Ерэмияа 3:23 - Библи

²³ Үнэхөөрөө, гүбээ хаданууд дээрэ манай мүргэл хэһэн ушар бидэндэ оройдоошье туһа болоогүй. Израилиин абарал хадаа гансал манай Эзэн Бурхан болоно гээшэл!

Ерэмияа 3:23 Referencias Cruzadas

Псалманууд 3:8

Эзэн, намайе аршалыт! Бурхамни, намайе абарыт! Дайсадайм үрүүе буталан эбдыт, муу зоной шүдэ түүрэ сохиит.

Псалманууд 62:7

Би орондоо Таниие һанахадаа, бүхэли һүни Тан тухай бодоноб.

Һургаал 21:31

Хүлэг моридые байлдаанда бэлдэбэшье гэлэй, илалтань Эзэнэй гарта байдаг.

Исай 10:20

Израилиин үлдөөсэ зоной, Яковай удамай үлөөшэдэй өөһэдыень хюдааша үндэһэ яһатанда бэшэ түшэхөө болихо сагынь дүтэлжэ байна. Тэдэ зүб лэ Эзэндэ, Израилиин арюун Бурханда, түшэглэн этигэжэ эхилхэ.

Исай 12:2

Оо, Бурхан – минии абарал! Тэрээндэ найданаб, юунһээшье айнагүйб. Юуб гэбэл, Эзэн – минии хүсэн, минии шадал! Тэрэ – минии абарал!»

Исай 43:11

Би гансаараа Эзэн гээшэб! Намһаа ондоо абарагша танда байхагүй.

Исай 44:9

Һиилэмэл хүрэгүүдые хэгшэд бултадаа юуншье бэшэ. Тэдэнэй зальбардаг шүтөөнүүд ямаршье ашаггүй. Иимэ юумэндэ мүргэдэг зон һохор, мунхаг, тиимэһээ тэдэ доромжолгодо орохо.

Исай 45:15

Өөрынгөө арад түмэниие абарагша Бурхан, Израилиин Бурхан, Өөрыгөө нюудаг Бурхан юм Тэрэ!

Исай 45:17

Харин Израиль Эзэнээр хэтэ мүнхэдөө абарагдаха, арад түмэниинь эшэхээр, нэрээ гутаахаар байдалда хэзээдэшье орохогүй!

Исай 45:20

Эзэн иигэжэ айладана: «Үндэһэ яһатад, хамтадаа ерэгты! Амиды үлөөшэ зон, зарга шүүлгэндэ дүтэлэн ерэгты, абаржа шадахагүй бурхадта зальбарагшад, модон шүтөөнүүдые абажа ябаашад юушье мэдэхэгүй зон!

Исай 63:1

«Эдоомой Боцраа хотоһоо һүр жабхалан гийгүүлһэн, улаан хубсаһа хиисхүүлһэн асари хүсэтэ хэн морилбо гээшэб?» Илалта соёрхуулхын тулада бууһан абарагша Эзэн Бурхамнай.

Исай 63:16

Теэд Та манай Эсэгэт. Манай элинсэг эсэгэнэр болохо Абраһаам, Израиль маанадые өөрын гэжэ бү тоог, харин Та, Эзэмнай, манай Эсэгэ болонот, хододоо «Абарагшамнай» гэжэ Таниие нэрлэдэг бэлэйлди.

Ерэмияа 14:8

Оо, Израилиин Найдабари, зобохо үедэмнай маанадые Абарагша! Юундэ Та манай газар нютагта ерүүл хүн мэтэ, нэгэ һүни хонохоёо ороһон аяншан мэтэ байнабта?

Ерэмияа 17:14

Оо, Эзэн, намайе аргалыт, тиихэдэтнай би эдэгэхэб; намайе абарыт, тиихэдэтнай би абарагдахаб. Та – минии магтаал гээшэт!

Ерэмияа 17:2

Үхибүүдтээ һанаагаа табидагтал, тэдэ үргэлэй шэрээнүүд, Ашэраа бурханай хүрэгүүд, һаглагар модод, үндэр гүбээнүүд, намжаа талаар ербылдэгшэ хаданууд тухай һанаагаа табидаг. Тиимэһээ таанадай, Иудын хан түрын зоной, мүргэлэй обоонуудай түлөө, өөрынгөө бүхы орон нютагаар хэһэн нүгэлэйтнай түлөө танай эд баялигые болон бүхы эрдэни зэндэмэниие дайсадтатнай үгэхэб.

Ерэмияа 3:6

Ёшияа хаанай зонхилхо үе сагта Эзэн намда иигэжэ хэлэбэ: – Урбахадаа бэлэн, найдабаригүй Израилиин юу хэһые хараа гүш? Тэрэ үндэр толгой бүхэн дээрэ гаража, һаглагар модон бүхэн доро ошожо, тэндэ шүтөөнүүдтэ мүргэн, янхан эхэнэртэл ябадал гаргаа.

Ерэмияа 31:7

Эзэн иигэжэ тунхаглана: Яковта баяртай шангаар дуу дуулагты, үндэһэ яһатадай эгээл ехыень угтагты. Тунхаглан, иимэ магтаал үргэгты: «Эзэн Өөрынгөө арад түмэниие абараа, үлэһэн бүхы зоноо абараа!»

Эзэкээл 20:28

Үгэхэб гэжэ тангариглан найдуулһан газар руу Би тэдэниие асарааб, харин тэдэ обоо бүхэн дээрэ, һаглагар модон бүхэн доро тахил үргэжэ, үзэмэй дараһан архи үргэжэ, санзай ууюулжа байгаа.

Һошээ 1:7

Харин Иудын арад зониие хайрлахаб. Би, Эзэн Бурханиинь, тэдэниие абархаб. Гэбэшье дайн дажар – һурша номо, һэлмэ, морин сэрэг эндэ хэрэглэхэгүйб.

Иоанн 4:22

Хэндэ һүзэглэн мүргэдэгөө таанад мэдэнэгүйт, харин бидэ хэндэ һүзэглэн мүргэжэ байдагаа мэдэнэбди: юртэмсэ дэлхэйн абаралга еврейнүүдһээ ерэхэ.