Ерэмияа 30:3 - Библи

³ Юуб гэхэдэ, Өөрынгөө арадые, Израиль болон Иудын хан түрые һэргээн бодхоохо сагни дүтэлжэ байна. Элинсэг хулинсагтань үгэһэн газарта тэдэниие бусаан асархаб, тиихэдэм тэдэ тэрэ газар дайдые дахин эзэмдэн ажаһууха. Энэ болбол Би, Эзэн, тунхаглана мүн!

Ерэмияа 30:3 Referencias Cruzadas

Эзраа 3:1

Долоодохи һара гараба. Израильшууд өөһэд өөһэдынгөө хотонуудта ажаһуужа байгаа. Тиихэдээл нэгэн хүн шэнги эбтэйгээр булта Иерусалим хотодо сугларбад.

Эзраа 3:12

Түрүүшын Һүмын һайханиие хараһан үндэр наһатай санаартад, левидүүд, удамай түрүү аха заха үбгэд шэнэ Һүмын һуури харахадаа, эзэлүүдгүй шангаар бархиралдаба, олонхинь баяраа багтаажа ядан шангаар хашхаралдаба.

Эзраа 3:8

Бусагшадай Иерусалимдахи Бурханай гэртэ хүрэһэн сагһаа хойшо, удаадахи жэлэйнь хоёрдохи һарада Шалтиээлэй хүбүүн Зэрубабээл, Ёцадаагай хүбүүн Иисүүс, тэдэнэй бүхы аха дүүнэрынь, санаартад болон левидүүд гэхэшэлэн баряанһаа бусаһан зон булта Һүмэ барилгын эхи табиба. Эзэнэй һүмэ барилгын хүдэлмэри хинан шалгахаар хоринһоо дээшэ наһатай левидүүдые томилбо.

Псалманууд 126:4

Залуу хүнэй үри хүүгэд хадаа сэрэгшын гарта байгаа һурша номтой адли.

Псалманууд 53:6

Анхарыт, Бурхан минии туһалагша, Эзэн ами наһым тэдхэнэ.

Ерэмияа 16:15

Энээнэй орондо тэдэ Израилиин арадые хойто зүгэй орон нютагһаа, тараан абаашаһан бүхы орон нютагуудһаа гарган асарагша амиды мэндэ Бурхан гээд Минии нэрээр тангариглахал. Үбгэ эсэгэнэртэнь үгэһэн өөһэдын орон нютагта тэдэниие Би асархаб.

Ерэмияа 23:5

Эзэн иигэжэ айладхана: – Давидай уг удамһаа үнэн сэхэ нэгые хаан болгон табиха сагни дүтэлжэ байна. Тэрэ хаан мэргэн ухаатайгаар ударидажа, энэ газар нютагта хэрэгүүдые шүүбэрилжэ, үнэн сэхээр шиидхэн байха.

Ерэмияа 27:11

Харин Вавилооной хаанай мэдэлдэ ороһон, тэрээндэ алба хэдэг болоһон үндэһэ яһатанда Би орон нютагтаа үлэхыень, газараа элдүүрилжэ, тэндээ амидархыень зүбшөөхэб. Энэ болбол Би, Эзэн, айладхана мүн!

Ерэмияа 27:22

«Тэдэ Вавилоон руу абаашагдаха, Минии анхартар тэндээл байха. Удаань Би тэдэниие бусаажа, энэ газартань һөөргэнь асархаб. Энэ болбол Би, Эзэн, тунхаглана мүн!»

Ерэмияа 29:10

Эзэн «Вавилоондо танай байха далан жэлэй дүүрэхэдэнь, таанад тухай һанаагаа табихаб, Өөрын һайн үгые бэелүүлхэб – таанадые һөөргэнь гэртэтнай бусаахаб!

