Ерэмияа 4:13 - Библи

¹³ Харагты, дайсан хара үүлэн мэтэ дээшээ гаража байна. Тэрэнэй дайшалхы тэргэнүүд хуй һалхин мэтэ, тэрэнэй морид бүргэдһөө үлүү хурдан юм. Бидэ сүйд гасаланда орообди! Бидэ һалаабди!

Ерэмияа 4:13 Referencias Cruzadas

2 Хаан түрэнүүд 1:23

Саул ба Ёнатаан, эгээл дуратайнууднай, эгээл һайханууднай, амиды сагтаа хамта, наһа барахадаашье тэдэ һалаагүйл! Тэдэ бүргэдһөөшье хурдан, арсаланһаашье хүсэтэй бэлэйл.

Исай 13:5

Тэрэ сэрэгынь алас холын орон нютагуудһаа, тэнгэриин хирхагһаа ерэнэ. Бүхэли орон нютаг һалгааха гэжэ Эзэн уур хилэнсэглэн ерэжэ байнал.

Исай 19:1

Энэ болбол Египет тушаа зүн. Эзэн хурдан үүлэ хүлэглэн, Египет руу ерэжэ ябана. Египедэй шүтөөнүүд Тэрэнэй урда шэшэржэ, Египедэй зон айжа-һүрдэжэ байна.

Исай 3:8

Иерусалим бүдэрэн унахаяа байна, Иудын хан түрэ доройтон һандарна, юуб гэхэдэ, тэдэ Эзэнэй урдаһаа һөөргэдэн дуугарна, хэрэг ябуулна, Алдарта Бурханай хараа нюдэндэ энэ доромжолол мүн.

Исай 5:28

Тэдэнэй годлинууд хурса, һурша номынь татаатай. Моридойнь туруунууд сахюур шулуун мэтэ хатуу, тэргынь мөөрнүүд хуй һалхин мэтэ.

Исай 66:15

Үзөөрэйгты, Эзэн гал дүлэн мэтэ бууха. Уурлаһан зоноо хэһээхэеэ Тэрэ шуурган һалхин мэтэ шуумайха.

Ерэмияа 10:19

Оо, ямар үбшэнтэйб! Би зобошооб. Минии шарха эдэгэшэгүй. Харин би «энэ үбшэн тэсэжэ шадахаб» гээд һанаа һэм.

Ерэмияа 4:12

энэ хадаа тэрээнһээ бүри хүсэтэй һалхин Эзэнһээ гаран һалхилжа байха. Тиигээд Эзэн Иудын арад зониие шүүбэрилхэ.

Ерэмияа 4:31

Би түрэхэ гэжэ үбдэжэ байһан эхэнэрэй оог хашхараанда адли дууе, түрүүшын үхибүүгээ түрэжэ байһан эхэнэрэй ёолоходол абяае, гараа һунгаад: «Аа, би гасаланда орооб! Намайе алахаяа тэдэ ерэнэ!» – гэжэ амияа абажа ядажа байһан Сионой үхинэй абяае соносооб.

Ерэмияа 46:18

Би, Түмэн Сэрэгтэ Эзэн, хаан гээшэб. Би амиды Бурхан гээшэб. Табоорой уулануудай дунда эгээл үндэр байһандал, Кармээл уулын далайһаа дээгүүр ербыһэндэл, тон тиимэ агууехэ хүсэтэй нэгэн таанадта добтолон орохо.

Ерэмияа 48:40

Эзэнэй айладхаһанай ёһоор, ондоо арад түмэн Моһаабта даляа дэбиһэн бүргэд мэтээр добтолон орохо.

Ерэмияа 49:22

Далияа дэбиһэн бүргэдтэл, дайсан Боцраа хото руу добтолон орохо. Тэрэ үдэр Эдоомой сэрэгшэд үхибүүгээ түрэжэ байһан эхэнэртэл, зобохо.

Ерэмияа 6:23

Тэдэ һурша ном, жада гартаа адханхай, хэрзэгы хархис зантай, хайра гамгүй. Тэдэнэй хашхараан тэнгис далай мэтэ хүнхинэнэ. Сионой басаган, шинии урдаһаа дайлахаяа тэдэ нэгэ хүн мэтэ жагсан, морёор гүйлгэлдэн ерэжэ байна!

Ерэмияа 9:19

Сионһоо ори дуун соностоно: «Аа, бидэнтэй сүйд болоо! Гутамшаг бузар юумэндэ орообди! Газар нютагаа орхихо баатай болообди, манай гэрнүүд һандаргагдаа».

