Ерэмияа 3:2 - Библи

² Хадын нюсэгэн оройнууд руу харыш. Шинии һальхай ябадал гаргаагүй газар бии юм аал? Элһэн сүл губида амадажа байһан Арааб шэнги ши харгы замай хажуугаар янхан амарагуудаа хүлеэн һуужа, энэ газарые янхан ябадалаараа бузарлааш.

Ерэмияа 3:2 Referencias Cruzadas

Эхин 38:14

үбгэеэ алдаһан эхэнэрнүүдэй үмдэдэг хубсаһаяа һэлгээд, нюураа нэмэргээр бүглөөд, Тимнаа ошодог харгыда байдаг Энааһим хотын хэрэмэй бартаануудай хажууда ошожо һууба. Шэлаагай бэеэ хүсөөшье һаань, Иуда тэрэниие өөртэйнь гэрлүүлхэ дурагүй гээшые Тамаар ойлгоһон байгаа.

3 Хаан түрэнүүд 11:3

Хаан долоон зуун һамгатай, тиихэдэ гурбан зуун бага һамгатай байгаа. Тэдэ Бурханай харгы замһаа тэрэниие хадууруулба.

4 Хаан түрэнүүд 23:13

Хаан Иерусалимай зүүн тээһээ урагшаа Элеон хада хүрэтэр байһан мүргэлэй шүтөөнүүдые бузарлаба. Израилиин хаан Соломоон сидооной яндан – Аштаарта, моһаабай яндан – Хэмоошто болон аммооной яндан – Милхоомдо шүтөөнүүдые барюулһан байгаа.

Псалманууд 106:38

Тэрэ тэдэниие юрөөнэ, иигэжэ тэдэ угаа олон болоно, малайнь тоошье бага бэшэ.

Һургаал 23:28

Тэрэ дээрмэшэн мэтэ нэгэниие отожо, гэмтэ ябадалай тоо олошоруулдаг.

Һургаал 7:11

Аляа хошон, убайгүй шууяатай, гэртээ тогтодоггүй,

Ерэмияа 12:12

Сүл губиин нюсэгэн добо толгойгоор һүйд хэгшэд ябажа байна. Бүхы орон нютаг хюдахаяа дайн дажар үүсхэхэб. Ямаршье амитанда амгалан байдал таһалдаха.

Ерэмияа 2:20

Израиль, ши Минии эрхэ мэдэл дороһоо үнинэй гарааш. Минии үгэ дуулахаһаа, Намда мүргэхэһөө арсааш. Үндэр гүбээн бүхэн дээрэ, һаглагар модон бүхэн доро шүтөөнүүдтэ мүргэжэ байгааш.

Ерэмияа 2:23

Өөрыгөө бузарлаагүйб, Баалда мүргөөгүйб гэжэ ши яагаад хэлэжэ шаданабши? Хүндыдэ өөрынгөө ябадалые харыш! Юу хэһэнээ мэдэжэ аба! Ши хадаа нэгэл замаа дабтан гүйжэ ябаһан хурдан энги мэтэш!

Ерэмияа 2:7

Би таанадые үрэжэлтэй һайхан газарта асаржа, тэрэнэй үрэ жэмэсээр хоолложо байхыетнай хүсөө һэм. Гэбэшье таанад Минии газар нютагые бузарлабат. Минии хубитые таанад жэгшүүритэй зүйл болгобот.

Ерэмияа 3:1

Эзэн айладхал буулгана: – Хэрбээ үбгэн һамган хоёрой һалажа, һамганайнь ондоо хүнэй һамган болоо хадань, дахин тэрэниие түрүүшын үбгэниинь һамган болгон абажа шадахагүй. Тиигээ һаань, газар дэлхэй бүхыдөө бузарлагдаха бэлэйл. Израиль, ши олон амарагтай һальхайрааш. Тиигээд үшөө намда бусахаяа һанажа байнаш!

Ерэмияа 3:13

Минии урдаһаа нүгэл үйлэдэжэ, зэмэтэй байһанаа, һаглагар модон бүхэн доро янхан эхэнэртэл забхайран, бусад арадуудай шүтөөнүүдтэ мүргэжэ, Минии үгэ дуулаагүй байһанаа гансал мэдэрыт. Энэ болбол Би, Эзэн, айладхана мүн!

Ерэмияа 3:21

Хадын нюсэгэн оройнууд дээрэһээ абяан дуулдана: энэ хадаа Израилиин улад зоной гуйха болон уйлахань соностоно. Ушарынь гэбэл, тэдэ нүгэл хэжэ, Эзэниие, өөрынгөө Бурханиие, мартаа.

Ерэмияа 3:9

Тэрэ эшэхэеэ мэдэхэгүй, газар нютагые бузарлажа, модо шулуунда мүргэн забхайрба.

Ерэмияа 7:29

Иерусалимай улад зон, үһэеэ тайража хаяад, нюсэгэн добо толгой дээрэ гашуудан уйлагты. Юуб гэхэдэ, Би, Эзэн, энэ үе удамда уурлан хилэнтэжэ, голожо, орхибоб.

Эзэкээл 16:16

Үргэлэй обоонуудые өөртөө зохёон түхеэржэ, хубсаһанһаа үнгэтэ үртэһэнүүдые таһалаад, тэрэ обоонуудые гоёогоо һэнши. Тиигээд һальхай һамуу ябадал гаргажа, хурисал тэндэ үзэжэ эхилээ бэлэйш. Харин иимэ ушар тэндэ хэзээшье тохёолдохо, гараха ёһогүй байгаал!

Эзэкээл 20:28

Үгэхэб гэжэ тангариглан найдуулһан газар руу Би тэдэниие асарааб, харин тэдэ обоо бүхэн дээрэ, һаглагар модон бүхэн доро тахил үргэжэ, үзэмэй дараһан архи үргэжэ, санзай ууюулжа байгаа.

Һошээ 2:5

Эхэнь забхай зальхай ябадал гаргаа, хэбэл соогоо шэрээшэнь нэрэеэ гутаагаа. Юуб гэбэл, тэрэ «Эдеэ хоол ба унда, нооһо ба маалинга, оливын тоһо ба үзэмэй дараһан архи үгэдэг амарагуудайнгаа хойноһоо ошохом» гэжэ хэлээ бэлэйл.

Лука 16:23

Тэрэ баян тамын оёорто хаягдаад зобожо байхадаа, дээшээ хаража, Абраһаамые, мүн хажуудань Лазариие холоһоо анхарба.

Хуули дабталга 12:2

Таанадта диилдэһэн тэдэ арадуудай үндэр уула, добо гүбээнүүд дээрэ, алибаа һаглагар модон доро өөһэдынгөө бурхадта мүргэдэг газарнуудыень бүримүһэн үгы хэгты.