2 – Минии үгэнүүдые бултыень номдо бэшэ.
Эзэн Моисейдэ иигэжэ зарлигтаба: – Хуйламал бэшэгтэ дурасхаал болгон бэшээд, Иисүүстэ соносхоорой: Амалээгые газарай нюрууһаа Би огтолон һалгахаб – нэрэньшье үлэхэгүй!
Мүнөө яба, шулуун хабтаһан дээрэ тэдээндэ энээниие зура, хуйламал ном руу эдэ үгэнүүдые бэшэ! Тэдэ ерээдүй сагта үлэг лэ, хододоо, хэтын хэтэдэ.
Эзэн намда иигэжэ айладхаба: – Томо хабтаһа абаад, зоной уншахаар, ойлгохоор дээрэнь томо үзэгөөр «Һаяар дээрмэдэлгэ, түргөөр тонолго» гээд бэшэ.
Ерэмияагай аша туһаар дамжуулһан бүхы заналтануудаа – энэ ном соо бэшээтэй бүхы гай тодхорнуудые Вавилооной орон нютагта шэглүүлэн бэелүүлхэб.
Израилиин Эзэн Бурхан намда иигэжэ айладхаба:
ондоо хуйламал ном абажа, Иудын Ёякиим хаанай шатааһан түрүүшын ном соо байһан бүхы үгэнүүдые бэшэхыемни захирба.
Тиигээд Ерэмияа ондоо хуйламал ном абажа, бэшээшэ Нэрияагай хүбүүн Баруухта үгэбэ. Тэрэ Ерэмияагай хэлэһые тэндэ бултыень бэшэбэ. Иудын Ёякиим хаанай галда хаяжа шатааһаан түрүүшын хуйламал ном соо байгааша бүхы үгэнүүдые болон Ерэмияагай хэлэһэн үшөөшье ондоо үгэнүүдые тэрээн соо бэшээ бэлэй.
Ши, Даниил, эдэ үгэнүүдые ном соо хадагалжа, тамгалаад, энэ дэлхэйн дүүрэтэр нюугаад байгаарай. Олон зон юумэ ойлгохоёо һэдэжэ, тэрэниие бэдэрхэл.
Нангин Бэшэг соо хэлээтэй бүхы юумэнүүд маанадта найдал үгэхэ зуураа һургаха, тэсэбэритэй болгохо, урмашуулха зорилготойгоор бэшээтэй.
Тэдэ гай гасалангууд бусад зониие һэргылхын тула үбгэ эсэгэнэртэймнай тохёолдоо, тиин бүхы юумэнэй эсэсэйнь ерэхэ сагта ажамидарһан бидэниие һэргылхын тула бэшэгдээ.
Зай, иигээд өөһэдтөө энэ дуу бэшэгты. Израилиин улад зониие гэмнэхэдэмни, энэ дуун Минии гэршэ болохо, зониие тэрээндэ һургагты.
Юундэб гэхэдэ, нэгэшье лүндэншэ өөрынгөө дура хүсэлөөр уридшалан хэлээгүй, харин Арюун Һүлдөөр хүтэлүүлэгдэн, Бурханай үгэ айладхадаг байгаа.
Тэрэ абяан намда иигэжэ хэлэбэ: – Хаража байһан юумэеэ ном соо бэшээд, Эфесэй, Смирнын, Пээргэмэй, Тиатирай, Сардисай, Филадельфиин, Лаодикиин һүзэглэгшэдэй бүлгэмүүдтэ эльгээлши.
Ши юу хараабши, мүнөө ямар юумэн боложо байнаб, хожом юун болохоб – энээн тухай ши бэшээрэй.
