Ерэмияа 27:9 - Библи

⁹ «Таанад Вавилооной хаанай мэдэлдэ бү орогты» гэжэ хэлэдэг лүндэншэдөө, үзэлшэдөө, зүүдэ тайлбарилагшадаа, эди шэдитэнээ, эльбэтэйшүүлээ бү дуулагты.

Ерэмияа 27:9 Referencias Cruzadas

Египедһээ гаралга 22:18

Басаганай эсэгын басагаяа хадамда үгэхэ дурагүй һаань, хурисагша эрэ басаганай түлөө хэдые түлэхэ ёһотойень түлэхэ уялгатай.

Египедһээ гаралга 7:11

Фараон өөрын мэргэшүүлые ба эльбэшэдые дуудажа ерүүлбэ. Египедэй эльбэшэд иимэ юумэ баһал харуулба.

Һургаал 19:27

Хүбүүмни, сахилгата һургаал шагнаагүй һаа, мэдэлгын үгэһөө холодохош.

Исай 8:19

Таанадые зарим зон иигэжэ гуйжа болохо: – Һүнэһэ дуудагшадтай болон шэбшэдэг шэдитэнтэй зүбшыт. Теэд таанад иигэжэ тэдээндэ харюусаарайгты: – Арад түмэн өөрынгөө Бурханһаа туһа эрихэ ёһотой. Эльбэ жэльбэтэйшүүлые хэрэглэн, юундэ амиды зон тухай үхэһэн зонһоо асууха болонобибди?

Ерэмияа 14:14

Эзэн намда: – Лүндэншэд Минии нэрэһээ хуурмаг абарал буулгажа байна. Би тэдэниие эльгээгээгүй, тэдээндэ захираагүй, тэдээндэ айладхаашьегүй бэлэйб. Тэдэ худал хуурмаг үзэгдэл, хубхай хооһон үзэл үзэлгэ, миин өөһэдын һанаашые таанадта дуулгана гээшэ.

Ерэмияа 23:16

Түмэн Сэрэгтэ Эзэн Иерусалимай зондо иигэжэ айладхана: – Худал лүндэншэдэй хэлээшые бү шагнагты. Тэдэ таанадые хооһоор, дэмы найдуулна. Минии айладхал бэшэ өөһэдынгөө хүсэһэн, һанаһан юумэ таанадта дуулгана.

Ерэмияа 23:25

Минии нэрэһээ худал лүндэншэдэй зүүдэн соонь айладхал буулгаһан тухайм хэлэжэ байһые Би мэдэнэб.

Ерэмияа 23:32

Минии, Эзэнэй, айладхал шагнагты! Худал зүүдэнүүдээ хөөрэжэ, тэдэ худал хуурмагаараа болон һайрхуу үгэнүүдээрээ арад зонойм толгой эрьюулнэ. Би тэдэниие эльгээгээгүйб, ямаршье захиралта үгөөгүйб. Тэдэ улад зондо ямаршье туһагүй. Энэ болбол Би, Эзэн, айладхана мүн!

Ерэмияа 29:8

Би, Түмэн Сэрэгтэ Эзэн, Израилиин Бурхан, таанадай дунда ажаһуудаг лүндэншэд болон үзэлшэдтэ бү мэхэлүүлэгты гэжэ таанадые һэргылнэб. Тэдэнэй зүүдэлдэг зүүдэнүүдые бү тоогты.

Эзэкээл 21:29

Харадаг үзэгдэлтнай буруу, уридшалан хэлэдэгтнай худал. Таанад зэмэтэйт, тиимэһээ хэһээлтын үдэр мандахань, һэлмэмни толгойетнай таһа сабшан абаха!

Даниил 4:7

Унтаридаа нойрсон байхадаа би иимэ зүүдэ харааб: Газар дэлхэйн дунда үндэр гэгшын модоной ургажа байхые харааб.

Михей 3:7

Үзэлшэд эшэжэ эхилхэ, мэргэшэд аягүй байдалда орохо. Бурханһаа харюу абахагүй тэдэ бултадаа амаа хаажа эхилхэ.

