Ерэмияа 3:6 - Библи

⁶ Ёшияа хаанай зонхилхо үе сагта Эзэн намда иигэжэ хэлэбэ: – Урбахадаа бэлэн, найдабаригүй Израилиин юу хэһые хараа гүш? Тэрэ үндэр толгой бүхэн дээрэ гаража, һаглагар модон бүхэн доро ошожо, тэндэ шүтөөнүүдтэ мүргэн, янхан эхэнэртэл ябадал гаргаа.

Ерэмияа 3:6 Referencias Cruzadas

3 Хаан түрэнүүд 14:23

Үндэр толгой бүхэнэй оройдо, һаглагар модон бүхэн доро тэдэ мүргэлэй обоонуудые, онгонуудые, Ашэраа бурханай хүрэгүүдые байгуулан бариба.

2 Угай бэшэг 34:1

Ёшияа найма наһатайдаа хаан боложо, гушан нэгэн жэлэй туршада Иерусалимда хааншалаа.

Псалманууд 106:39

Харин бусад үсөөн болоно, дарлалтаһаа, гай тодхорһоо, зоболонһоо муудана.

Исай 57:3

Харин таанад, нүгэл хэгшэ зон, наашаа дүтэлэгтылши! Таанад эльбэ жэльбэшэнһээ, һальхай ябадалтайшуулһаа, янхан эхэнэрнүүдһээ дээрэ бэшэт!

Исай 57:7

Үндэр, мантан хада уула дээрэ ороо зохёожо, өөдөө гаража, үргэл үргэнэт.

Ерэмияа 1:2

Аммооной хүбүүн Ёшияагай арбан гурбадахи жэлээ Иудын хаан түрые зонхилжо байхадань, Ерэмияада Эзэн айладхал буулгаһан гэхэ.

Ерэмияа 11:10

Минии үгэ дуулахаһаа татагалзаһан уг унгиингаа нүгэл шэбэлдэ тэдэ эрьен бусажа, ондоо бурхадта мүргэжэ эхилбэ. Израилиин болон Иудын үри һадаһад үбгэ эсэгэнэртэйнь Минии байгуулһан хэлсээе эбдэбэ.

Ерэмияа 17:2

Үхибүүдтээ һанаагаа табидагтал, тэдэ үргэлэй шэрээнүүд, Ашэраа бурханай хүрэгүүд, һаглагар модод, үндэр гүбээнүүд, намжаа талаар ербылдэгшэ хаданууд тухай һанаагаа табидаг. Тиимэһээ таанадай, Иудын хан түрын зоной, мүргэлэй обоонуудай түлөө, өөрынгөө бүхы орон нютагаар хэһэн нүгэлэйтнай түлөө танай эд баялигые болон бүхы эрдэни зэндэмэниие дайсадтатнай үгэхэб.

Ерэмияа 3:8

Намда урбаһан Израилиин бүхы һальхай забхай ябадалыень хараад, Би тэрэниие ябуулжа, һалаһанай гэршэлгэ үгөөб. Харин үнэн сэхэ бэшэ Иуда эгэшэнь энээнһээ айбагүй, тэрэ мүн лэ янхан эхэнэр мэтэ болоо.

Ерэмияа 31:22

Найдалгүй улад зон, таанад хэды болотор энэ-тэрээгүүр ябаха юмта? Юуб гэбэл, Би газар дэлхэй дээрэ нэгэ шэнэ зүйл бүтээгээб, эмэгтэй хүнэй эрэ хүниие хамгаалжа байһандал адли тэрэ юумэн юм.

Ерэмияа 5:11

Израилиин болон Иудын улад зон Намда үнэхөөр урбаа. Энэ болбол Би, Эзэн, тунхаглана мүн!

Ерэмияа 7:24

Гэбэшье тэдэ Минии үгэ дуулаагүй, анхаралаа хандуулаагүй, харин үсэд, муу сэдьхэлэйнгээ табисуураар ажаһуужа, өөһэдыгөө хойшо татаба.

Эзэкээл 16:31

Харгы бүхэндэ забхайран хурисал үзэжэ байхадаа ши бэлэг сэлэг, мүнгэ абадаггүй байгааш. Энэ болбол янхан эхэнэр байхаһаа бүри муу муухай ябадал болоно.

Эзэкээл 16:35

Эзэн иигэжэ айладхана: – Янхан эхэнэр Иерусалим, Минии айладхал шагна!

Эзэкээл 20:28

Үгэхэб гэжэ тангариглан найдуулһан газар руу Би тэдэниие асарааб, харин тэдэ обоо бүхэн дээрэ, һаглагар модон бүхэн доро тахил үргэжэ, үзэмэй дараһан архи үргэжэ, санзай ууюулжа байгаа.

Эзэкээл 23:11

Оһолибаа дүүнь энэ бүгэдые хараашье һаа, өөрөө бүри һальхай забхай ябадалтай, Оһолаа эгэшэһээ бүри дороор забхайрдаг бэлэй.

Эзэкээл 23:4

Тэдэнэй нэрэнь гэбэл, эгэшэнь Оһолаа, дүүнь Оһолибаа бэлэй. Тэдэ Намда хадамда гаража, үхибүүдые түрөө һэн. Оһолаа болбол Самари, Оһолибаа Иерусалим болоно гээшэ.

Һошээ 11:7

Тэдэ Намһаа буруу хараһан зандаа. Тэдэ шангабди гээд һанана, теэд энэнь туһагүй.

Һошээ 4:13

Хада уулануудай болон гүбээнүүдэй орой дээгүүр тэдэ тахил үргэнэ, һүүдэртэ, һалбагар мүшэр, набшатай модод доро уталгануудые ууюулна. Иимэ жэшээ хараад, басагад болон бэреэдтнай янхан ябадал гаргана.

Ударидагшад 2:17

Гэбэшье арад зон ударидагшадайнгаа үгыень дуулабагүй. Израильшууд үбгэ эсэгэнэрэйнгээ шүтэжэ ябаһан Эзэнһээ урбажа, эндэхи бусад ондоо арадуудай хуурмаг бурхадта шүтэдэг, мүн мүргэдэг болобо.