Ерэмияа 4:31 - Библи

³¹ Би түрэхэ гэжэ үбдэжэ байһан эхэнэрэй оог хашхараанда адли дууе, түрүүшын үхибүүгээ түрэжэ байһан эхэнэрэй ёолоходол абяае, гараа һунгаад: «Аа, би гасаланда орооб! Намайе алахаяа тэдэ ерэнэ!» – гэжэ амияа абажа ядажа байһан Сионой үхинэй абяае соносооб.

Ерэмияа 4:31 Referencias Cruzadas

Эхин 27:46

Удаань Рэбээккаа Исаагта иигэжэ хэлэбэ: – Эсаавай хээт яһатан хоёр һамгадһаа боложо, би зобоноб. Яковаймнай баһа хээт яһанай һамга абабалнь, амиды байһанһаа үхэһэмни дээрэ.

Иоов 10:1

Өөрын амидарал үзэн ядадаг болоһон би гомдолоо Бурханда мэдүүлхэмни.

Псалманууд 120:5

Эзэн хадаа шинии Хамгаалагша. Эзэн хадаа шинии баруун гар таладахи һүүдэр мүн.

Исай 1:15

Таанадай гуйжа гараа үргэхэдэ, Би харангүй байхаб. Хэдышье зальбараа хадатнай, Би шагнахагүйб. Юуб гэхэдэ, гартнай шуһанда зуурагданхай.

Исай 13:8

Тэдэ айжа, гар-хүлынь таталдажа, үбдэжэ эхилхэ. Тэдэ түрэжэ байһан эхэнэртэл зобохо. Бэе бэеэ айжа хараха, нюурынь эшэһэндээ улайха.

Исай 21:3

Хэбэл руум хадхаба. Түрэжэ байгша эхэнэртэл, зобожо, үбдэжэ байнаб. Гай зоболонһоо боложо юушье дууланагүйб, айһандаа юушье харанагүйб!

Исай 26:17

Эхэнэрэй үхибүү түрэхэдөө зобон хашхардагтал, бидэ зобон хашхаран байгаа бэлэйлди, Эзэмнай!

Исай 42:14

Эзэн иигэжэ айладхана: Удаан сагай туршада абяа аниргүй байжа, бэеэ баряаб. Харин мүнөө хэрэг үүдхэхэ саг ерээ, тиимэһээ Би түрэжэ байгаа эхэнэртэл хашхаран байнаб.

Исай 6:5

Тиихэдэнь би иигэжэ хэлэбэб: – Ай даа! Һалахамнил! Хэлэһэн үгэ бүхэмни нүгэл шэбэлтэй, нүгэл шэбэл дуугардаг зоной дунда ажаһуунаб. Тиимэ аад, Түмэн Сэрэгтэ Эзэн Хааниие хараалби.

Ерэмияа 10:19

Оо, ямар үбшэнтэйб! Би зобошооб. Минии шарха эдэгэшэгүй. Харин би «энэ үбшэн тэсэжэ шадахаб» гээд һанаа һэм.

Ерэмияа 13:21

Өөрэйншни һургаһан зониие шамда захирхыень дээрэшни Тэрэнэй табибал, ши юун гэхэбши? Түрэжэ байһан эхэнэр шэнги үбшэндэ баригдахалши.

Ерэмияа 14:18

Хээрэ тала руу гарахадам, дайнда алуулһан зоной һэенүүд байна. Хото руу орожо ерэхэдэм, туража үхэхэеэ байгшад харагдана. Лүндэншэд, санаартад юу хэхэеэ ойлгожо ядан, орон нютагаар тэнэнэ.

Ерэмияа 15:18

Юундэ минии үбшэн болиногүйб, шархамни эдэгэнэгүйб? Юундэ тэрэ эдэгэхэгүйб? Та үнэхөөр найдажа болохогүй уһандал, шэргэдэг горхондол адли намда боложо, урмыем хухалха гээ гүт? – гэбэб.

Ерэмияа 18:21

Теэд мүнөө үхи хүүгэдыень туража үхүүлыт, дайн дажарта усадхыт, эхэнэрнүүдынь бэлбэһэн болог, үри хүүгэдээ гээг, эрэшүүлынь үхэл хаталда дайрагдаг, залуушуулынь байлдаанда алуулаг лэ!

Ерэмияа 22:23

Ливаанай үнэтэ хуша модоор бэеэ хүреэлэн амархан ажаһуугша таанад түрэжэ байһан эхэнэртэл адли хүндэ үбшэндэ нэрбүүлхэдээ, хэды шангаар ёолохо гээшэбта!

