Ерэмияа 33:11 - Библи

¹¹ баяр, хүхилдөөнэй, түрэ хуримай абяануудые соносохот. Зоной дуу дуулахые шагнахат. Тэдэ хадаа баяр баясхалан хүргэн, Минии Һүмэ соо үргэл хэхэ. Тэдэ иигэжэ хэлэн байхал: «Түмэн Сэрэгтэ Эзэндэ баясхалан хүргыт. Тэрэ хадаа угаа һайн. Тэрэнэй үршөөл хайра мүнхэ». Би энэ орон нютагые урданайхидань адли амжалта түгэс болгохоб. Энэ болбол Би, Эзэн, айладхана мүн!

Ерэмияа 33:11 Referencias Cruzadas

1 Угай бэшэг 16:34

Эзэндэ магтаал үргэгты, юуб гэбэл, Тэрэ һайн, энэрэл хайрань хэтэ мүнхэдөө!

1 Угай бэшэг 16:8

– Эзэниие магтан дуулагты, нэрыень дурдан дуудагты. Арадуудта хэрэгүүд тушаань дуулгагты;

2 Угай бэшэг 20:21

Тиигээд тэрэ арад түмэнтэй зүбшэжэ, «Эзэндэ магтаал үргэгты! Юуб гэбэл, Тэрэнэй хайра үршөөл хэтэ мүнхын!» гэжэ магтан дуулаха нангин хубсаһатай дуушадые сэрэгэй урда табиба.

2 Угай бэшэг 29:31

Хэзэкияа зондо иигэжэ хэлэбэ: – Таанад мүнөө Эзэндэ өөрыгөө зорюулаат. Үргэлнүүдые үргэжэ, баяр баясхалангай бэлэгүүдые Эзэнэй Һүмэ руу асаран байгты. Зон үргэлнүүдые, баяр баясхалангай бэлэгүүдые асаржа эхилбэ. Һүзэг ехэтэйшүүл түгэс шатаалта үргэлнүүдыешье асараа һэн.

2 Угай бэшэг 7:3

Израилиин улад зон бултадаа Эзэнэй гал дүлэнэй болон ялагар гэрэлэй гараһые харахадаа, газар руу, шулуун табсан дээр һүгэдэн унажа мүргэн, Эзэниие магтан, Тэрэ һайн юумэ хододоо хэдэг, хайра энэрэлынь хэтэ мүнхын гэлдэн байба.

Эзраа 6:22

Эһээлтэгүй хилээмэнэй һайндэрые долоон хоногой туршада ехэ баяртайгаар һайндэрлэбэ, юундэб гэхэдэ, Эзэнэй, Израилиин Бурханай, һүмэ барихадань туһалхын тула Ассириин хаанай зүрхэ зөөлэрүүлһэн Эзэн тэдэниие баярлуулаа бшуу.

Нэхэмьяа 12:43

Тэрэ үдэр арад зон аргагүй ехэ үргэл бүтээбэ, удаань аргагүй ехээр баярлабад – Бурхан тэдэнэртэ агуу баяр үршөөбэ. Эхэнэрнүүд, үхибүүдшье хүхилдэбэд. Иерусалимай баярай хүхилгэ аяар холоһоо дуулдажа байгаа!

Нэхэмьяа 8:12

Арад зон гэр гэртээ хариба. Хүн зон хүхилдэжэ, байһанаараа зонтой хубаалдажа, булта амтатай эдеэ эдибэд, уубад. Иигэжэ шагнаһан дуулаһанаа ойлгожо абаба!

Псалманууд 106:1

Эзэндэ магтаал үргэгты! Юуб гэбэл, Тэрэ һайн. Юуб гэбэл, энэрэл хайрань хэтэ мүнхын.

Псалманууд 107:1

[Дуун. Давидай псалма.]

Псалманууд 85:7

Зоболонто үдэрөө Таниие дууданаб, юуб гэбэл, Та намайе дуулахат.

Исай 35:10

Тэдэ Иерусалим руу баяртайгаар хашхаралдан ерэхэ. Уй гашуудал, һанаа алдалга оро һэегүй үгы боложо, баяртай, аза жаргалтай тэдэ хэтэ мүнхэдөө болохо.

