзахаяа Мицпаа ошобод.

Ерэмияа 41:3

Ишмаһээл мүн лэ Гэдаалияатай хамта байһан иудей зониие, тэндэ байгааша Вавилооной сэрэгшэдые усадхаба.

Иоанн 13:18

Бултанайтнай тухай Би хэлэнэгүйб, хэдыетнай шэлэжэ абаһанаа мэдэнэб. Теэд «Намтай хамта хилээмэ эдижэ байһан хүн Минии урдаһаа эсэргүүсэбэ» гэһэн Нангин Бэшэгэй үгэнүүд бодото дээрээ хүсэлдэг лэ даа.