Ерэмияа 27:7 - Библи

⁷ Орон нютагайнь болон өөрынь Навуходоносорой доройтохо сагай ерэтэр бүхы үндэһэ яһатан тэрээндэ, хүбүүндэнь болон ашадань алба хэн байха. Доройтоһонойнь удаа өөрынь арад зон олон зонтой яһатанда болон томо хаашуулда алба хэдэг болохо.

Ерэмияа 27:7 Referencias Cruzadas

Псалманууд 37:13

Намайе алахаяа һанаашад урьха занга табина, намда мууе хүсэгшэд минии эсэс тушаа ярилдана, мэхэ гохо хэхэ тухай бүхэлиин үдэрөө хэлсэнэ.

Исай 13:1

Энэ болбол Вавилоон тухай зүн табилга. Амооцой хүбүүн Исай иимэ үзэл үзэһэн байна.

Исай 21:9

Харагты! Хоёр хоёроор хүллэһэн моритой дайшалхы тэргэнүүд ерэжэ ябана!» Нэгэниинь «Вавилоон унаа, унаа! Тэрэнэй онгонууд бутархай юумэд газарта хэбтэнэ!» гэжэ дуугарна.

Ерэмияа 27:22

«Тэдэ Вавилоон руу абаашагдаха, Минии анхартар тэндээл байха. Удаань Би тэдэниие бусаажа, энэ газартань һөөргэнь асархаб. Энэ болбол Би, Эзэн, тунхаглана мүн!»

Ерэмияа 34:1

Вавилооной хаан Навуходоносорой мэдэлдэ ороһон бүхы хан түрэнүүдэй, үндэһэ яһатадай хүсэ хэрэглэн, Навуходоносорой Иерусалим болон тэрээндэ дүтэ хотонуудта добтолхо үедэ Эзэн намтай хөөрэлдөө бэлэй.

Ерэмияа 44:30

Хараарайгты даа, Вавилооной хаан Навуходоносорой һабарта Иудын хаан Цэдэкиия гэгшые үгэһэндэл, Би Египедэй хаан фараон Хопраае дайсадтань дамжуулхаб.

Ерэмияа 46:13

Вавилооной хаан Навуходоносорой Египет руу добтолхоёо хүрэжэ ерэхэдэнь, Эзэн намтай хөөрэлдөө бэлэй. Тэрэ иигэжэ айладхаа:

Ерэмияа 52:31

Эвиил-Мэродаах Вавилооной хаан болоходоо, тэрэл жэлээ Иудын хаан Ехонияае олзолгондо абтаһанһаа хойшо гушан долоон жэлэй үнгэрөөд байхада, арбан хоёрдохи һарын хорин табадахи үдэр тэрэниие түрмэһөө табиба.

Эзэкээл 30:24

Вавилооной хаанай засаг шанга болгохо, Египедэй урдаһаа далайхыень һэлмэ тэрээндэ үгэхэб. Египедэй фараон хүсэгүй боложо, шархатаһан хүндэл адли Вавилооной хаанай урда ёолохо. Тиихэдэ Намайе Эзэн гээд улад зон мэдэрхэ.

Даниил 2:37

Та бүхы хаашуулһаа эгээл хүсэ шадалтай хаан болонот. Огторгойн Бурхан танда хаан түрэ, засаг, хүсэ, нэрэ суу үршөөгөө.

Даниил 4:22

Зоной дунда бэшэ, хээрын ан гүрөөлэй дунда амидархат. Малдал адли үбһэ ногоогоор хооллохот, шүүдэр дээрэтнай унан байха. Иигэжэ долоон жэл үнгэржэ, Дээдэ Бурхан лэ хүн түрэлтэнэй хан түрэнүүдые зонхилдог, һанаһан хүндөө тэдэниие үгэдэг гэжэ ойлгохот.

Аввакуум 2:7

Шинии дарлалта доро байгаашад гэнтэ урдаһааш бодожо, шамайе һэжэржэ эхилхэл. Дээрмэшэд добтолжо, ши тэдэнэй хүнэһэн болохолши.

Аввакуум 2:8

Олон арадуудые дээрмэшэлһэнэйш түлөө бусад бүхы арад түмэн урдаһааш тулан, хүнэй шуһа урасхуулһан, орон нютагыень, хото һууринуудыень, ажаһуугшадыень хооһоруулан һүйдхүүлһэнэйш түлөө шамайе хэһээн дээрмэшэлхэ.

Гэршэлгэ 14:8

Дары хойноһоонь баһа ондоо, хоёрдохи Эльгээмэл иигэжэ хашхаран ниидэжэ ябаа: «Бүхы арад үндэһэтэниие забхайралайнгаа бузар архи уулгажа хорлоһон агуу ниислэл Вавилоон хото хосороо, хосороо!»

Гэршэлгэ 16:19

Аргагүй томо хото гурбан хуби боложо бутаран һандаршаба, бусад арадуудай хотонууд хяа бута һүрэн унашаба. Агуу ниислэл Вавилоон тухай Бурхан һанажа, аргагүй ехэ уур сухалайнгаа аягатай үзэмэй дараһан архиие тэрэ ниислэлдэ уулгаба.