Ерэмияа 34:13 - Библи

¹³ Израилиин Бурхан, иигэжэ улад зондо минии айладхахые захираа: – Египедһээ, богоол байдалһаань сүлөөлэн гаргажа байхадаа, Би танай үбгэ эсэгэнэртэй хэлсээ баталжа,

Ерэмияа 34:13 Referencias Cruzadas

Египедһээ гаралга 13:14

Хожом хэзээ нэгэтэ хүбүүншни «Энэ юун гэһэн удхатайб?» гэжэ асууба гэлэй, тэрээндэ иигэжэ харюусахаш: «Эзэн хүсэтэ гараараа Египедэй дарлалтаһаа маанадые гаргаһан юм.

Египедһээ гаралга 13:3

Моисей угсаата арадтаа хэлэбэ: – Египедһээ, богоол байһан газарһаа гараһан энэ үдэрые һанажа ябагты, тэндэһээ таанадые Эзэн хүсэ хүсэлэн гаргаа һэн. Эһээгдэһэн юумэ бү эдигты.

Египедһээ гаралга 20:2

– Би шамайе Египедэй дарлалтаһаа гаргаһан Эзэн Бурханшни гээшэб.

Египедһээ гаралга 24:3

Моисей зондоо ерэжэ, Эзэнэй үгэнүүдые болон тогтоолнуудые бүгэдыень хэлэжэ үгэбэ. Арад угсаатаниинь нэгэ хүн шэнги харюусаа: – Эзэнэй үгэ соонь лэ ябахабди.

Ерэмияа 11:4

Түмэр хайлуулдаг зууха мэтэ Египедэй орон нютагһаа таанадай үбгэ эсэгэнэрые гаргахадаа, Би энэ Хэлсээ тэдээндэ захин заабарилаа һэм. Минии үгэ дуулажа, захирһан бүхы юумыемни дүүргэжэ байхыень Би тэдээндэ захин хэлээб. Тиигэбэлнь, тэдэ Минии арад түмэн, Би тэдэнэй Бурхан болохо байһан тухайгаа айладхаа бэлэйб.

Ерэмияа 11:7

Египедэй орон нютагһаа гаргаһан тэрэ үдэрһөө хойшо мүнөө хүрэтэр Би таанадай үбгэ эсэгэнэрые Минии үгэ дуулаха тухайнь захиржа, һэргылжэ, оло дахин һануулаа һэм.

Ерэмияа 31:32

Энэ хэлсээн тэдэнэрэй үбгэ эсэгэнэрые гарһаань хүтэлэн Египедһээ гаргаха гэһэн үдэр тэдэнтэй баталһан хэлсээндэл адли бэшэ байха. Минии тэдээндэ нүхэр байһан байгаашье һаам, тэдэ хэлсээ эбдээ һэн.

Ерэмияа 34:12

Тиихэдэнь Эзэн,

Ерэмияа 7:22

Би таанадай үбгэ эсэгэнэрые Египедэй орон нютагһаа гаргахадаа, түгэс шатаалта үргэл тухай хэлээгүй, захираашьегүй бэлэйб.

Хуули дабталга 13:10

Шулуу шэдэн тэрэниие алаарай! Юуб гэхэдэ, Египедэй газар дайдаһаа гаргаһан, богоол байдалһаашни мултаруулһан Эзэн Бурханһаашни шамайе холодуулхые тэрэ һэдээ бшуу.

Хуули дабталга 15:15

Египедэй газар дайдада богоол байһанаа, Эзэн Бурханайшни шамайе сүлөөлһые бү марта. Тиимэһээл би мүнөө шамда захиржа захижа байна ха юмбиб.

Хуули дабталга 16:12

Египедтэ богоол байһанаа бү мартагты, тиигэжэ эдэ хуулинуудые сахин гүйсэдхөөрэйгты.

Хуули дабталга 24:18

Египедтэ богоол байһанаа, Эзэн Бурханайтнай тэндэһээ таанадые гаргажа сүлөөлһыень бү мартагты. Тиимэһээ би таанадта эдэ бүгэдые үгытэй зоной аша туһада хэхыетнай захирнаб.

Хуули дабталга 29:1

Хорээб хадын хажууда Эзэн Израилиин арад түмэнтэй хэлсээ баталһан байна. Тэрээнһээ гадна Моһаабай газар дайдада нэмэлтэ үшөө нэгэ хэлсээ тэдээнтэй баталхыень Эзэн Моисейдэ захирба. Тэрэнь энэ.

Хуули дабталга 5:27

Ши, Моисей, тиишээ дүтэлжэ, Эзэн Бурханаймнай айладаһан үгэнүүдые шагнаад, бултыень бидэндэ дамжуула. Бидэ шагнажа, дүүргэхэеэ оролдохобди».

Хуули дабталга 5:6

«Би шамайе Египедэй дарлалтаһаа гаргаһан Эзэн Бурханшни гээшэб.

Хуули дабталга 6:12

тиихэдээл одоо болгоомжологты! Египедэй газар дайдаһаа, богоол байдалһаа таанадые гаргаһан Эзэниие бү мартагты!

Хуули дабталга 7:8

Юундэб гэхэдэ, Эзэн таанадта дуратай; танай үбгэ эсэгэнэртэ үгэһэн шахаа тангаригаа бэелүүлхын тула Тэрэ бар хүсөөрөө таанадые Египедһээ гаргаа, фараоной засаг зонхилолтоһоо мултаруулаа, богоол байдалһаатнай сүлөөлөө.

Хуули дабталга 8:14

дээрэлхүү зан үзүүлхэеэ тэбшэгты, Египедэй газар оронһоо, богоол байдалһаатнай гаргаһан Эзэн Бурханаа бү мартагты.

Нүүнэй Иисүүс 24:17

Юундэб гэхэдэ, Эзэн болбол манай Бурхан мүн. Тэрэ бидэниие, манай эсэгэнэрые Египедһээ, богоолой гэрһээ гаргажа, хараһаар байтарнай агууехэ гайхамшагта хэрэгүүдые бүтээгээ, манай ябаһан бүхы замда, зүрэжэ гараһан бүхы арадуудай дунда маниие хаража ябаа.

Ударидагшад 6:8

Эзэн тэдээндэ Лүндэншэеэ эльгээбэ. Лүндэншэн тэдээндэ иигэжэ хэлэбэ: – Эзэн, Израилиин Бурхан таанадта иигэжэ хэлэнэ: «Би таанадые Египедһээ, богоолшолгын гэрһээ гаргааб.