Гашуудал 4:19

Маанадые мүрдэн намнаашад тэнгэриин бүргэдһээ хурдан байгаа, хойноһоомнай хада уулаар намнаа, сүл губидашье отоо.

Эзэкээл 26:10

Һандарһан хото руу тэдэнэй ороходонь, тоо томшогүй моридойнь туруунһаа бурьялан бодоһон тооһон хотые үүлэн мэтэ хушаха, мориндо мордоһон, дайшалхы тэргэнүүдээр ябаһан сэрэгэйнь, сахаригуудайнь шууяанһаа хотын хананууд дорьёжо доһолжо байха.

Эзэкээл 38:9

Ши һалхи шуурган мэтэ сэрэгтэеэ хамта тэдээндэ добтолхош. Бар хара үүлэн мэтэ тэдэниие хүреэлхэш.

Даниил 11:40

Бурханай тодорхойлһон сагай эсэс болоходо урда зүгэй хаан тэрээндэ добтолхо. Теэд хойто зүгэй хаан дайшалхы тэргэнүүдээрээ, морин сэрэгээрээ, олон онгосоороо шуурган мэтэ тэрээнэй урдаһаа шуумайха. Тэрэ үер мэтэ олон орон нютагуудаар гаража,

Даниил 7:4

Түрүүшын амитан бүргэдтэл адли далитай, гэбэшье түхэлөөрөө арсаланда адли. Хараһаар байтарни, далинуудынь хуулагдан абтаба. Тиигээд тэрэ үргэгдөөд, хүндэл адли хүл дээрээ табигдаба, хүнэй ухаан бодол тэрээндэ үгтэбэ.

Һошээ 8:1

Аюулай дохёо үгэгты! Минии арад түмэн Намтай баталһан хэлсээгээ эбдээ, һургаалыем тообогүй. Тиимэһээ Минии газар буланда дайсад бүргэд мэтэ добтолон шуумайха.

Михей 2:4

Тэрэ сагай ерэхэдэ, таанадтай тохёолдоһон ушарые гай тодхорой жэшээ болгон зон хөөрэлдэжэ, иимэ гашуудалтай дуу дуулахал: «Бидэ дууһан усадхагдаабди! Манай газар дайда урбагшадта үгтэбэл! Маанадта һөөргөө бусахаа болёол!»

Наум 1:3

Эзэн абаһаар уурлажа байдаггүй, тэсэбэритэй, гэбэшье Тэрэ гэмтэдые хэһээлтэгүй оройдоошье орхидоггүй. Тэрэ агууехэ хүсэ шадалтай. Һалхи шуурган, хуй соогуур харгы замынь, хүл дороһоонь үүлэн, тооһон бушаганадаг.

Аввакуум 1:8

Хүлэгүүдынь ирбэсһээ хурдан, үдэшэ гарадаг үлэн шоноһоошье түргэн. Мори унаһан сэрэгынь алас холоһоо гүйдэлөөрөө ерэжэ байна, олзо руугаа шуумайгша бүргэд мэтэ ниидэн ерэнэ.

Захарияа 6:1

Дахяад дээшээ харахадам, хоёр хадын хоорондохи хабшалһаа дүрбэн дайшалхы тэргэ гаража ябаба. Тэдэ хадануудынь үргэлжэ зэд байба.

Матвей 24:30

Тиихэдэ тэнгэридэ Хүн түрэлхитэнэй Хүбүүнэй бэлгэ тэмдэг үзэгдэхэ. Тэрэ сагта газар дэлхэйн бүхы угсаатан Хүн түрэлхитэнэй Хүбүүнэй тэнгэриин үүлэн дээрэ тамаран, агуу хүсэтэйгөөр, алдар солотойгоор буужа ерэхые харахадаа бархиралдаха.

Хуули дабталга 28:49

Хэлыеньшье танай мэдэхэгүй арад түмэниие дэлхэйн захаһаа Эзэн таанадта эльгээхэ. Бүргэдтэл адли, тэдэ таанадта добтолон орохо.

Гэршэлгэ 1:7

Хаража байгты: үүлэн соогуур Тэрэ ерэхэ. Бүхы хүнүүд, мүн жадаар хадхаашадшье Тэрээниие хараха. Газар дэлхэйн бүхы арадууд Тэрээниие шаналан хайрлаха. Үнэхөөрөө тиихэ. Болтогой!