Ерэмияа 29:14

Тиимэ даа, таанад Намайе олохот гээд Би айладханаб. Тарааһан бүхы орон нютагууд, бүхы газарнууд сооһоо таанадые Би суглуулхаб, тиигээд сүлэлгын урда тээ байһан газартатнай һөөргэнь бусаахаб. Энэ болбол Би, Эзэн, айладхана мүн!» гэнэ.

Ерэмияа 3:18

Израиль Иудатай хамтаржа, хойто зүгтэ орон нютагта сүлэлгэдэ байһанаа хоюулаа ябан гаража, танай элинсэг хулинсагта угай зөөри болгон Минии үгэһэн орон нютагта бусаха.

Ерэмияа 30:10

Минии зараса Яков, бү ай, Израилиин зон, бү һүрдэ. Баряанда байһан холын нютагһаатнай Би таанадые абархаб. Таанад гэртээ бусажа, амар амгалан ажаһуухат. Таанадые хэншье айлгахагүй.

Ерэмияа 30:18

Эзэн айладхана: Яковай майхангуудые һайн һайханаар һэргээн бодхоохоб, гэр бүлэ бүхэниие хайрлахаб, Иерусалим дахин һэргэхэ, ордон урдынхидал адляар бодохо!

Ерэмияа 30:4

Израиль болон Иудын хан түрын зондо Эзэн иигэжэ айладхажа байна:

Ерэмияа 31:16

Уйлахаяа тэбшэ, нулимса бү гарга. Үхибүүдэйнгээ түлөө ябаһан оролдолгонуудшни дэмы бэшэ, хүүгэдшни дайсадай нютагаһаа бусажа ерэхэл.

Ерэмияа 31:23

Израилиин Бурхан, Түмэн Сэрэгтэ Эзэн иигэжэ айладхажа байна: – Минии тэдэниие нютагтань бусаан, һайн һайханаар һэргээхэ үедэ тэдэ Иудын хан түрын газар дайдада болон хотонуудтань дахин эдэ үгэнүүдые хэлэжэ эхилхэ: «Үнэн зүбэй гэр, Иерусалимай нангин хада, Эзэн шамайе юрөөхэнь болтогой!»

Ерэмияа 31:27

– Израилиие болон Иудын хан түрые хүнэй үри бэеэр болон амитадай түлөөр дүүргэхэ сагни дүтэлөө, – гэжэ Би, Эзэн тунхагланаб.

Ерэмияа 31:31

Эзэн иигэжэ тунхаглажа байна: – Үзэгты, Израилиин болон Иудын үри һадаһадтай Минии шэнэ хэлсээ баталха үдэрнүүд дүтэлжэ байна.

Ерэмияа 31:38

«Үзөөрэйгты, Намда зорюулжа, Хананээлэй самхагһаа Булангай Бартаанууд хүрэтэр хотын дахин баригдаха саг дүтэлжэ байна.

Ерэмияа 32:37

Уур сухал дундаа тараан сасаһан орон нютагуудһаа Өөрын арад түмэниие Би суглуулха һанаатайб. Һөөргэнь энэ газар дайдада бусаажа, амар амгалан байлгахаб.

Ерэмияа 32:44

Зон тэдэниие худалдан абаха, иимэ хэрэгүүд гар табилгаар баталагдаха, ласадагдаха, гэршэлэгдэхэ. Иимэ юумэн Бэньямиинэй газар дайдада, Иерусалимай оршон тойронхи хүдөө нютагуудта, Иудын хан түрын хотонуудта, хада уулаар, нюруугааршье, Иудын хан түрын урда зүгтэшье оршогшо нютагуудаар үзэгдэхэ. Зониие орон нютагтань бусаахаб. Энэ болбол Би, Эзэн, айладхана мүн!

