Ерэмияа 32:10 - Библи

¹⁰ Би гар табижа, баримта бэшэгые ласадажа, гэршэнэр энээниие баталжа, шэгнүүрээр мүнгэ шэгнэн үгөө бэлэйб.

Ерэмияа 32:10 Referencias Cruzadas

Эхин 23:16

Абраһаам Эпрооной хэлэһые шагнаад, хээт обогтоной бултанайнь дуулааша мүнгэнэй тэрэ тоое – тэрэ үеын дүрбэн зуун шээкэл сагаан мүнгэ шэгнэжэ, Эпроондо барюулба.

Иоов 14:17

сумаа соо шуудайлһан мэтэ хойшонь хээд мартажашье магад.

Дуунай дуун 8:6

Зүрхэндөө ши намайе тамгалжа, тэбэридээ ши намайе ласада! Дуран гээшэ үхэл шэнги хүсэтэй. Хара гээшэ хүүр шэнги үршөөлгүй. Дуранай гал түймэр мэтэ дүрэлзэдэг. Халуун дүлэниинь хуйхалан шатаадаг.

Исай 30:8

Мүнөө яба, шулуун хабтаһан дээрэ тэдээндэ энээниие зура, хуйламал ном руу эдэ үгэнүүдые бэшэ! Тэдэ ерээдүй сагта үлэг лэ, хододоо, хэтын хэтэдэ.

Исай 44:5

Нэгэнь «Би Эзэнэйб» гэжэ хэлэхэ, нүгөөдэнь Яков нэрэтэй болохо. Зарим хүн гар дээрээ «Эзэнэй» гэжэ бэшэхэ, Израиль гэжэ нэрэ абаха.

Ерэмияа 32:12

Маһсэяагай аша, Нэрияагай хүбүүн Баруухда үгэбэб. Ханамээлэй болон энэ хэрэгэй гэршэнэрэй, мүн тэрэ хашаа соо байгааша бүхы зоной хараһаар байтар тэрэниие үгөө һэм.

Ерэмияа 32:25

Вавилооной сэрэгэй һабарта хотын орожо байгаашье хадань, Та, Дээдэ Эзэн, гэршэнэрэй баталһаар байтар газар худалдан абахые намда захираат.

Ерэмияа 32:44

Зон тэдэниие худалдан абаха, иимэ хэрэгүүд гар табилгаар баталагдаха, ласадагдаха, гэршэлэгдэхэ. Иимэ юумэн Бэньямиинэй газар дайдада, Иерусалимай оршон тойронхи хүдөө нютагуудта, Иудын хан түрын хотонуудта, хада уулаар, нюруугааршье, Иудын хан түрын урда зүгтэшье оршогшо нютагуудаар үзэгдэхэ. Зониие орон нютагтань бусаахаб. Энэ болбол Би, Эзэн, айладхана мүн!

Даниил 8:26

Үдэшэ, үглөө тушаа зүгнэлгэ зүб, гэбэшье тэрээниие ши нюугаад бай, юуб гэхэдэ, тэрэ холын холо саг тушаа юм.

Матвей 27:66

Тиимэһээ тэдэ агы нүхэ таглаһан шулууе тамгалаад, хажуудань харуул табиба.

Иоанн 3:33

Тэрээндэ этигэһэн хүн Бурханай үнэн зүб байдагыень гэршэлнэ.

Иоанн 6:27

Теэд таанар саг зуурын эдеэндэ һаналаа бү табигты, харин мүнхын амидарал олгодог эдеэндэ һаналаа табигты. Тиимэ амидаралые таанарта Хүн түрэлхитэнэй Хүбүүн үгэхэ, Бурхан Эсэгэ Тэрээндэ эрхэ засагаа үршөөгөө юм.

Коринфынхидтэ 2-дохи 1:22

бидэн дээрэ тамгаа дараа, бидэндэ үгэхэ бүхы юумэнүүдэйнгээ бэлгэ тэмдэг болгон Арюун Һүлдые хайрлаа.

Эфесэйхиндэ 1:13

Таанадшье баһа өөрынгөө абаралга тухай үнэн зүб Бурханай үгэ дуулаад, Христоосто этигээт, тиин Бурхан Арюун Һүлдэеэ таанадта үгэн, Өөрынгөө тамга таанад дээрэ дараба.

Эфесэйхиндэ 4:30

Ойртожо байгаа тэрэ Үдэр таанадай сүлөөтэй болохые баталан, Бурхан таанад дээрэ Арюун Һүлдын тамга табяа. Тиимэһээ Арюун Һүлдые бү гуниглуулагты.

Хуули дабталга 32:34

Эзэн иигэжэ айладхаа: «Үһөөгөө абахаяа хүлеэжэ, хэһээлтэеэ хадагалан байхамни. Ханза соогоо ласадуулхам.

Нүүнэй Иисүүс 18:9

Тэдэ газарые ошожо үзөөд, хотонуудаарнь тэмдэглэн бэшээд, дэбтэр соо долоон хэсэг болгожо хубаагаад, Иисүүсэй байһан Шилоодо ерэбэ.

Гэршэлгэ 7:2

Гартаа амиды Бурханай тамга баряад, зүүн зүгһөө ерэжэ ябаһан баһа нэгэ Эльгээмэлые харабаб. Тэрэ Эльгээмэлынь газар дайдада, уһан далайда гэм хоро хүргэхэ эрхэтэй дүрбэн Эльгээмэлнүүдтэ хандан, иигэжэ шангаар хашхарба:

Гэршэлгэ 9:4

Теэд үбһэ ногоондошье, ургамал модонуудташье хоро хүргэхэгүйт, харин духадаа Бурханай тамгагүйл хүнүүдтэ хоро хүргэхэт гэжэ тэдэ таршаа шумуулда хэлэгдээ.

Рүүт 4:1

Бооһаз хотын бартаануудай хажууда ошоод, тэндээ һууба. Харахадань, хэлэһэн тэрэ түрэлынь уруудажа ябаба. Бооһаз тэрээндэ: – Хажуудам ерээд һуугыш, – гэбэ. Тэрэ хүн ерээд, һууба.