Ерэмияа 32:34 - Библи

³⁴ Намда мүргэдэг байхаар баригдаһан Һүмэ соо тэдэ жэгшүүритэй муухай шүтөөнүүдөө хэжэ, бузарлаа.

Ерэмияа 32:34 Referencias Cruzadas

4 Хаан түрэнүүд 21:1

Мэнашшээ арбан хоёртойдоо хаан болоод, Иерусалимда табин табан жэл соо хааншалба. Тэрэнэй эхэ Хэпцибаа гэжэ нэрэтэй байгаа.

4 Хаан түрэнүүд 23:6

Тиигээд тэрэ Эзэнэй һүмэһөө Ашэраагай дурые гаргажа, Иерусалимай хэрэм ханын саанахи Кидрооной хүндыдэ абаашахыень захирба. Тиигээд тэрэ дүрсые Кидрооной хүнды соо шатаажа, үнэһыень хамажа суглуулаад, эгээлэй юрын хүнүүдэй булаша дээгүүр сасан тарааба.

2 Угай бэшэг 33:15

Хариин бурхадые болон онгониие Эзэнэй Һүмэ сооһоо тэрэ гаргаба, Эзэнэй Һүмын оршодог хада дээрэ болон Иерусалим соо түхеэрэгдэнхэй үргэлэй шэрээнүүдые хото соо тэрэ үгы болгобо.

2 Угай бэшэг 36:14

Иудын удамаршад, санаартад, улад зон тойрон ажаһуугша ондоо арадуудай жэгшүүритэй муухай жэшээ даган, нүгэлөө олошоруулба, Иерусалимда Эзэнэй Өөрөө арюудхаһан Һүмые бузарлаба.

Ерэмияа 19:4

Ушарынь гэбэл, зон Намайе орхижо, энэ газар бузарлаа, өөһэдөөшье мэдэхэгүй, үбгэ эсэгэнэрэйньшье мэдэхэгүй, Иудын хаашуулайшье танихагүй ондоо бурхадта санзай эндэ ууюулаа. Гэм зэмэгүй зоной шуһаар энэ газарые дүүргээ.

Ерэмияа 23:11

Эзэн айладхана: Худал хуурмаг лүндэншэд, санаартад һүзэггүй. Өөрын үргөөдэшье Би тэдэнэй хорон муу үйлэ хэрэгүүдые харааб.

Ерэмияа 30:14

Бүхы амарагуудтнай таниие мартаа, бэшэ таанадые хэрэгсээхэеэ болёо. Дайсанай сохилтоор, шэрүүн хэһээлтээр таанадые дайрааб, юуб гэбэл, гэм зэмэтнай угаа ехэ. Нүгэлтнай тоолошогүй олон.

Ерэмияа 34:15

Харин мүнөөл таанад гэмшэжэ, Минии урда үнэн шударга байбат: дүтынгөө зониие сүлөөдэ табибат. Минии нэрээр дуудагдадаг Һүмэ соо Минии урда хэлсээгээ баталбат.

Ерэмияа 44:4

Минии үзэн ядадаг иимэ жэгшүүритэй мухай юумэ хэхэһээ хоридог Өөрын албатан лүндэншэдые эльгээжэл таанадта байгааб.

Ерэмияа 7:10

энээнэй удаа ерэжэ, Минии нэрээр нэрлэгдэһэн энэ үргөө соо урдамни зогсоод, «Бидэ абарагдаабди!» гэжэ хэлэнэт. Тиигээд эдэ бүхы жэгшүүрилтэ зүйлнүүдые саашадаашье хэжэл байнат.

Ерэмияа 7:30

Иудын улад зон Минии хараһаар байтар муу муухай юумэ үйлэдөө. Минии нэрээр нэрлэгдэдэг үргөө соо тэдэ өөһэдынгөө шүтөөнүүдые табиба. Тиигээд тэрэ үргөө бузарлагдаа.

Ерэмияа 7:31

Басагад, хүбүүдээ галда шатаахаяа Бэн-Һинноомой хүндыдэ Тоопэт гэжэ нэрэтэй мүргэлэй обоо зохёон тэдэ түхеэрбэ.