Ерэмияа 39:2 - Библи

² Цэдэкииягай хан түрэеэ арбан нэгэдэхи жэлээ засаглажа байхада, дүрбэдэхи һарын юһэнэй үдэр хотын хэрэм хана сүмэ сохигдобо.

Ерэмияа 39:2 Referencias Cruzadas

Ерэмияа 1:3

Ёшияагай хүбүүн Ёякиимэй Иудын хаан түрэ зонхилжо байха үедэ Тэрэ Ерэмияада мүн лэ хандаа. Ёшияагай үшөө нэгэ хүбүүн Цэдэкиия гэгшын хаан түрэ барижа, хааншалалгынь арба нэгэдэхи жэлэй эсэс хүрэтэр Эзэн Ерэмияада айладхал буулгажал байгаа. Тэрэ онойнь табадахи һарада Иерусалимай ажаһуугшад баряанда абтан сүлэгдөө бэлэй.

Ерэмияа 32:1

Цэдэкиия гэгшын Иудын хан түрые арбадахи жэлээ, Вавилоониие Навуходоносорой наймадахи жэлээ зонхилжо байха үедэ Эзэн намтай хөөрэлдөө бэлэй.

Ерэмияа 34:22

Минии захирхада, дайсадай сэрэг һөөргөө энэ хото руу бусаха. Тэдэ добтолон орожо, хотые эзэмдээд, дууһан шатааха. Иудын хан түрын хотонуудые зэлүүд хооһон, нэгэшье амитанай ажаһуудаггүй хото болгохоб. Энэ болбол Би, Эзэн, тунхаглана мүн!

Ерэмияа 37:8

Вавилооной сэрэг дахин ерэжэ хото руу добтолжо, эзэмдэхэ, дууһан шатааха.

Ерэмияа 5:10

Үзэмэй таряалан мэтэ арад зон руу сүйд хэхыень дайсадые эльгээхэб, гэбэшье бүримүһэн усадхуулхагүйб, харин мүшэрнүүдыень хухалхые захирхаб, юуб гэхэдэ, тэдэ Минии арад бэшэ.

Эзэкээл 33:21

Вавилоон руу сүлэгдэһэнэймнай удаа арбан хоёрдохи жэлэй ябажа байхада арбадахи һарын табанда Иерусалимһаа тэрьедэгшэ нэгэн намда ерэжэ, хотын эзэлэгдэһэн тушаа дуулгаба.

Эзэкээл 4:3

Удаань түмэр хайруулга абажа, шинии болон хотын хоорондохи хана мэтээр табяарай. Тиигээд тэрэ хотодо добтолон оро. Тэрэ хото бүһэлжэ, добтолоорой. Энэ болбол Израилиин арад түмэндэ дүлгэ тэмдэг болохо юм.

Эзэкээл 5:2

Шинии зураглажа харуулһан бүһэлэлтын дууһахада хотын дунда нэгэ хуби үһые шатаа. Нүгөө хубииень хотые тойруулан ябажа, һэлмээр сабша. Үлөөшэ хубиие һалхинда хиидхүүлэ, Би һэлмэ һугалан, Иерусалим хотынхидые дахан мүрдэхэб.

Цэпаанияа 1:10

Тэрэ үдэр Иерусалимай Загаһанай хаалгануудай хажууда болон нүгөө хаалгануудай дэргэдэ орилоон хашхаралдаан болохо, гүбээнүүдһээ шанга һандаралгын абяан дуулдаха. Энэ болбол Би, Эзэн, айладхаа мүн!

Захарияа 8:19

Түмэн Сэрэгтэ Эзэн иигэжэ айладажа байна: Дүрбэдэхи, табадахи, долоодохи, арбадахи һарануудта гашуудалай масагай үдэрнүүд таанарта бии. Гашуудалай эдэ үдэрнүүд Иудын уг удамда баяр баясхалантай, хүхюутэй һайхан һайндэрнүүд болог. Гансал үнэниие, амар амгалангые хайрлагты.