Ерэмияа 3:24 - Библи

²⁴ Эгшүүритэй муухай Баалда мүргэхэдөө, эд зөөриеэ, үхэр малаа – эртэ урдаһаа хойшо үбгэ эсэгэнэрэйнгээ суглуулһан бүхы баялигые гээгээбди. Баалай шүтөөнүүд хүбүүд, басагадыемнай залгижархёо.

Ерэмияа 3:24 Referencias Cruzadas

Ерэмияа 11:13

Иудын хан түрын хото бүхэндэ өөрын бурхан бии. Иерусалимай үйлсэ бүхэндэ жэгшүүритэй муухай юумэндэ үргэлэй шэрээ табигдаа, Баалда санзай ууюулхын тула тэдэ бодхоогдоо.

Ерэмияа 22:21

Амжалтатай, дэбжэн байха үедэтнай Эзэнэй таанадта хандабашье, таанад үгыень дуулахаһаа арсаат. Бүхы наһаараа иигэжэ ябаат, үгыень дуулаагүйт.

Ерэмияа 44:7

Би, Түмэн Сэрэгтэ Эзэн, Израилиин Бурхан, юундэ иимэ муухай зүйл өөһэдтөө хэнэбта гэжэ таанадһаа асуунаб. Эрэшүүл, эхэнэрнүүдтэ, үхи хүүгэдтэ, нарайшье үхибүүдтэ гай тодхор татажа, иудей зоной дунда нэгэшье хүн бү үлэһэй гэжэ һанана гүт?

Ерэмияа 8:16

Дайсаднай – Даанай хотонуудта! Моридойнь турьяхые дуулаабди. Адуунайнь инсагаалха абяанһаа бүхы газар доһолно. Дайсад ерэжэ, орон нютаг, тэндэ байгааша бүхы юумэ, хото болон ажаһуугшадыень залгин һалгаахань.

Ерэмияа 9:18

Улад зон иигэжэ хэлэбэ: «Хүдөөлгэнэй гашуудалтай дуу бидэндэ дуулахаяа тэдэ яаралтай ерэг, нюдэнһөөмнай нулимсын дуһалтар, нюдэнһөө нёлбоһоной урасхал мэтэ урдатар дуулаг лэ».

Эзэкээл 16:19

Минии шамда үршөөһэн эдеэ хоол – эрхим гурил, оливын тоһо, зүгын бала ши тэдэнэй урда хайлуулан ууюулжа, үргөөш. Би, Эзэн Бурхан, энээниие ажаглан хаража байгаа һэм.

Эзэкээл 16:20

Намда зорюулан түрэгшэ үхи хүүгэдээшье ши абажа, тэдэ онгонуудта үргэл болгон үргөөш! Өөрөө намда урбахашни багадаад,

Эзэкээл 16:61

Эгэшэ, дүүгээ һөөргэнь абажа байхадаа өөрынгөө хэһэн хэрэгүүдые һанажа, ши эшэхэш. Хэлсээгээр иимэ юумэ баталаагүйшье хадаа Би тэдэниие шамда басагад болгон үгэхэб.

Эзэкээл 16:63

Хэһэн юумыеш Би хүлисэхэб, гэбэшье ши тэдэниие мартахагүйш, үгэшье хэлэхэеэ эшэжэ байхаш. Энэ болбол Би, Эзэн Бурхан, айладхана мүн!

Һошээ 10:6

Тэрэ онгон Ассири руу хаанда бэлэг болгон абаашагдаха. Израиль иигэжэ эшхэбтэр байдалда орохо юм.

Һошээ 2:8

Минии тэрээндэ эдеэ хоол, үзэмэй дараһан архи, оливын тоһо үгэдэгые, алта мүнгыень олошоруулһыем тэрэ огто мэдэхэгүй байгаал! Үнгэрхэдөө, тэрэ алта мүнгөөр Баалай дүрсэ шудхаа бэлэйл!

Һошээ 9:10

Эзэн иигэжэ айладана: – Израилиие анха түрүүн Минии олоходо, тэрэ сүл губида үзэмэй модондол, инжирэй модондо түрүүшын жэмэс мэтэ байгаа бэлэйл. Теэд тэрэ Пэһоорой Баалда эрьен ошожо, жэгшүүритэй муухай онгонуудта дуратай боложо, мүргэжэ эхилээ, тиигээд тэдээндээ адли болоо.