Ерэмияа 4:19 - Библи

¹⁹ Сэдьхэлни, сэдьхэлни! Би зобожо байнаб. Зүрхэмни! Зүрхэмни аргагүй сохилно. Би миин байжа шаданагүйб! Дайнда дуудаһан бүреэгэй абяа дууланаб.

Ерэмияа 4:19 Referencias Cruzadas

Эхин 49:6

Уураа хүрэбэл, хүниие хороожо, миин байхаһаа үхэр малай шүрбэһые амидыгаар отолжо зугаасадаг та хоёрой бузар үйлэ хэрэгүүдтэ би хэзээдэшье хамааралсаагүйб, хэзээшье дэмжээгүйб.

4 Хаан түрэнүүд 4:19

Тиигээд тэрэ өөрынгөө эсэгэдэ хандажа: – Минии толгой! Минии толгой үбдэнэ! – гэбэ. – Энээниие эхэдэнь абааша, – гэжэ тэрэнэй эсэгэ хүлһэншэндөө хэлэбэ.

4 Хаан түрэнүүд 8:11

Элишаа үни удаан шэг шарайгаа барылгаад, харасаяа тогтообо. Тиигээд Бурханай хүн уйлашаба.

Псалманууд 103:1

Сэдьхэлни, Эзэниие магтан дуула! Эзэн Бурхамни! Та агууехэт! Алдар соло болон һүр жабхалан – Танай хубсаһан.

Псалманууд 146:1

Эзэниие магтагты! Манай Бурханда магтан дуулахань һайн, магтахань таатай болон зохид байна.

Псалманууд 16:2

Зарга хэрэгыем шиидхэхэт, хэн зүб бэ гэжэ нюдэнтнай хаража байна.

Исай 15:5

Моһааб тушаа зүрхэ сэдьхэлни уйлана. Моһаабай зон Цооһар болон Эглаат-Шэлишияа руу гүйлдэнэ. Лүхиит руу үгсэхэдөө, уйлалдан гарана, гай тухайгаа шангаар бархиралдан, Хоронааһим руу ошоно.

Исай 16:11

Моһааб тушаа уйдхар гашуудал досоомни байна, зүрхэ сэдьхэлни Киир-Хээрэс тушаа ёолон-үбдэн байна.

Исай 21:3

Хэбэл руум хадхаба. Түрэжэ байгша эхэнэртэл, зобожо, үбдэжэ байнаб. Гай зоболонһоо боложо юушье дууланагүйб, айһандаа юушье харанагүйб!

Исай 21:4

Һүр һүлдэмни доройтоо, айһандаа шэшэржэ байнаб. Урдандаа дуратай боро хараамни намайе айлгадаг, һүрдүүлдэг болоол.

Исай 22:4

Тиимэһээ намайе гансаарым орхигты, хосорһон өөрынгөө арад зон тушаа гашуудан уйлахаб, аргадажа-һамааруулжа бү байгты.

Ерэмияа 13:17

Харин энээниие анхараагүй һаатнай, танай бардам занһаа боложо, минии зүрхэ сэдьхэл бүтүү уйлахал. Эзэнэй арад зоной һүрэг мэтээр баряанда туугдаһанһаа боложо, нюдэдэйнгөө шэргэтэр би сурхирса уйлахаб.

Ерэмияа 20:9

Теэд минии: «Эзэн тухай бэшэ һануулхагүйб, Тэрэнэй нэрэһээ бэшэ айладхахагүйб» гэжэ хэлэхэдэ, зүрхэ сэдьхэлдэмни гал шатажа байһандал, яһаарни дамжан гараһандал болоно. Тэрэниие досоогоо барижа туршааб, теэд шаданагүйб.

Ерэмияа 23:9

Лүндэншэд тухай. Зүрхэмни хүмэринэ, бүхы бэем һалганана. Эзэнһээ ба Тэрэнэй нангин үгэнүүдһээ боложо, би һогтуу хүн мэтэ, үзэмэй дараһан архида диилдэһэн хүн мэтэ болооб.

Ерэмияа 4:21

Эзэн Бурхамни, хэды болотор дайнай тугуудые хараха, бүреэгэй дууе шагнаха ёһотой гээшэбиб?

Ерэмияа 4:5

Иудын улад зондо соносхогты, Иерусалимда дуулгагты, бүхы нютагуудаар бүреэ үлеэн, шангаар хашхаран, иигэжэ хэлэгты: «Сугларагты! Бүхэлэгдэһэн хотонууд руу гүйжэ хороёл!»

Ерэмияа 49:2

Теэд Аммооной ниислэл хото Раббаада дайн дажарай абяа шууяанай дуулдаха саг дүтэлөө. Тэрэ һандаргагдаха, хажуудахи һууринуудынь гал дүлэндэ шатаха. Тиихэдэнь Израиль газар уһаяа тэдээнһээ һөөргэнь абаха.

Ерэмияа 50:22

Тулалдаанай абяан дуулдана, агууехэ һандарал болоол!

