Ерэмияа 39:8 - Библи

⁸ Тэрэ үедэ Вавилооной сэрэг хаанай ордон, зоной байра галдажа, Иерусалимай хэрэм ханануудые һандаргааба.

Ерэмияа 39:8 Referencias Cruzadas

4 Хаан түрэнүүд 25:8

Вавилооной хаан Навуходоносорой арбан юһэдэхи жэлээ хан түрэеэ засаглажа байхада, табадахи һарын долооной үдэр Вавилооной хаанай зүбшэгшэ, харуулай ахамад Набузарадаан Иерусалим руу ерэбэ.

2 Угай бэшэг 36:19

Навуходоносорой сэрэгшэд Бурханай гэрые галдан шатааба, Иерусалимай хэрэм ханануудые һандаргаба, шухала ордон, самхагуудыень галдаба, бүхы баялигуудыень үгы хэбэ.

Нэхэмьяа 1:3

Тэдэнэр иигэжэ харюусаба: – Баряанһаа амиды бусаашад тэрэ газарта аргагүй хүшэр хүндэ байдалда, ехэ доромжолго доро байна. Иерусалим һандаргагданхай, үүдэнүүдынь галдагданхай.

Псалманууд 79:7

Хүршэнэрэймнай наада энеэдэн болгоот, дайсаднай маанадые баһана.

Исай 5:9

Түмэн Сэрэгтэ Эзэн эли тодоор намда: Гэрнүүд олон, гэбэшье тэдэ хооһорхо. Мантан, һайхан байшангууд хүнгүй үлэхэ.

Ерэмияа 17:27

Харин Минии үгэ дуулангүй, амаралтын үдэр нангинаар сахингүй, ашаа үргэн, амаралтын үдэр Иерусалимай бартаануудаар гаража байбалтнай, Би тэдэ бартаануудые галда шатаахаб! Гал дүлэн Иерусалимай ордонгуудые дууһан залгиха, хэншье тэрэниие унтаргаажа шадахагүй!

Ерэмияа 21:10

Энэ хотые хайрлахагүй, һандаргааха гэжэ Би шиидээб. Вавилооной хаанай мэдэлдэ тэрэ үгтэхэ, тиигээд галдан шатаагдаха. Энэ болбол Би, Эзэн, тунхаглана мүн!

Ерэмияа 32:29

гал табиха. Ондоо бурхадта мүргэжэ, Баалда зорюулан сан санзай бааюулан, Намайе сухалдуулһан тэдэ байшангуудтайнь хамта дайсад энэ хотые дууһан шатааха.

Ерэмияа 34:2

Иудын хаан Цэдэкиия гэгшэдэ минии ошожо, иигэжэ хэлхые Эзэн захираа: – Энэ хотые Вавилооной хаанай мэдэлдэ үгэхэм, тиигээд тэрэ дууһан шатаагдаха.

Ерэмияа 34:22

Минии захирхада, дайсадай сэрэг һөөргөө энэ хото руу бусаха. Тэдэ добтолон орожо, хотые эзэмдээд, дууһан шатааха. Иудын хан түрын хотонуудые зэлүүд хооһон, нэгэшье амитанай ажаһуудаггүй хото болгохоб. Энэ болбол Би, Эзэн, тунхаглана мүн!

Ерэмияа 37:10

Вавилооной бүхы сэрэг һамна бута сохёошье һаатнай, шархатаһан сэрэгшэдынь майхангууд сооһоо хэбтэжэ байһанаа гаража, энэ хотые дууһан шатаахал» – гэжэ хэлэхыемни захирба.

Ерэмияа 38:18

Харин бэеэ тушаагаагүй һаатнай, энэ хото Вавилооной сэрэгтэ үгтэхэ, тэдэ хотые дууһан галдаха, таанадшье тэндэһээ тэрьедэжэ шадахагүйт.

Ерэмияа 5:10

Үзэмэй таряалан мэтэ арад зон руу сүйд хэхыень дайсадые эльгээхэб, гэбэшье бүримүһэн усадхуулхагүйб, харин мүшэрнүүдыень хухалхые захирхаб, юуб гэхэдэ, тэдэ Минии арад бэшэ.

Ерэмияа 7:20

Тиимэһээ Би, Эзэн Бурхан, Өөрынгөө бушаганама уур хилэнгые үргөөгэй оршодог энэ газар дээрэ, хүн ба адагуусан дээрэ, талын модод ба газарай үрэ жэмэс дээрэ буулгахам. Гал дүлэн носожо, хэншье тэрэниие унтараажа шадахагүй.

Гашуудал 1:10

Эгээл үнэтэ бүхы зүйлдэнь дайсан гараа һарбайгаад байна. Суглаандань байхые өөрынь хоригшо үндэһэтэдэй Нангин газар руунь орожо байхые тэрэ хаража байна.

Гашуудал 2:2

Эзэн Яковай гэр байрануудые хайра гамгүй хюдаа, уур хилэн дундаа Иудын бүхэлэлтэнүүдые усадхаа, хааниие болон түшэмэлнүүдые бузарлаа, газар руу шэдээ.

Гашуудал 2:7

Тэрэ үргэлэй шэрээгээ буруушаагаа, нангин үргөөһөө буруу хараа. Эзэн Сионой бүхэлэлтэнүүдые дайсадта эзэлүүлээ. Дайсад мүнөө Эзэнэй нангин үргөө соо шууялдана, мүнөө тэдэнэй һайндэр гээшэ!

Эзэкээл 16:41

Гэр байрануудыеш дууһан шатааха, бусад эхэнэрнүүдэй хараһаар байтар энэ хэһээлтэ шамда амасуулха. Иигэжэ Би шинии забхайрхые, мүнгэ түлэн унтадаг байхыеш болюулхаб.

Эзэкээл 23:47

Тэдэ зон эгэшэнэр руу шулуу шэдэн, һэлмээр сабшан усадхаха, үхи хүүгэдыень алаха, гэр байрануудыень шатаан һалгааха.

Эзэкээл 33:21

Вавилоон руу сүлэгдэһэнэймнай удаа арбан хоёрдохи жэлэй ябажа байхада арбадахи һарын табанда Иерусалимһаа тэрьедэгшэ нэгэн намда ерэжэ, хотын эзэлэгдэһэн тушаа дуулгаба.

Амоос 2:5

Иуда руу гал эльгэхэб, Иерусалимай хэрэмүүд галда дүрэхэ!

Михей 3:12

Тиимэһээ таанадһаа боложо, Сион таряалангай талмай мэтэ хахалагдаха, Иерусалим обоолоотой һандархай шулуун болохо, Һүмын мүнөө байгааша газар ой модоной ургадаг гүбээ болохо!