Ерэмияа 30:10 - Библи

¹⁰ Минии зараса Яков, бү ай, Израилиин зон, бү һүрдэ. Баряанда байһан холын нютагһаатнай Би таанадые абархаб. Таанад гэртээ бусажа, амар амгалан ажаһуухат. Таанадые хэншье айлгахагүй.

Ерэмияа 30:10 Referencias Cruzadas

Эхин 15:1

Энэ болоһон үйлэ хэрэгүүдэй удаа нэгэ хэды сагай үнгэрөөд байхада Абрамда үзэгдэл үзэгдэжэ, тэрэ Эзэнэй иимэ айладхал дуулаба: – Абрам, юунһээшье бү ай! Би шамайе хододоо хаража хамгаалжа, угаа ехэ һайн һайханиие үршөөхэб.

Исай 14:3

Эзэн зоболон, үймөөн һамуунһаа, хүшэр хүндэ ажалһаа зониие сүлөөлхэ.

Исай 35:9

Тэндэ нэгэшье арсалан ябахагүй, ямаршье мяхаша ан арьяатан гаража ерэхэгүй. Эзэнэй абарһан зон лэ тэрэ харгыгаар гэртээ бусан ябаха.

Исай 43:5

Бү ай, Би шамтай хамтаб! Би шинии уг удамые зүүн болон баруун зүгүүдһээ суглуулан, гэртэнь асархаб.

Исай 44:1

Эзэн иигэжэ айладхана: Минии богоол Яков, Минии шэлэн абаһан Израиль, мүнөө одоо Намайе шагнагты.

Исай 44:2

Таанадые байгуулһан Эзэнтнай гээшэб, хэбэл соо таанадые бүтээһэн Би, таанадта туһалдаг Би иигэжэ айладанаб: Минии богоол Яков, Минии шэлэн абаһан Ешүрүүн, бү айгты!

Исай 46:11

Зүүн зүгһөө хүниие дуудахадам, тэрэ мяхаша шубуундал добтолон орохо. Түсэблэһэнөө Би заабол гүйсэдхэхэб. Айладхаһанаа заабол дүүргэхэб!

Исай 46:13

Би һайн юумэ һаяар хэхэб, тэрэ саг ойртоо. Абарал буулгаха сагни удааржа байхагүй. Би Сиониие абархаб, Израильда нэрэ хүндэ олгуулхаб».

Исай 49:12

Минии арад түмэн алас холоһоо, хойто, баруун зүгүүдһээ, урда зүгтэ байгша Египедэй Сиһээнэһээ ерэхэ.

Исай 49:25

Эзэн иигэжэ айладхана: «Тиимэ юумэн боложо болохо! Баряанда абтаһан сэрэгшье баатарһаа буляагдаха, хархис хаанай олзошье буляагдаха. Эдэ бүгэдые Би хэхэб! Би шинии дайсадтай тэмсэжэ, үхи хүүгэдыешни абархаб».

Исай 54:4

Бү айгты, эшхэбтэр байдалда дахин орохогүйт. Бү эшэ, нэрээ бэшэ гутаахагүйш. Залуу наһандаа нүгэл хэһэнээ мартахаш, бэлбэһэн эхэнэр боложо, доромжолгодо ороһоноо бэшэ дурсахагүйш.

Ерэмияа 23:3

Өөрынгөө эльгээн тарааһан орон нютагуудһаа арад зонойнгоо үлдөөсые суглуулжа, түрэл нютагтань бусаахаб. Тэдэ үнэржэн олошорхо.

Ерэмияа 23:4

Тэдээн тушаа һанаагаа табиха удамаршадые табихаб. Минии арад түмэн бэшэ айхагүй, һүрдэхэгүй, бэшэ тэдэниие хэһээхэгүйб. Энэ болбол Би, Эзэн, тунхаглана мүн!

Ерэмияа 23:6

Тэрэнэй зонхилхо сагта Иудын хан түрын улад зон абарагдаха, Израилиин зон ажана амгалан амидарха. Тэрэниие «Эзэн – Манай Үнэн Зүб» гээд нэрлэхэ.

Ерэмияа 23:8

харин Израилиин арад зониие хойто зүгэй орон нютагһаа болон тараагша бүхы оронуудһаа асарһан Эзэнэй амиды мэндэ байһантайл адли баталгаатай гэжэ хэлэжэ байха саг дүтэлөө. Тиигээд тэдэ өөрынгөө газар дээрэ ажаһууха.

