Ерэмияа 32:19 - Библи

¹⁹ Та ухаатай мэргэн түсэбүүдые зохёонот, гайхамшагта хэрэгүүдые эрхилнэт. Зоной юу хэһые бултыень харанат, хэһэн хэмээрнь лэ юумыень харюулнат.

Ерэмияа 32:19 Referencias Cruzadas

3 Хаан түрэнүүд 8:32

Та огторгойһоо энээнииень дуулажа, богоолнуудайнгаа зарга хэрэг шиидхэжэ, гэмтэниие элирүүлжэ, гэмынь амасуулыт, харин гэмгүй хүниие сагааруулан аршалыт!

2 Угай бэшэг 16:9

Газар дэлхэйн Тэрээндэ үнэн этигэдэг зониие бултыень Эзэн хаража байдаг, тиигээд тэдээндэ Тэрэ туһалдаг. Мүнөө ши буруу юумэ хэбэш. Тиимэһээ энээнһээ хойшо шамда добтолон орогшод бии болохо.

Иоов 34:11

Хүн хэһэн бүхы хэрэгтээ тэнсүү харюу Тэрээнһээ абадаг.

Иоов 34:21

Эзэнэй мэлмы хүн бүхэнэй замые ажаглан байдаг.

Псалманууд 111:2

Тэрэнэй үри һадаһад дэлхэй дээрэ хүсэ шадалтай байха, ד Даалэт сэхэ шударга зоной уг удам юрөөгдэхэ. ה Һээ

Псалманууд 34:15

Харин минии бүдэрхэдэ, тэдэ баярлан суглараа, урдаһаамни тулажа суглараа. Зогсоо зайгүй тэдэ намайе гүжэрдээ, яаһандам тиигээб – мэдэнэгүйб.

Псалманууд 62:12

Бурхан хааниие баярлуулха. Бурханаар тангариглагша хүн бүхэн баяртай байха, юуб гэбэл, худал хэлэдэг зоной аман таглагдаха.

Египедһээ гаралга 15:11

Эзэнтэй жэшэхээр бурхад үгыл! Хутагтанарай дунда Тан шэнги хүсэ шадалтай хэншье олдохогүй! Алдар солоороо һүр дарагша, эди шэдиин Эзэн!

Һургаал 5:21

Ушарынь гэхэдэ, Эзэнэй нюдэнэй урда хүнэй наһан элихэн харагдажа байдаг юм, хүнэй замые Тэрэ анхаран шэртэжэ байдаг.

Һургаал 8:14

Амжалта, һонор ухаан, хүсэ шадал намтай оршодог. Би хадаа оюун ухаан мүн. Хүсэн намтай байха.

Экклезиаст 12:14

Бурхан нюусашье һаань, бүхы юумэ, һайтайнь муутайнь шүүжэ харадаг.

Исай 28:29

Эдэ бүгэдэ шадабари Түмэн Сэрэгтэ Эзэнһээ олгогдонхой. Тэрэнэй зүбшэл гайхамшагтай, мэргэн ухааниинь агууехэ юм!

Исай 40:13

Эзэнэй Һүлдые хэн мэдэрээб? Хэн Тэрээндэ заабарилжа, зүбшэл үгэжэ байгааб?

Исай 59:18

Тэрэ дайсадаа хэһэн хэмээрнь хэһээхэ, аяар холын орон нютагуудаар ажаһуугшадыешье мартангүй хэһээхэл.

Исай 9:6

Бидэндэ үхибүүн түрэбэ! Бидэндэ хүбүүн үгтэжэ байна. Тэрэ манай удамарша болохо. Тэрэ Гайхамшагта үзэгдэл Түсэблэгшэ, Хүсэтэ Бурхан, Хэтэ мүнхэ Эсэгэ, амгалан байдалай Ударидагша гээд нэрлэгдэхэ.

