Ерэмияа 39:1 - Библи

¹ Иудын хаан Цэдэкииягай хан түрэеэ юһэдэхи жэлээ засаглажа байхада, арбадахи һарада Вавилооной хаан Навуходоносор өөрынгөө бүхы сэрэгүүдтэй хамта Иерусалимда дүтэлэн ерэжэ, тэрэниие тойруулжа хүреэлбэ.

Ерэмияа 39:1 Referencias Cruzadas

2 Угай бэшэг 36:17

Иигэжэ Эзэн тэдээндэ добтолхыень Вавилооной хааниие эльгээбэ. Вавилооной хаан Эзэнэй Һүмэ соо залуу хүбүүдые һэлмээр сабшан усадхаба. Тэрэ хэнииешье – эрэ, эмыешье, залуу, хүгшэншье зониие хайрлабагүй. Бурхан тэрэнэй мэдэлдэ бүхы зониие үгэһэн байба.

Ерэмияа 32:1

Цэдэкиия гэгшын Иудын хан түрые арбадахи жэлээ, Вавилоониие Навуходоносорой наймадахи жэлээ зонхилжо байха үедэ Эзэн намтай хөөрэлдөө бэлэй.

Ерэмияа 34:1

Вавилооной хаан Навуходоносорой мэдэлдэ ороһон бүхы хан түрэнүүдэй, үндэһэ яһатадай хүсэ хэрэглэн, Навуходоносорой Иерусалим болон тэрээндэ дүтэ хотонуудта добтолхо үедэ Эзэн намтай хөөрэлдөө бэлэй.

Ерэмияа 34:22

Минии захирхада, дайсадай сэрэг һөөргөө энэ хото руу бусаха. Тэдэ добтолон орожо, хотые эзэмдээд, дууһан шатааха. Иудын хан түрын хотонуудые зэлүүд хооһон, нэгэшье амитанай ажаһуудаггүй хото болгохоб. Энэ болбол Би, Эзэн, тунхаглана мүн!

Ерэмияа 42:18

Израилиин Түмэн Сэрэгтэ Эзэн Бурхан иигэжэ айладхана: «Иерусалимай улад зондо Минии уур хилэнгэй адхарһандал адляар таанад дээрэ, Египет ошоо һаатнай, тиимэ Минии уур сухал таанад дээрэ адхарха. Та бүгэдэ үзэмжэгүй муухай юумэн ябахат, зон таанадые наада барижа, нэрыетнай хараалай орондо хэлэдэг болохо. Таанад энэ орон нютагаа бэшэ харахагүйт».

Ерэмияа 52:1

Хорин нэгэ наһатайдаа Цэдэкиия хаан боложо, арбан нэгэн жэлэй туршада тэрэ Иерусалимда хааншалаа. Тэрэнэй эхэ Либнаа хотын Ерэмияагай басаган Хамутаал гэжэ нэрэтэй байгаа.

Ерэмияа 6:6

Иерусалимые бүһэлхэеэ модо отолжо, ханануудайнь дэргэдэ хашаа барихыень эдээндэ Түмэн Сэрэгтэ Эзэн захираа: «Би энэ хотодо хэһээлтэ амасуулхаб, юуб гэхэдэ, тэрээн соо дарлалта-харшалалта ходо боложо байна.

Эзэкээл 33:21

Вавилоон руу сүлэгдэһэнэймнай удаа арбан хоёрдохи жэлэй ябажа байхада арбадахи һарын табанда Иерусалимһаа тэрьедэгшэ нэгэн намда ерэжэ, хотын эзэлэгдэһэн тушаа дуулгаба.

Эзэкээл 4:3

Удаань түмэр хайруулга абажа, шинии болон хотын хоорондохи хана мэтээр табяарай. Тиигээд тэрэ хотодо добтолон оро. Тэрэ хото бүһэлжэ, добтолоорой. Энэ болбол Израилиин арад түмэндэ дүлгэ тэмдэг болохо юм.

Эзэкээл 40:1

Энэ хадаа Вавилоон руу сүлэлгэдэ туугдан ошоһоноймнай һүүлээр хорин табадахи жэлэй, мүн тиихэдэ Иерусалим хотын һандарһанай удаа арбан дүрбэдэхи жэлэй ябажа байхада бэлэй. Жэлэй түрүүшын һарын арбадахи үдэр Эзэнэй нүлөөн намда хүсэтэйгөөр хүрэжэ, нэгэ тээшээ намайе абаашаба.

Эзэкээл 5:2

Шинии зураглажа харуулһан бүһэлэлтын дууһахада хотын дунда нэгэ хуби үһые шатаа. Нүгөө хубииень хотые тойруулан ябажа, һэлмээр сабша. Үлөөшэ хубиие һалхинда хиидхүүлэ, Би һэлмэ һугалан, Иерусалим хотынхидые дахан мүрдэхэб.

Захарияа 8:19

Түмэн Сэрэгтэ Эзэн иигэжэ айладажа байна: Дүрбэдэхи, табадахи, долоодохи, арбадахи һарануудта гашуудалай масагай үдэрнүүд таанарта бии. Гашуудалай эдэ үдэрнүүд Иудын уг удамда баяр баясхалантай, хүхюутэй һайхан һайндэрнүүд болог. Гансал үнэниие, амар амгалангые хайрлагты.

Хуули дабталга 28:36

Эзэн шамайе, хаантайшни хамта танигдаагүй, үбгэ эсэгэнэрэйтнайшье мэдэхэгүй арад зондо ябуулха. Тэндэ ши модоор болон шулуугаар хэһэн бурхадта һүгэдэн мүргэжэ эхилхэш.