Захарияа 10:2

Онгонууд ерээдүй саг тушаа таамаглана. Мэдэлшэбди гэдэгүүд худал үзэгдэл хаража, хуурмаг зүүдэ үзэнэ. Тэрэнь ямаршье ашагүй. Тиимэһээ хүнүүд хонин мэтэ төөрин, туһа эрин хашхаралдана. Теэд тэдэниие дахуулха хонишон байхагүй.

Малаахи 3:5

Удаань шүүлгэ хэхэеэ Би таанарта ойртохо болоноб. Би мэргэлдэг хүнүүдтэ, садарлагшадта, хэрэг шүүлгэдэ хуурмагаар тангариглагшадта, хүлһэнэй ажалшадые луйбардагшадта, бэлбэһэн эхэнэрнүүдые ба үншэн хүүгэдые дарлагшадта, ерүүл хүнүүдые харшалагшадта болон Намһаа нарилан айдаггүй хүнүүдтэ эсэргүү гэршэ болохоб», – гэжэ Түмэн Сэрэгтэ Эзэн айладажа байна.

Хэрэгүүд 8:11

Симон олон жэлэй туршада эльбэ шэдеэрээ зониие тон ехээр гайхуулжа байһан тула тэрэниие хүнүүд анхаралтайгаар шагнадаг һэн.

Эфесэйхиндэ 5:6

Хооһон үгэтэй хүнэй мэхэ гоходо бү орогты, ушарынь гэхэдэ, Бурхан тиимэ юумэнүүдэй түлөө үгыень дууладаггүй хүнүүд дээрэ уур сухалаа буулгаха.

Хуули дабталга 13:2

тэдэ тэмдэгүүдэйнь нээрээ бэелүүлэгдэшоо гээшэ һаань, танихагүй ондоо бурхадта шүтэдэг болохыетнай тэрэ таанадта идхан хэлэжэ магад.

Хуули дабталга 18:14

Танай үлдэн гаргаха тэдэ арадууд юумэ таадаг шэдитэй зониие, ерээдүйе айладхагшадые шагнадаг. Харин Эзэн Бурхантнай таанадта энээниие даалгаа бэшэ!

Нүүнэй Иисүүс 13:22

Баһал Израилиин хүбүүдэй һэлмээр алаһан мэдэлшэ Бэһоорой хүбүүн Балаһаамай газар хилэ байгаа.

Гэршэлгэ 18:23

Дэнгэй гэрэлые хотодо ондоо хэншье харахагүй. Гэрлэхэеэ байгаа хүбүүн басаган хоёрой хөөрэлдэжэ зугаалхые ондоо хэншье дуулахагүй. Юундэб гэбэл, шинии наймаашад газар дэлхэйн амбан һайдууд байгаа, шинии үйлэдэн хэдэг байһан эльбэ жадханууд али бүхы арад зониие мэхэлээ.

Гэршэлгэ 21:8

Аймхай дүүлэгэрнүүд, Иисүүстэ һүзэглэдэггүй хүнүүд, бузар муухай нүгэл хэгшэд, алууршад дээрмэшэд, зальхай ябадалтан, эльбэ хэгшэд, онгондо шүтэгшэд, элдэб худалшад гал, хүхэрөөр дүлэтэн носогшо нуур руу хаюулха. Энэнь хоёрдохи үхэлгэ мүн.

Гэршэлгэ 22:15

Теэд нохосууд, эди шэдитэн, зальхай забхай ябадалтан, алуурша этэгээдүүд, онгонуудта шүтэгшэд, худал хуурмаг ябадалда дуратайшуул, тиимэ юумэ хэгшэд – хотын гадаа тээ үлэхэ.

Гэршэлгэ 9:21

Бусад үлэһэниинь хүнүүдые аладаг, хюдадаг, эльбэ шэди үйлэдэдэг, забхай зальхай ябадал гаргадаг, хулгай худал хэдэг ябадалаа орхёогүй байһаар.