Ерэмияа 3:8 - Библи

⁸ Намда урбаһан Израилиин бүхы һальхай забхай ябадалыень хараад, Би тэрэниие ябуулжа, һалаһанай гэршэлгэ үгөөб. Харин үнэн сэхэ бэшэ Иуда эгэшэнь энээнһээ айбагүй, тэрэ мүн лэ янхан эхэнэр мэтэ болоо.

Ерэмияа 3:8 Referencias Cruzadas

2 Угай бэшэг 21:11

Тэрэ Иудын хадалиг газарнуудаар мүргэлэй газарнуудые байгуулжа, Иудын болон Иерусалимай зониие Эзэнэй урдаһаа нүгэл хэхэ харгы руу түлхибэ.

Исай 50:1

Эзэн иигэжэ айладхана: «Һамгантаяа һалажа байһан хүндэл адли Өөрынгөө арад түмэниие Намайе үлдөө гэжэ һанаа гүт? Тиимэ юм һаа, һалаһанай гэршэлгэ саарһанууд хаанаб? Өөрынгөө үхи хүүгэдые богоол болгон худалдагша хүндэл адли таанадые үритэй хүндөө худалдаа гэжэ Нам тушаа һанаба гүт? Үгы, таанад өөрынгөө нүгэлэй түлөө баряанда туугдан ошоот, өөрынгөөл зэмэтэйдэ үлдүүлээт.

Ерэмияа 2:19

Таанадай бузар булай ябадал өөһэдыетнай хэһээхэ, Намһаа буруу хараһантнай өөһэдыетнай дайраха. Намайе, Эзэн Бурханаа, орхихо гээшэ, Намһаа түбэгшөөхэгүй, Намайе хүндэлхэгүй гээшэ таанадта гашуун һургаал болохол! Энээн тушаа мэдэжэ, ойлгожо байгты. Энэ болбол Би, Хүсэн Түгэлдэр Эзэн, Түмэн Сэрэгтэ Бурхан, айладхана мүн!

Ерэмияа 3:1

Эзэн айладхал буулгана: – Хэрбээ үбгэн һамган хоёрой һалажа, һамганайнь ондоо хүнэй һамган болоо хадань, дахин тэрэниие түрүүшын үбгэниинь һамган болгон абажа шадахагүй. Тиигээ һаань, газар дэлхэй бүхыдөө бузарлагдаха бэлэйл. Израиль, ши олон амарагтай һальхайрааш. Тиигээд үшөө намда бусахаяа һанажа байнаш!

Ерэмияа 33:24

– Израиль болон Иудын хан түрые шэлэһэн аад, Минии тэдэниие буруушааһан тухай зоной хэлсэжэ байһые ойлгоо гүт? Тэдэ Минии арад түмэн руу дээрэлхыгээр хаража, үндэһэ яһатан байна гэжэ тооногүй.

Ерэмияа 5:7

Эзэн иигэжэ айладхана: Юундэ Би арад зоноо хүлисэхэ юмбиб? Тэдэ Намайе орхижо, хуурмаг бурхадаар тангаригладаг болоо. Минии тэдэниие садатар хооллуулхада, тэдэ забхайржа, янхан эхэнэрнүүдэй гэртэ үймэлдэнэ.

Эзэкээл 16:46

Шамһаа хойшоо зүгтэ һууринуудтаяа хамта оршогшо Самари болбол шинии эгэшэ мүн, шамһаа урагшаа зүгтэ һууринуудтаяа хамта оршогшо Содом болбол дүүшни мүн.

Эзэкээл 16:47

Юрэдөө, ши тэдээнтэй адляар ажаһуугааш, тэдэнэй жэгшүүритэй үйлэ хэрэгүүдые һажаалдан хэдэг байгааш. Гэбэшье энэ шамда багадаад, ши тэдээнһээ үлүүгээр һальхайран, хэһэн хэрэг бүхэнөө тэдээнһээ бүри муухайгаар хэдэг болоош.

Эзэкээл 16:51

Таанад, Иерусалимай улад зон, Самариин зонһоо хоёр дахин үлүү нүгэл хээт. Эгэшэ, дүү болохо Самари, Содом гэгшэдһээ бүри жэгшүүритэй хэрэгүүдые ши хэжэ, шамтай зэргэсүүлбэл, хэрэгүүдэйнь долоон дээрэ, арюун байһые элирүүлбэш.

Эзэкээл 23:44

Теэд тэдэ зон янхан эхэнэрнүүд болохо Оһолаа Оһолибаа хоёрто һамгадтаа ерэһэндэл адляар дахин-дахин ерэжэл байгаа.

Эзэкээл 23:9

Тиимэ ушарһаа Би Оһолаагай угаа ехээр дурлаһан Ассириин амарагуудтань өөрыень үгөө һэм.

Һошээ 3:4

Ушар юуб гэхэдэ, Израилиин улад зон олон хоногой туршада хаангүй, ноёнгүй, тахилгүй, арюун баханагүй, эфодгүй, гэрэй онгонгүй үлэхэ болоно.

Хуули дабталга 24:1

Хэрбээ хэн нэгэн һамга абаад, удаань тэрээндэ хандасань хубилжа, тэрээнһээ жэрхэжэ эхилээ һаа, һалаха тухай гэршэлгэ бэшэжэ, гартань барюулаад, гэрһээ эльгээг.

Хуули дабталга 24:3

Теэд нүгөөдэшье үбгэнэйнь тэрээндэ дурагүйтэжэ, һалаһан тухай гэршэлгэ бэшэжэ үгөөд, гэрһээ эльгээгээ һаань, үгышье һаа, наһа бараа һаань,