Ерэмияа 27:6 - Библи

⁶ Иигэжэ Би эдэ бүхы үндэһэ яһатадые Өөрынгөө албатанай, Вавилооной хаан Навуходоносорой мэдэлдэ үгэнэб. Зэрлиг амитадыешье Тэрээндэ алба хэдэг болгооб.

Ерэмияа 27:6 Referencias Cruzadas

4 Хаан түрэнүүд 25:28

Эвиил-Мэродаах Ехонияатай урин зулгыгаар хөөрэлдөөд, тэрэнэй Вавилоондо байһан сагта бусад хаашуулһаа дээгүүр һуурида һуухые захирба.

2 Угай бэшэг 36:23

«Персиин хаан Киир иимэ зарлиг буулгана: Огторгойн Эзэн Бурхан газар дэлхэйн бүхы хаан түрэнүүдые минии мэдэлдэ үгөө. Иудын Иерусалимда Тэрээндэ шүтэн мүргэдэг Һүмэ барихыемни Тэрэ захираа. Эзэн Бурханай арад зонһоо хэн байнаб, тэрэ тиишээ ошог лэ! Эзэн Бурханиинь тэрээнтэй хамта байхань болтогой!»

Исай 44:28

Кииртэ иигэжэ айладхал буулганаб: «Ши Минии эльгээһэн ударидагша мүн, Минии үгэ соо хэрэг ябуулхаш. Иерусалимда һэргэн бодохыень, нангин үргөөгэйм һууриин дахин табигдахыень ши захирхаш!»

Ерэмияа 21:7

Тэрэнэй удаа Иудын хаан Цэдэкиия, шамайе, түшэмэлнүүдыеш болон дайн дажарай, үлэсхэлэн хооһон байдалай, зуд тахалай һүүлээр үлөөшэ зониие Вавилооной хаан Навуходоносороор, таанадые алахаяа һанаһан дайсадаартнай, баряанда абхуулхаб. Навуходоносор таанадые һэлмээр сабшан алаха. Тэрэ хэнииешье амиды мэндэ үлөөхэгүй, хайрлахагүй, энэрэл үзүүлхэгүй. Энэ болбол Би, Эзэн, айладхана мүн!» гээшые нам руу ерэһэн зондо дамжуулан хэлэбэб.

Ерэмияа 22:25

Шамайе алахаяа һанаһан зондо, айдаг зондошни Би шамайе үгэхэб, Вавилооной хаан Навуходоносорто болон сэрэгтэнь шамайе тушаахаб.

Ерэмияа 24:1

Эзэнэй намда үзэгдэл үзүүлхэдэнь, Эзэнэй үргөөгэй урда табяатай хоёр түрсүүг инжир харабаб. (Энэ хадаа Вавилооной хаан Навуходоносорой Иудын хаан, Ёякиимэй хүбүүн Ехонияа гэгшые, Иудын түшэмэлнүүдые урашуул болон дархашуултай хамта Иерусалимһаа олзолон абажа, Вавилоон руу абаашаһанай удаа болоо бэлэй.)

Ерэмияа 25:9

хойто зүгэй арадуудай болон Өөрынгөө албатан, Вавилооной хаан Навуходоносорой хойноһоо эльгээжэ, танай орон нютагай, улад зонойтнай, хүршэ арадуудайтнай урдаһаа дайлахыень асархамни. Таанадые хүршэнэртэйтнай хамта бүримүһэн усадхажа, хэтэ мүнхын һандарал, аймшагтай, угаа муухай зүйл болгон үлөөхэб. Энэ болбол Би, Эзэн, айладхана мүн!

Ерэмияа 28:14

Түмэн Сэрэгтэ Эзэн, Израилиин бурхан, эдэ бүхы үндэһэ яһатан дээрэ түмэр хөөмэгшэ углаха, тиихэдэнь тэдэ Вавилооной хаан Навуходоносорто алба хэдэг болохо. Зэрлиг амитадыешье Навуходоносорто алба хэдэг Тэрэ болгохол!» гээд Ханаанияада дуулга, – гэбэ.

Ерэмияа 43:10

Тиигээд Минии, Түмэн Сэрэгтэ Эзэнэй, Израилиин Бурханай, Өөрынгөө зараса, Вавилооной хаан Навуходоносорые асаржа, хан шэрээень эдэ шулуунууд дээрэ табихаяа байһан тухай, тэрэнэй майхангай эндэ бодхоогдохоёо байһан тушаа зондо дуулга.

Ерэмияа 49:30

Гүйгты, зугадагты, гүн газарнуудаар хорогты, Хацоорой улад зон! Вавилооной хаан Навуходоносор таанадай урдаһаа добтолхо тухай түсэб зохёонхой.

Эзэкээл 29:12

Дэлхэйн эгээл хооһон, эзэгүй газар тэрэ болохо. Египедэй хотонууд дүшэн жэлэй туршада һандаранхай хооһон хэбтэхэ. Арад зонииеш дэлхэй дээгүүр тараан сасахаб.

Эзэкээл 30:24

Вавилооной хаанай засаг шанга болгохо, Египедэй урдаһаа далайхыень һэлмэ тэрээндэ үгэхэб. Египедэй фараон хүсэгүй боложо, шархатаһан хүндэл адли Вавилооной хаанай урда ёолохо. Тиихэдэ Намайе Эзэн гээд улад зон мэдэрхэ.

Даниил 4:12

Гансал үндэһэниинь түмэр, гуулин гэнжэтэй, газар соо үлэг, хээрын ногоон соо байг. Шүүдэр тэрээн дээрэ унажа, ан гүрөөлтэй хамта газарай ногоон соо байг лэ.

Даниил 4:22

Зоной дунда бэшэ, хээрын ан гүрөөлэй дунда амидархат. Малдал адли үбһэ ногоогоор хооллохот, шүүдэр дээрэтнай унан байха. Иигэжэ долоон жэл үнгэржэ, Дээдэ Бурхан лэ хүн түрэлтэнэй хан түрэнүүдые зонхилдог, һанаһан хүндөө тэдэниие үгэдэг гэжэ ойлгохот.