Ерэмияа 6:24

Иерусалимай зон иигэжэ хэлэнэ: – Тэдээн тушаа һураг суу дуулажа, һал һуушабабди. Түрэжэ байһан эхэнэртэл үбшэндэ, гай зоболондо бидэ нэрбэгдэбэбди.

Ерэмияа 8:18

Минии уй гашуудал эдэгэшэгүй, зүрхэ сэдьхэлни үбдэнэ.

Ерэмияа 8:21

Арад зонойнгоо зобоходо, зүрхэ сэдьхэлни зобоно. Уйдхартай барагар байнаб, угаа һүрдэнхэй ябанаб.

Ерэмияа 9:1

Минии толгойн уһаар дүүрэн байгаа һаань, минии нюдэдэй нулимсын булаг болоо һаань, алагдаһан улад зонойнгоо хойноһоо үдэр, һүнигүй уйлаха һэм.

Ерэмияа 9:10

Уула тухай уйлажа, ори дуун болохоб. Үргэн талын бэлшээринүүд тухай гашуудан бархирхаб. Тэдэ зэлүүд хооһон болоо, тэрээгүүр хэншье гарахагүй. Үхэр һүрэгэй мөөрэхэнь дуулданагүй, огторгойн шубууд, бүхы ан арьяатан зугадан тэрьедээ.

Гашуудал 1:16

Эдэ бүгэдэ тухай би уйланаб, нюдэмни уһан болонхой. Амиды мэндэ байлгадаг, һатааруулдаг нэгэн намһаа холо. Дайсанай хүсэндөө ороһон ушарһаа үхи хүүгэдни хооһон хосорно.

Гашуудал 1:20

Эзэн, харыт, би ехэ зобожо байнаб, умаймни хабданхай, зүрхэмни хүмэринхэй. Эдэ бүгэдэ Танай урдаһаа минии эсэргүүсэһэнэй түлөө болоо. Гудамжада һэлмэ үхибүүдым сабшана, гэртэ үхэл амадан хүлеэнэ.

Гашуудал 2:11

Нёлбоһодһоо боложо һохор болонхойб, доторни хабданхай, арад түмэнэйнгөө хосоржо байхада, бага хүүгэдэй үлдэжэ-хооһоржо, хотын үйлсэнүүдтэ үхэжэ байхада зүрхэмни хахаран байна.

Даниил 4:19

Тэрэ болбол, үндэр түрэлтэ хаан, та болонот. Та агууехэт, хүсэ шадалтайт. Һүр жабхалантнай огтормой тулама, засаг зонхилолтотнай газар дэлхэйн хаяа хүрэтэр үргэлжэлнэ.

Даниил 7:15

Би, Даниил, угаа шэшэрбэб, эдэ үзэгдэлнүүд намайе ехэ һүрдүүлбэ.

Даниил 7:28

Эндэ хөөрөөн түгэсэнэ. Би, Даниил, угаа һүрдэжэ, шэгни хубилан байгаа һэн. Эдэ бүгэдые сэдьхэлдээ хадуун абаа бэлэйб.

Даниил 8:27

Би, Даниил, угаа ехээр эсэжэ, хэдэн үдэр үбшэн хэбтээ һэм. Удаань бодожо, дахин хаанда албаяа үргэлжэлүүлээб. Энэ үзэгдэлһөө ехээр һүрдэжэ, удхыень ойлгонгүй байгаа бэлэйб.

Амоос 3:6

Хото соо бүреэ үлеэхэдэ, зон шэшэрэлдэхэгүй юм гү?! Хото соо гай тодхор тохёолдобол, тэрэниие Эзэн хэһэн бэшэ юм гү?!

Аввакуум 3:16

Тэрээн тухай дуулахадаа, досоомни доһолбо, урални шэшэрбэ, яһамни үбдэбэ, зогсоһон газартаа би һалганабаб. Теэд арад зониием сүйдхүүлһэн дээрмэшэндэ һүнэхэ сагай ерэхые би тэсэбэритэйгээр хүлеэхэ ёһотойб.

Тоололго 10:9

Өөрынгөө газар дээрэ дайсадтай тулалдахын урда тээ шангаар аад, түргэ түргөөр бүреэнүүдээ үлеэ. Тиихэдэшни Эзэн, шинии Бурхан, дохёоешни дуулаад, таанадые дайсадһаа абарха.

Римэйхиндэ 10:1

Аха дүүнэр! Израилиин арад зоной абарагдахые би бүхы зүрхэ сэдьхэлээрээ хүсэнэб, тэрээн тухай Бурханда зальбарнаб.

Коринфынхидтэ 1-дэхи 14:8

Дохёо үгэдэг бүреэгэй тодо бэшэ абяануудые гаргадаг байбалнь, хэн тулалдаанда бэлдэхэ байгааб?

Галадуудта 4:19

Үхибүүдни, амидаралтнай Христоосоор халин дүүрэхын тула би түрэжэ байһан эхэнэртэл адли зобоноб.

Ударидагшад 5:21

Урданай гол, Кишоон гол урадхалаараа дайсадые хаанаш! Уур сухални дайсадай хүсые бууруулыш!