Ерэмияа 27:15 - Библи

¹⁵ Тэдэниие эльгээгээгүй тухайгаа Өөрөө Эзэн тунхаглаа бэлэйл. Эзэнэй таанадые үлдэн гаргахын, таанадай үхэхын тула тэдэ зорюута Эзэнэй нэрэһээ худал үгэнүүдые соносхоно. Тиигэжэ таанад болон энэ худал үгэнүүдые хэлэгшэ лүндэншэд алуулхат.

Ерэмияа 27:15 Referencias Cruzadas

2 Угай бэшэг 25:16

– Минии зүбшэгшөөр шамайе табяагүйб. Хүрөө, боли! Үгы һаа, усадхагдахаш, – гэжэ хаан харюу үгэбэ. Лүндэншэ аниргүй болобо, гэбэшье иигэжэ хэлээ бэлэй: – Нүгэл хээт, мүн минии зүбшэл дууланагүйт. Бурхан таниие хюдахал гэжэ шиидэнхэй.

Ерэмияа 14:14

Эзэн намда: – Лүндэншэд Минии нэрэһээ хуурмаг абарал буулгажа байна. Би тэдэниие эльгээгээгүй, тэдээндэ захираагүй, тэдээндэ айладхаашьегүй бэлэйб. Тэдэ худал хуурмаг үзэгдэл, хубхай хооһон үзэл үзэлгэ, миин өөһэдын һанаашые таанадта дуулгана гээшэ.

Ерэмияа 20:6

Шам тухай хэлэхэ болоо һаа, Пашхуур, ши гэр бүлөөрөө олзо болон Вавилоон руу баряанда ошохош. Тэндэ ши буулгаһан хуурмаг абаралнуудыешни соносодог нүхэдтэйгээ хамта үхэхэш, тэндээл хүдөөлүүлэгдэхэт», – гэжэ айладхал буулгабаб.

Ерэмияа 23:15

Тиимэһээ Би, Түмэн Сэрэгтэ Эзэн, Иерусалимай худал лүндэншэдтэ хоротой эдеэ эдюулхэб, хоротой уһа уулгахаб. Юуб гэбэл, тэдэ бүхы газар нютагаар Бурханда һүзэггүй байлгые дэлгэрүүлээ.

Ерэмияа 23:21

Эзэн айладхана: – Би энэ худал лүндэншэдые эльгээгээгүйб, тэдэ өөһэдөө ошоо. Би тэдээндэ ямаршье айладхал буулгаагүйб, тэдэ өөһэдөө Минии нэрэһээ тунхаглал тараана.

Ерэмияа 23:25

Минии нэрэһээ худал лүндэншэдэй зүүдэн соонь айладхал буулгаһан тухайм хэлэжэ байһые Би мэдэнэб.

Ерэмияа 27:10

Тэдэ таанадые мэхэлнэ, орон нютагһаа танай холодуулагдахые хүсэнэ. Би та бүгэдые үлдэн гаргахаб, тиигээд таанад үхэхэт.

Ерэмияа 29:8

Би, Түмэн Сэрэгтэ Эзэн, Израилиин Бурхан, таанадай дунда ажаһуудаг лүндэншэд болон үзэлшэдтэ бү мэхэлүүлэгты гэжэ таанадые һэргылнэб. Тэдэнэй зүүдэлдэг зүүдэнүүдые бү тоогты.

Ерэмияа 29:9

Тэдэ Минии нэрэһээ таанадта худал юумэ тунхаглана. Би тэдэниие эльгээгээгүйб. Энэ болбол Би, Эзэн, айладхана мүн!

Ерэмияа 38:22

Тэрэ үзэгдэл соогоо би Иудын хаанай ордон соо орхигдоһон эхэнэрнүүдые хараа һэм. Тэдэ эхэнэрнүүд Вавилооной сэрэгэй ахамадуудта абаашагдаха. Тэдэ эхэнэрнүүд хаанай нүхэд өөрыень мэхэлбэ, тэдэ хааниие буруушаана. Хүлэйнь шабар шабхада ороходо, нүхэдынь

Матвей 15:14

Тэдэн тухай һанаагаа огто бү зобогты. Тэдэнэр һохор хүнүүдэй һохор ударидагшад мүн; теэд һохор хүн һохорые хүтэлжэ ябабал, хоюулаа нүхэ руу унаха юм.

Матвей 24:24

Өөһэдыгөө Бурханай табисуурта гү, али лүндэншэн гэжэ нэрлэһэн олон мэхэшэд бии болохо. Тэдэ аргатайл һаа, Бурханай шэлэжэ абаһан хүнүүдыешье өөрынгөө мэхэдэ оруулхын тула элдэб янзын гайхамшагта тэмдэгүүдые, эди шэди харуулха.

Гэршэлгэ 19:20

Арьяатаниие шүүрэн бариба, тэрээнэй урда элдэб дүлгэ тэмдэг харуулжа, арьяатанай тамга табяад, тэрэнэй хүрэг дүрсэдэ һүгэдэн мүргүүлжэ байһан хуурмаг лүндэншые арьяатантай хамта шүүрэн бариба. Тэдэ хоёрые хоюулыень дүрэжэ байһан хүхэртэй нуур худар амидыгаар шэдэбэ.