Ерэмияа 32:15 - Библи

¹⁵ Энэ газар дайдада гэр байшангууд, таряалангууд, үзэмэй модоной сэсэрлигүүд дахин худалдан абтадаг болохо гэжэ Түмэн Сэрэгтэ Эзэн тунхаглана».

Ерэмияа 32:15 Referencias Cruzadas

Исай 44:26

Харин Минии богоолой уридшалан таахада, түсэбүүдээ мэдүүлхэеэ элшэнэрые эльгээхэдээ, Би тэдэ түсэбөө дүүргэдэгби, уридшалан хэлээшыень бэелүүлдэгби. Иерусалимда зон дахин ажаһуудаг болохо, Иудын хан түрын хотонууд дахин һэргэн бодохо гэжэ Би мэдүүлнэб.

Ерэмияа 30:18

Эзэн айладхана: Яковай майхангуудые һайн һайханаар һэргээн бодхоохоб, гэр бүлэ бүхэниие хайрлахаб, Иерусалим дахин һэргэхэ, ордон урдынхидал адляар бодохо!

Ерэмияа 31:12

Израилиин арад зон бусажа, Сионой хада ууланууд дээрэ баярлан шууялдаха, Минии үршөөһэн хэшэг болохо орооһо таряанда, шэнэ үзэмэй дараһан архида, оливын тоһондо, мал һүрэгэй түлдэ баярлаха. Сэсэглэжэ байгаа саадтал адли тэдэ боложо, дахин хэзээдэшье доройтохогүй.

Ерэмияа 31:24

Улад зон – таряашад болон хонин һүрэгтэеэ нүүн ябаашад бултадаа Иудын хан түрэдэ, бүхы хотонуудаарнь амидардаг байха.

Ерэмияа 31:5

Самариин гүбээнүүд дээрэ үзэмэй модоной сэсэрлигүүдые дахин һуулгахат. Тэдэниие һуулгагша таанад өөһэдөө үрэ жэмэсыень эдидэг байхат!

Ерэмияа 32:14

«Энэ бэшэгые абажа, удаан жэлдэ хадагалагдахынь тула шабар амһарта руу хэхыетнай Түмэн Сэрэгтэ Эзэн, Израилиин Бурхан, захирна.

Ерэмияа 32:25

Вавилооной сэрэгэй һабарта хотын орожо байгаашье хадань, Та, Дээдэ Эзэн, гэршэнэрэй баталһаар байтар газар худалдан абахые намда захираат.

Ерэмияа 32:37

Уур сухал дундаа тараан сасаһан орон нютагуудһаа Өөрын арад түмэниие Би суглуулха һанаатайб. Һөөргэнь энэ газар дайдада бусаажа, амар амгалан байлгахаб.

Эзэкээл 28:26

Тэдэ амар амгалан ажамидарха, гэр байрануудые бариха, үзэм модоной сэсэрлиг ургуулха. Израилиин арад зониие үзэн ядадаг хүршэ арадуудые Би шүүжэ, хэһээлтэ амасуулхаб. Тиихэдэм Израилиин Эзэн Бурхан байһыем бүгэдэ зон ойлгохо.

Захарияа 3:10

Тэрэ үдэр хүнүүд бэе бэеэ уһан үзэм, инжир модонууд доро һуулгахаар уриха. Иигэжэ Түмэн Сэрэгтэ Эзэн айладана.