Исай 51:11

Танай абарһан зон Сион руу баяртайгаар дуулалдан гараха, зугаа, баяр дэлгэрхэ. Тэдэ хэтэ мүнхэдөө жаргалтай байха, гай тодхор, гашуудал тэдээнһээ һэегүй һалаха.

Исай 51:3

Би Сиониие, һандарһан гэрнүүд соонь байгша бүхы зониие хайрлажа, элһэн сүл губииень Эдээмэй сэсэрлиг мэтэ, Эзэнэй сэсэрлиг мэтэ болгохоб. Тэндэ баяр баясхалан, зугаа наадан, Намайе магтан дуулаһан дуунууд зэдэлхэл.

Исай 52:8

Хотын харуулай дуу хоолой дуулдана! Тэдэ хамта баяртайгаар хашхарба. Тэдэ Эзэнэй Сион руу дахин бусажа ерэһые өөһэдынгөө нюдөөр хаража байна бшуу.

Исай 52:9

Иерусалимай һандарһан шулуунууд, хамта дуулажа, баясан хашхаралдагты! Эзэн Өөрынгөө хото абаржа, улад зонойнгоо сэдьхэл амаруулаа.

Ерэмияа 16:9

Минии, Израилиин Бурханай, Түмэн Сэрэгтэ Эзэнэй айладхал соносогты! Танай амиды мэндэ, хараһаар байтартнай хүхюун зугаагай, түрэ найрай жаргалтай абяануудые үгы болгон болюулхаб.

Ерэмияа 17:26

Түгэс шатаалта үргэл, үргэл, эдеэн үргэл болон уталга, мүн баясхалан хүргэһэн үргэлнүүдые Эзэнэй үргөөдэ асаржа, улад зон Иудын хан түрын хотонуудһаа, Иерусалимай оршон тойронхи нютагуудһаа, Бэньямиинэй газар нютагһаа, набтар нюруу газарһаа, хада уулатай газарһаа, урда Иудын хан түрэһөө ерэдэг байхал.

Ерэмияа 25:10

Баярай, хүхилдөөнэй абяа, түрэ найрай жаргалтай абяа дуунуудые Би таанадта таһалдуулхаб. Талха татаха орооһогүй, дэн аһааха тоһогүй болохот.

Ерэмияа 29:14

Тиимэ даа, таанад Намайе олохот гээд Би айладханаб. Тарааһан бүхы орон нютагууд, бүхы газарнууд сооһоо таанадые Би суглуулхаб, тиигээд сүлэлгын урда тээ байһан газартатнай һөөргэнь бусаахаб. Энэ болбол Би, Эзэн, айладхана мүн!» гэнэ.

Ерэмияа 30:19

Тэндэ ажаһуугшад магтаал дуулаха, баясан-сэнгэн хашхаралдаха. Минии үршөөхэдэ, тэдэ олошорхо. Минии дээгүүр үргэхэдэ, тэдэ доромжолуулхаяа болихо.

Ерэмияа 30:3

Юуб гэхэдэ, Өөрынгөө арадые, Израиль болон Иудын хан түрые һэргээн бодхоохо сагни дүтэлжэ байна. Элинсэг хулинсагтань үгэһэн газарта тэдэниие бусаан асархаб, тиихэдэм тэдэ тэрэ газар дайдые дахин эзэмдэн ажаһууха. Энэ болбол Би, Эзэн, тунхаглана мүн!

Ерэмияа 32:44

Зон тэдэниие худалдан абаха, иимэ хэрэгүүд гар табилгаар баталагдаха, ласадагдаха, гэршэлэгдэхэ. Иимэ юумэн Бэньямиинэй газар дайдада, Иерусалимай оршон тойронхи хүдөө нютагуудта, Иудын хан түрын хотонуудта, хада уулаар, нюруугааршье, Иудын хан түрын урда зүгтэшье оршогшо нютагуудаар үзэгдэхэ. Зониие орон нютагтань бусаахаб. Энэ болбол Би, Эзэн, айладхана мүн!

