Ерэмияа 27:12 - Библи

¹² Би иимэл үгэнүүдые Иудын хаан Цэдэкиия гэгшэдэ хэлээб: – Вавилооной хаанай мэдэл доро орожо, тэрээндэ болон арад түмэндэнь алба хэгты, тиигээд амиды мэндэ үлэхэт.

Ерэмияа 27:12 Referencias Cruzadas

Һургаал 1:33

Харин намайе шагнадаг хүн аюулгүй байжа, гай тодхорһоо айнгүй амгалан тайбан һууха».

Ерэмияа 17:4

Минии үршөөһэн газар нютагые таанад өөрынгөө мууһаа боложо гээхэт. Мэдэхэ-танихагүй нютагтатнай Би таанадые дайсадтатнай богоол болгон үгэхэб. Юуб гэхэдэ, таанад Намайе угаа сухалдуулаат, уур хилэмни гал мэтэ бушаганаа, хэтэ мүнхэдөө тэрэ носохол!

Ерэмияа 21:9

Энэ хотодо үлэһэн зон дайн дажарта алуулха, үгышье һаа, туража гү, али үбшэлжэ үхэхэ. Харин хотые бүһэлжэ байгаа Вавилооной сэрэгэй урдаһаа гаража, бэеэ тушааһан зон алуулхагүй, тэдэ ами наһаяа абарха.

Ерэмияа 27:8

Харин Вавилооной хаан Навуходоносорто алба хэдэггүй, мэдэл доронь ородоггүй үндэһэ яһатан гү, али хаан түрэ олдоо һаань, Би тиимэ үндэһэ яһатаниие Навуходоносорой гараар усадхатараа дайн дажараар, үлэсхэлэн хооһон байдалаар болон тахал үбшөөр зобоон-хэһээн байхаб.

Ерэмияа 28:1

Цэдэкиия гэгшын Иудын хан түрые дүрбэдэхи жэлээ, табадахи һараа зонхилжо байха үедэ, эгээл тэрэ жэлдэ Аззуурай хүбүүн, Гибэһоон хотын лүндэншэ Ханаанияа Эзэнэй Һүмэ соо намтай хөөрэлдөө бэлэй. Санаартадай болон улад зоной дуулаһаар байтар тэрэ Түмэн Сэрэгтэ Эзэнэй, Израилиин Бурханай, иигэжэ айладхаһые дуулгаба:

Ерэмияа 28:2

– Израилиин Бурхан, Түмэн Сэрэгтэ Эзэн иигэжэ айладана: – Вавилооной хаанай хүсэ шадалые бута сохин бууруулхаб.

Ерэмияа 38:17

Тиихэдэнь би Түмэн Сэрэгтэ Израилиин Бурханай иимэ айладхал Цэдэкиияда дуулгабаб: – Вавилооной сэрэгтэ бэеэ тушаагаа һаа, амиды мэндэ үлэхэт. Энэ хотошье галдагдахагүй. Таанад өөһэдөө, гэр бүлэнүүдтнайшье амиды үлэхэт.

Ерэмияа 42:11

Вавилооной хаанһаа бэшэ бү айгты. Би таанадтайб, тэрэнэй мэдэлһээ Би таанадые абархаб.