Ерэмияа 29:11

Таанад тушаа түсэблэһэн юумэеэ Би гансал Өөрөө мэдэнэб, гай тодхор бэшэ, амгалан тайбаниие таанадта үршөөхэб, танай найдадаг ерээдүйе үгэхэб.

Ерэмияа 29:14

Тиимэ даа, таанад Намайе олохот гээд Би айладханаб. Тарааһан бүхы орон нютагууд, бүхы газарнууд сооһоо таанадые Би суглуулхаб, тиигээд сүлэлгын урда тээ байһан газартатнай һөөргэнь бусаахаб. Энэ болбол Би, Эзэн, айладхана мүн!» гэнэ.

Ерэмияа 3:18

Израиль Иудатай хамтаржа, хойто зүгтэ орон нютагта сүлэлгэдэ байһанаа хоюулаа ябан гаража, танай элинсэг хулинсагта угай зөөри болгон Минии үгэһэн орон нютагта бусаха.

Ерэмияа 30:3

Юуб гэхэдэ, Өөрынгөө арадые, Израиль болон Иудын хан түрые һэргээн бодхоохо сагни дүтэлжэ байна. Элинсэг хулинсагтань үгэһэн газарта тэдэниие бусаан асархаб, тиихэдэм тэдэ тэрэ газар дайдые дахин эзэмдэн ажаһууха. Энэ болбол Би, Эзэн, тунхаглана мүн!

Ерэмияа 30:7

Оёо! Тэрэ угаа муу үдэр дүтэлжэ байна. Тэрээндэ адли үдэр үзэгдөөгүй. Энэ болбол Минии улад зоной зоболонгой үе саг, теэд тэдэ амиды мэндэ гарасалдаха.

Ерэмияа 33:16

Тэрэ сагта Иудын хан түрын улад зон абарагдаха, Иерусалимай зон ажана амгалан амидарха. Тэрэниие «Эзэн – Манай Үнэн Зүб» гээд нэрлэхэ.

Эзэкээл 16:52

Тиигээд мүнөө ши нэрээ хухарһанаа амасан бай. Самари, Содомдо орходоо шинии нүгэл хүндэ, тиимэһээ хэһээлтэшни хүндэ байха. Мүнөө эшэжэ улайжа, нэрээ хухарһанаа амасажа бай.

Эзэкээл 38:11

Хашалан зоболонгүй, һанаа амар, хотоёо хэрэм ханаар халхалангүй, ямаршье суургагүй, үүдэ, ханагүй ажаһуужа байгааша орон нютагта добтолон орохоёо ши түсэблэхэш.

Даниил 12:1

Тэрэ үедэ арадайтнай аршалагша сахюусан Михаээл заларан бии болохо. Хүн түрэлтэнэй үдэжэ эхилһэн сагһаа хойшо харагдаа-үзэгдөөгүй хүндэ үе тиихэдэ тохёолдохо. Харин Бурханай ном соо бэшээтэй танай арадай бүхы зон абарагдаха.

Һошээ 2:18

Тэрэ үедэ Би талын ан гүрөөлтэй, огторгойн жэгүүртэнтэй, мүлхидэг амитадтай холбоо харилсаа тогтоожо, тэдэ Минии арад түмэндэ һаад түбэг ушаруулхагүй. Номо һаадаг, эритэ һэлмэ, дайн дажар тэрэ газарта ушархагүй, иигэжэ тэдэ амгалан тайбан ажаһууха.

Һошээ 2:20

Би хэтэ мүнхэдөө шамда үнэн сэхэ байхаб. Тиигээд ши Намайе Эзэн гээд мэдэрхэш.

Һошээ 6:11

Иудын арад зон, танайшье хюдуулха саг ерэхэ. Израилиин арад түмэнөө баряанһаа Би бусаахаб.

Ёһээл 2:21

Газар, түбэгшөөлөө орхи, баярла, сэнгэ. Ушарынь хадаа Эзэн агуу үйлэ хэһэн бэлэй.

Михей 4:9

Иерусалим, юундэ иимэ шангаар хашхарнаш? Хаан шамда үгы юм аал? Зүблэгшэшни хайшаа үгы болооб? Түрэжэ байгаа эхэнэртэл, юундэ ши иигэжэ зобожо байнабши?

Захарияа 3:10

Тэрэ үдэр хүнүүд бэе бэеэ уһан үзэм, инжир модонууд доро һуулгахаар уриха. Иигэжэ Түмэн Сэрэгтэ Эзэн айладана.

Иоанн 12:15

«Сионой басаган, ши бү ай! Харыш! Тээ тэрэ шинии Хаан залуу элжэгэ унаад, шамда дүтэлжэ ябана!»