Ерэмияа 33:26

Эдэ бүгэдые хэһэн хадаа Би Яковай уг унгитай ба Минии албатан болохо Давидтай хэлсээгээ бэелүүлхэб. Абраһаамай, Исаак гэгшын, Яковай уг удамуудые хүтэлбэрилхэ Давидай нэгэ үри һадаһые Би шэлэхэб. Өөрынгөө арад зондо энэрэл хайраяа үзүүлхэб, амжалта туйлуулхаб.

Ерэмияа 33:7

Иудын болон Израилиин зониие баряанһаа бусаажа, хэрэгүүдыень амжалтатай болгохоб, хуушанайхидань адляар һуурижуулхаб.

Ерэмияа 7:34

Энэ газар ханха зайдан болохо. Иудын хотонуудаар болон Иерусалимай үйлсэнүүдээр зугаа нааданай, баяр баясхалангай абяа дууе, түрэ найрай жаргалтай абяа Би таһалдуулхаб!

Амоос 9:14

Өөрын арад түмэн Израильда урданайнь һалбарал бусаахаб: хооһорһон хотонуудые тэдэ дахин шэнээр барижа, зониие байрлуулха; уһан үзэмэй модо һуулгажа, үзэмэй дараһан архи ууха; сэсэрлиг ургуулжа, жэмэс эдихэл!

Иона 2:9

Хооһон шэнжэтэй, хуурмаг бурхадта шүтэгшэд өөрынгөө Энэрилтые орхёол.

Наум 1:7

Эзэн болбол ашата һайн. Гай зоболоной сагта бата бүхэлэлтэ мэтээр Тэрэ зониие аршалдаг. Өөртэнь этигэн найдадаг зондоо Тэрэ һанаагаа табин харгалзадаг.

Цэпаанияа 3:14

Сионой басаган, дуугаа дуула! Израилиин зон, баяртайгаар хашхаралдыт! Иерусалим, үнэнхэ зүрхэнһөө баясан, сэнгэн байгаарай!

Захарияа 10:7

Эпрааим хүсэрхэг эрэ боложо, үзэмэй дараһан архи ууһан мэтэ баясаха. Хүүгэдынь энээниие харахадаа хүхижэ, тэдэнэй зүрхэ сэдьхэлые Эзэн баярлан хөөрүүлхэ.

Захарияа 8:19

Түмэн Сэрэгтэ Эзэн иигэжэ айладажа байна: Дүрбэдэхи, табадахи, долоодохи, арбадахи һарануудта гашуудалай масагай үдэрнүүд таанарта бии. Гашуудалай эдэ үдэрнүүд Иудын уг удамда баяр баясхалантай, хүхюутэй һайхан һайндэрнүүд болог. Гансал үнэниие, амар амгалангые хайрлагты.

Захарияа 9:17

Үршөөл хайрань ямар ехэб даа. Үрэжэлтэ таряан долгисохо, шэнэ үзэмэй сэсэрлиг салгидаха, хүбүүд басагад баясан хүгжэхэ!

Иоанн 3:29

Гэрлэхэ басагые гэртээ асарһан хүн тэрэ басаганай нүхэрынь гээшэ. Гэрлэхэ хүнэй хажууда зогсожо байһан дүтынь нүхэр хүбүүниинь тэрэнэй хэлээшые шагнан баясадаг. Тиин намдашье тиимэ ехэ баяр баясхалан тудаа.

Еврейнүүдтэ 13:15

Тиимэһээ Иисүүсээр дамжуулан магтаалай үргэл Бурханда хододоо асаржа байял, Тэрэниие Эзэн гэжэ зүбшөөн үреэлөөрөө үргэл асаржа байял.

Гэршэлгэ 18:23

Дэнгэй гэрэлые хотодо ондоо хэншье харахагүй. Гэрлэхэеэ байгаа хүбүүн басаган хоёрой хөөрэлдэжэ зугаалхые ондоо хэншье дуулахагүй. Юундэб гэбэл, шинии наймаашад газар дэлхэйн амбан һайдууд байгаа, шинии үйлэдэн хэдэг байһан эльбэ жадханууд али бүхы арад зониие мэхэлээ.