Ерэмияа 33:26

Эдэ бүгэдые хэһэн хадаа Би Яковай уг унгитай ба Минии албатан болохо Давидтай хэлсээгээ бэелүүлхэб. Абраһаамай, Исаак гэгшын, Яковай уг удамуудые хүтэлбэрилхэ Давидай нэгэ үри һадаһые Би шэлэхэб. Өөрынгөө арад зондо энэрэл хайраяа үзүүлхэб, амжалта туйлуулхаб.

Ерэмияа 51:60

Вавилоонтой тохёолдохо гай тодхорой бүхы хэм хэмжүүр болон бусад юумэ нэгэ хуйламал ном соо бэшээ бэлэйб.

Эзэкээл 20:42

Үбгэ эсэгэнэртэтнай тангариглан найдуулһан Израилиин газар уһан руу таанадые оруулхадам Намайе Эзэн гээд таанад мэдэрхэт.

Эзэкээл 34:13

Хариин зоной дундаһаа тэдэниие суглуулан гаргахаб, түрэл орон нютаг Израиль руунь асаржа, хада уулаар, гол нюруугаар, һайн бэлшээринүүдээр адуулхаб.

Эзэкээл 36:24

Арадуудай дундаһаа таанадые суглуулан, өөрынтнай газар руу асархаб.

Эзэкээл 47:14

Энэ газарые уг залгамжалгын газар болгон үршөөхэб гэжэ Би гараа үргэн тангариглаа бэлэйб. Мүнөө энэ газарые зүбөөр хубаарилан эдлэгты.

Ёһээл 3:1

«Харагты, Иуда ба Иерусалимай хуби һэргээхэ тэрэ үедэ, тэдэ үдэрнүүдтэ

Цэпаанияа 2:7

Сүлэлгэдэ байжа амиды мэндэ гарасалдаһан Иудын зоной үлдөөсэ энэ газарта байрлажа, малаа тэндэ адуулха, Ашхэлооной гэрнүүдтэ амаран унтаха. Эзэн Бурханиинь тэдээн тушаа һанаагаа табижа, сүлэлгэһөө бусааха.

Цэпаанияа 3:20

Тэрэ сагай мандахада таанарые суглуулан асархаб, хараһаар байтартнай сүлэлгэһөө таанадые бусаахаб, тиигээд дэлхэйн арадуудай дунда хүндэ ямбатай, нэрэ түрэтэй болгохоб!» Эзэн иигэжэ айладаал!

Лука 17:22

Иисүүс шабинартаа хэлэбэ: – Хүн түрэлхитэнэй Хүбүүнэй нэгэшье үдэрые хараһайб гэжэ хүсэхэ саг мэнэ гэһээр ерэхэ, теэд харахагүйт.

Лука 19:43

Хожом нэгэтэ дайсадтнай добтолжо, хотыетнай тала талаһаань бүһэлэн, газар хүреэгөөр хүреэлхэ,

Лука 21:6

– Эндэ үзэжэ байһан юумэнһээтнай хожом нэгэтэ ганса шулууншье үлэхэгүй, хуу баран һандаргагдаха, – гэжэ Иисүүс хэлэбэ.

Хуули дабталга 30:3

Эзэн таанадые хайрлажа, баряанһаа бусаажа, арадууд хоорондуур тарааһанаа һөөргэнь та бүгэдые суглуулан асарха, үршөөл хайраяа бэлэглэхэ.

Хуули дабталга 30:5

Элинсэг хулинсагайтнай газарта Эзэн таанадые асарха, тэрэ газар дахин танай болохо. Эзэн таанадта үршөөл хайраяа бэлэглэжэ, үбгэ эсэгэнэрһээтнай үшөө үнэр баян, амжалта түгэс таанадые болгохо байна.

Еврейнүүдтэ 8:8

Зүгөөр Бурхан арадаа зэмэлэн, иигэжэ айладаба: «Үзэгты, Израилиин болон Иудын үри һадаһадтай Минии шэнэ хэлсээ баталха үдэрнүүд дүтэлнэ гээд Эзэн хэлэнэ.