Ерэмияа 34:3 - Библи

³ Таанад тэрьедэжэ шадахагүйт, баригдахат, тиигээд тэрээндэ дамжуулагдахат. Улаан нюураараа тэрээнтэй уулзажа, хэлэхыень шагнахат. Тиигээд таанад Вавилоон руу туугдан ошохот.

Ерэмияа 34:3 Referencias Cruzadas

Ерэмияа 21:7

Тэрэнэй удаа Иудын хаан Цэдэкиия, шамайе, түшэмэлнүүдыеш болон дайн дажарай, үлэсхэлэн хооһон байдалай, зуд тахалай һүүлээр үлөөшэ зониие Вавилооной хаан Навуходоносороор, таанадые алахаяа һанаһан дайсадаартнай, баряанда абхуулхаб. Навуходоносор таанадые һэлмээр сабшан алаха. Тэрэ хэнииешье амиды мэндэ үлөөхэгүй, хайрлахагүй, энэрэл үзүүлхэгүй. Энэ болбол Би, Эзэн, айладхана мүн!» гээшые нам руу ерэһэн зондо дамжуулан хэлэбэб.

Ерэмияа 27:22

«Тэдэ Вавилоон руу абаашагдаха, Минии анхартар тэндээл байха. Удаань Би тэдэниие бусаажа, энэ газартань һөөргэнь асархаб. Энэ болбол Би, Эзэн, тунхаглана мүн!»

Ерэмияа 32:28

Энэ хотые Вавилооной хаан Навуходоносорто, сэрэгтэнь дамжуулхам. Тэдэ тэрэниие эзэмдээд,

Ерэмияа 32:3

Иудын хаан Цэдэкиия тэндэ намайе түрмэдэ һуулгажа, Вавилооной хаанай гарта энэ хотые Эзэнэй дамжуулжа байһан тухай айладхаһандам гэмнээ һэн.

Ерэмияа 32:4

«Иудын хаан Цэдэкиияшье тэрьедэжэ шадахагүй, Вавилооной хаанда баригдаха, улаан нюураараа уулзалдан, хөөрэлдэхэ.

Ерэмияа 34:21

Иудын хаан Цэдэкиия гэгшые, тушаалтадыень дайсадайнь һабарта үгэхэб. Урдаһаатнай добтолгоёо саг зуура тогтооһон Вавилооной сэрэгтэ тэдэниие дамжуулхаб.

Ерэмияа 34:4

Иудын хаан Цэдэкиия, шам тухай Минии айладхал шагна. Ши дайн дажарта алагдахагүйш.

Ерэмияа 37:17

Цэдэкиия хаан минии хойноһоо эльгээжэ, ордон руугаа асаруулаад, «Эзэнһээ мэдээсэл бии гү?» – гэжэ асууба. «Бии, – гэжэ хэлээд, – Вавилооной хаанай һабарта орохот», – гэжэ нэмэбэб.

Ерэмияа 38:18

Харин бэеэ тушаагаагүй һаатнай, энэ хото Вавилооной сэрэгтэ үгтэхэ, тэдэ хотые дууһан галдаха, таанадшье тэндэһээ тэрьедэжэ шадахагүйт.

Ерэмияа 38:23

бүхы эхэнэрнүүдтнай болон үхи хүүгэдтнай Вавилооной зоной мэдэлдэ орохо, та өөрөө Вавилооной хаанай баряанда орохот. Энэ хото дууһан галдагдаха.

Эзэкээл 12:13

Би тэрээн дээрэ Өөрынгөө гүльмэ хаяжа, барихаб. Тиигээд Вавилоон руу абаашахаб, гэбэшье тэрэ Вавилооной орон нютаг харангүй гээгдэхэ.

Эзэкээл 17:15

Теэд Иудын шэнэ хаан саашадаа урдаһаань һөөргэдэжэ, моридые болон сэрэгшэдые эрин, элшэнэрээ Египет руу эльгээгээ. Харин хэлсээ иигэжэ эбдэһэн аад, тэрэ амиды мэндэ үлэхэ гү, амжалта туйлаха гү?! Үгы, хэһээгдэхэ!

Эзэкээл 17:16

Вавилооной хаантай хэлсээ баталжа, захиралтаарнь томилогдогшо Иудын шэнэ хаан баталһан хэлсээгээ эбдэһэнэйнгээ түлөө Вавилоон орон нютагта үхэхэ гэжэ Би, Эзэн Бурхан, Өөрөөрөө тангаригланаб!

Эзэкээл 21:25

Харин ши, Израилиин эртэнһээ үхэһэн гэхэдэ болохо, муу муухай удамарша! Хэһээлтыншни һүүлшын саг ерээ.