Ерэмияа 16:17

Хэһэн юумыень бултыень Би харанаб. Тэдэ Намһаа хоргодожо шадахагүй – гэм зэмэнь Намһаа хорохогүй.

Ерэмияа 17:10

Бил, Эзэн, зоной һанаа бодол нэбтэ хаража, зүрхэ сэдьхэлыень туршадагби! Ажаһуудаг заяг заршамайнь ёһоор, үйлэ хэрэгүүдэйнь лэ ёһоор тэдээндэ хандадагби!

Ерэмияа 21:14

Теэд Би хэһэн үйлэ хэрэгэйтнай түлөө таанадые хэһээхэб. Ордонгыетнай шатаахаб, тиихэдэм бүхы оршон тойроноорнь гал дүлэн соробхилхо.

Ерэмияа 23:24

Намһаа хэншье хорон хоргодон байжа шадахагүй. Намайе тэнгэри болон газарта – хаа-хаанагүй байна гээд мэдэнэ гүт?

Ерэмияа 25:14

Вавилооной зоной хэһэн юумые өөһэдтэнь хүргэхэб, олон үндэһэ яһатад, агууехэ хаашуул тэдэниие богоол болгохо.

Даниил 2:45

Тиимэһээл хэнэйшье гар хүрөөгүй байхада хабсагайһаа шулуунай өөрөө хамхаран унахые, түмэр, гуулин, шабар, мүнгэ, алта буталхые та хараа бэлэйт. Ерээдүй сагта юун болохо байһые агууехэ Бурхан иигэжэ үндэр түрэлтэ хаанда мэдүүлээ гээшэ. Танай зүүдэн зүйтэй, тайлбаринь зүб!

Захарияа 9:1

Хадраах нютаг ба Дамааск хото тухай Эзэнэй айладхал бууба. Эзэнэй нюдэн хамаг зондо, илангаяа Израилиин обогуудта ханданхай.

Матвей 16:27

Хүн түрэлхитэнэй Хүбүүн Эсэгынгээ алдар соо Эльгээмэлнүүдтэйгээ хамта һаяар ерэхэл, тиигээд хэһэн хэрэгэйнь хэмээр хүн бүхэниие шиидхэхэл.

Иоанн 5:29

үхээриингээ газарһаа гараха – һайн юумэ хэһэн хүнүүд амиды мэндэ ябаха, муу юумэ хэһэн хүнүүд гэмнүүлхэ.

Коринфынхидтэ 2-дохи 5:10

Газар дэлхэй дээрэ ябахадаа муу, һайн юумэ хэһэнэйнгээ түлөө шүүлгэхын тула бидэ булта Христоосой зарга шүүбэридэ орохо ёһотойбди.

Эфесэйхиндэ 1:11

Бурхан Өөрынгөө зорилгоор, заяаһан ёһоороо маанадые Христоостой нэгэдхүүлэн Өөрын арад болгон шэлэжэ абаа.

Еврейнүүдтэ 4:13

Бурханһаа далда, нюуса юумэн гэжэ үгы. Харин бүхы юумэн Тэрэнэй харасада элиржэ, нээгдэдэг. Тиин бидэ булта Тэрээндэ өөһэд тухайгаа тоосоо хэхэ ёһотойбди.

Гэршэлгэ 2:23

Тэрэ гэргэнэй үхибүүдые үхүүлхэб. Тиихэдэмни хүнэй зүрхэ сэдьхэлые, һанал бодолые сүм мэдэдэг байна, тиин хүн бүхэндэ хэһэн үйлэ хэрэгэйнь зэргээр хүртөөхэ байна гэжэ Намайе һүзэглэгшэдэй бүхы бүлгэмүүд ойлгохо.

Гэршэлгэ 22:12

«Иигээд Би һаядаа ерэхэб! Хүн болгониие хэһэн хэрэгэйнь зэргээр шагнаха, хэһээхын тула шагналаа, хэһээлтэеэ Өөртөө абажа ябанаб.