Ерэмияа 38:4 - Библи

⁴ Тиихэдэм түшэмэлнүүд хаанда ошожо, «Энэ хүн саазалуулагдаха ёһотой. Элдэб юумэ хэлэжэ, тэрэ сэрэгшэдэй зориг мохооно, һүр һүлдыень дарана. Хотын бүхы зондошье тэрэ иимэ юумэ хэлэнэл. Арад зондо туһа бэшэ, тушаа хэнэ гээшэ», – гэжэ дуулгаба.

Ерэмияа 38:4 Referencias Cruzadas

3 Хаан түрэнүүд 21:20

Ахааб Элияа гэгшые харахадаа: – Зай, дайсамни, олобо гүш намайе? – гэбэ. Элияа тэрээндэ хэлэбэ: – Олоол бэзэб. Юуб гэхэдэ, ши Эзэндэ таагүй хэрэг үйлэдэжэ байнаш.

2 Угай бэшэг 24:21

Зон Захарияагай урдаһаа эсэргүүсэн нэгэдэжэ, Ёһааш хаан тэдээнтэй хамтарба. Хаанай зарлигай ёһоор, Эзэнэй Һүмын хашаа соо Захарияае зон шулуугаар шэдэн алаа һэн.

Эзраа 4:12

Эзэн хаамнай мэдэжэ абыт. Танһаа гараад, наашаа нүүжэ, манда Иерусалим ерэһэн энэ буһалгаата иудейнүүд барилга хэжэ, хүреэлһэн хана бодхоожо байнал. Һуурииень табижа дүүргээ.

Нэхэмьяа 6:9

Эдэ хүнүүд маанадые айлгаха гээд һэдэбэ, маанадые өөһэдынгөө ажал дүүргэнгүй орхихо гээд найдаһан байба. Харин би энэ хэрэгээ бүри эршэмтэйгээр эрхилбэб!

Египедһээ гаралга 5:4

Фараон харюудань: – Яаха гэжэ Моисей Аһароон та хоёр зоной тархи эрьюулэн, ажал хэрэгһээнь һаатуулха болообта?! Ажал тээшээ үтэр арилагты!

Ерэмияа 11:21

Анатоот хотын зон намайе алахаяа һанаа. Эзэнэй нэрэһээ абарал буулгахаяа болёогүй һаамни, тэдэ намайе алаха тухайгаа хэлээ һэн.

Ерэмияа 18:23

Теэд Та, Эзэн, намайе алахаяа һанаһыень мэдэнэт. Гэм бурууень бү хүлисыт, нүгэлыень бү мартыт. Тэдэ Танай урда хүмэрин унаха болтогой. Уурлан хилэнтэһэн сагтаа тэдээнтэй юушье хэхэ – Танай дуран.

Ерэмияа 26:11

Тиигээд санаартад болон лүндэншэд түшэмэлнүүдтэ болон бүхы зондо хандан: – Энэ хүн үхэхэ ёһотой! Юуб гэхэдэ, тэрэ манай хотын урдаһаа лүндэн табижа байна. Энээниие таанад өөһэдөө һайн дуулаһан байна гээшэт, – гэжэ хэлэбэ.

Ерэмияа 29:7

Минии таанадые сүлэн эльгээһэн хотонуудай аша туһада оролдогты. Тэдэнэй түлөө Намда зальбарагты, юуб гэхэдэ, тэдэнэй һайн байбал, таанадшье һайн, урагшатай байхат.

Ерэмияа 38:16

Тиихэдэм Цэдэкиия хаан нюусаар намда тангариглажа, «Бидэндэ ами наһа бэлэглэһэн Бурханаар тангаригланаб, би шамайе саазалхагүйб, алахаяа һанаашадташье үгэхэгүйб», – гэбэ.

Ерэмияа 38:25

Тушаалтадай минии шамтай хөөрэлдэһэн тухай дуулаад, шамда ерэжэ, юун тухай хөөрэлдэһэн тушаамнай асуугаа һаань, «алахагүйбди шамайе» гэжэ хэлээ хадань,

Ерэмияа 43:3

Нэрияагай хүбүүн Баруух Вавилооной мэдэлдэ маанадые оруулхын, тэдэнэй бидэниие алахын гү, али баряанда туун абаашахын тула оролдожо, таниие иигэжэ хэлүүлнэ.

Эзэкээл 22:27

Ноёдынь олзоо зулгаажа байһан шононууд мэтэ. Тэдэ хүниие алажа, баяжана.

Амоос 7:10

Бэт-Ээлэй санаартан Амацияа Израилиин хаан Еробоһаамда иигэжэ дамжуулба: – Израильшуудай дунда буһалгаа шинии урдаһаа хэхэеэ Амоос бэлдэжэ байна. Орон нютаг тэрэнэй үгэ хүүр шагнаха дурагүй болонхой.

Лука 23:2

– Энэ хүн арад зонииемнай үймүүлнэ, худхуулна, Римэй хаанда алба татабари түлэхые хорино, Өөрыгөө Бурханай табисууртаб гэжэ нэрлэнэ, – гэжэ Тэрэниие зэмэлбэ.

Хэрэгүүд 16:20

Захирагшадта тэдэниие асараад: – Эдэ еврейнүүд манай хото үймүүлнэ,

Хэрэгүүд 17:6

Тэдэ хоёрые оложо ядахадаа, тэдэнэр Ясоониие, баһа хэдэн һүзэглэгшэдые хотын захирагшадта шэрэжэ абаашаад: – Эдэ түби дэлхэйе үймүүлһэн зон, мүнөө манай хотодо ерээд байна, – гэжэ хашхаралдаба.

Хэрэгүүд 24:5

Энэ хүн Назорейн шажанай бүлгэм толгойлжо, хёмороо татадаг хүн юм, юртэмсэ дэлхэйгээр хаа хаанагүй ажаһуудаг еврейнүүдэй дунда үймөө татаа юм.

Хэрэгүүд 28:22

Гэбэшье өөрынтнай һанамжа бидэ дуулаха дуратай байнабди, юуб гэхэдэ, һүзэглэгшэдэй энэ бүлгэм хаа хаанагүй арсалдаа гаргадаг гэжэл бидэ мэдэнэбди.