Ерэмияа 30:6

Асуугты, бодоод үзэгты: эрэ хүн үхибүү түрэжэ шадаха гү? Теэд үхибүү түрэжэ байһан эхэнэртэл, эрэ хүн бүхэнэй гараа гэдэһэн дээрээ хээд байхые юундэ Би харанабиб? Юундэ бултанайнь шарайнууд сухигар бэ?

Ерэмияа 45:2

Израилиин Эзэн Бурханай иигэжэ айладхал буулгаһые хэлээ һэм: – Баруух,

Ерэмияа 48:41

Хотонууд, хэрэмүүд дайсанай хүнэһэн болохо. Тэрэ үдэр Моһаабай сэрэгшэдэй зүрхэ сэдьхэл үхибүү түрэжэ, үбдэжэ байһан эхэнэртэл адли аймхай болохо.

Ерэмияа 49:22

Далияа дэбиһэн бүргэдтэл, дайсан Боцраа хото руу добтолон орохо. Тэрэ үдэр Эдоомой сэрэгшэд үхибүүгээ түрэжэ байһан эхэнэртэл, зобохо.

Ерэмияа 49:24

Дамааскын улад зон аймхай, айһандаа тэдэ тэрьедээ, үхибүү түрэжэ байһан эхэнэртэл, үбдэжэ, зобожо байна.

Ерэмияа 50:43

Вавилооной хаан тэдээн тушаа һураг суу дуулажа, һал һуушаба. Түрэжэ байһан эхэнэртэл үбшэндэ, гай зоболондо тэрэ нэрбэгдэбэ.

Ерэмияа 6:2

Гоё һайхан эрхэ тангил Сионой басаган усадхагдаха.

Гашуудал 1:17

Сион гараа һунгана, тэрэниие һатааруулха хэншье байхагүй. Эзэнэй захирхада дайсад Яковые бүһэлөө. Тэдэнэй дунда Иерусалим бузарлагдаһан эхэнэр мэтэ болоо.

Гашуудал 1:20

Эзэн, харыт, би ехэ зобожо байнаб, умаймни хабданхай, зүрхэмни хүмэринхэй. Эдэ бүгэдэ Танай урдаһаа минии эсэргүүсэһэнэй түлөө болоо. Гудамжада һэлмэ үхибүүдым сабшана, гэртэ үхэл амадан хүлеэнэ.

Гашуудал 2:21

Хүүгэд, хүгшэд газарта, харгын захаар хэбтэнэ! Залуу хүбүүд, басагадни һэлмээр сабшуулан алуулаа! Хилэнтэ үдэртөө Та тэдэниие алаат, хайра гамгүй усадхаат!

Һошээ 13:13

Эхын умайһаа гарахаяа арсажа байгааша үхибүүндэл Израиль тэнэг хонгор байна. Теэд тэрэ гэмээ амасаха.

Михей 4:10

Иерусалимай арад зон, үхибүү түрэжэ байгаа эхэнэртэл үбдэжэ, зобожо байгты! Юуб гэхэдэ, мүнөө таанар хотоһоо гаргагдан, Вавилоон руу сүлэлгэдэ туугдахат. Теэд тэндэ абарагдахат, дайсадһаатнай Эзэн таанадые абарха.

Михей 4:9

Иерусалим, юундэ иимэ шангаар хашхарнаш? Хаан шамда үгы юм аал? Зүблэгшэшни хайшаа үгы болооб? Түрэжэ байгаа эхэнэртэл, юундэ ши иигэжэ зобожо байнабши?

Михей 7:1

Ямар гасалантай гээшэбиб даа! Жэмэс түүжэ, үзэм хуряажа байһанай удаа нэгэшье жэмэс оложо эдиһэйб гэжэ бэдэрһэн, харин юушье олоогүй хүндэл адлиб!

Матвей 21:5

«Номгон даруу шинии Хаан эмэ элжэгэ зайдаланхай, тэрэнэй унага – даагыень зайдаланхай, шамда дүтэлжэ ябана гээд Сионой басаганда дуулгаарайгты».

Коринфынхидтэ 1-дэхи 9:16

Тиигээдшье гансал Һайн Мэдээсэлые номножо байһанаараа би омогорхохо эрхэгүйб. Энэ минии уялга мүн. Һайн Мэдээсэлые номноогүй һаа, гай оһол толгой дээрэмни буухал.

Фессалоникиинхидтэ 1-дэхи 5:3

Хүнүүдэй «Амгалан тайбан, аюулгүй һуунабди» гэжэ байхада, тэдэниие гэнтэ һүйдхэхэ. Тэрэ һүйдхэл болбол түрэхөө байһан эхэнэрэй үбдэдэг мэтэ гэнтэ эхилхэ, тиимэһээ хүнүүд тэрээнһээ зайлажа шадахагүй.