Ерэмияа 26:2 - Библи

² Эзэн намда иигэжэ айладхаба: – Һүмын хашаа соо зогсожо, мүргэхэеэ тиишээ Иудын хан түрын бүхы хотонуудһаа ерэһэн улад зондо Минии хэлэхыеш захирһан бүхы үгэнүүдые соносхон бай. Нэгэшье үгэ бү алда!

Ерэмияа 26:2 Referencias Cruzadas

Ерэмияа 1:17

Ши одоо бэеэ зэһээд, Минии захирһан бүхы юумэ тэдээндэ ошожо дуулга. Тэдээнһээ бү ай, үгы һааш, Би шамайе тэдэнэй урда бүри ехээр айлгахаб!

Ерэмияа 1:7

Теэд Эзэн намда: – Үшөө залууб гэжэ бү хэлэ. Хайшаашье шамайе эльгээбэлни, ошохош. Захирһан бүхы юумыемни хэлэхэш.

Ерэмияа 19:14

Айладхалынь дуулгахаяа Эзэнэй намайе эльгээһэн Тоопэдһээ би тиигээд гаража ошоо һэм. Эзэнэй Һүмын хорёо соо зогсоод, бүхы улад зондо

Ерэмияа 23:28

Зүүдэ зүүдэлһэн худал лүндэншэ тэрэнээ зүүдэн гээд хөөрэг лэ. Орооһонһоо һолоомын тад ондоо байһандал адли тэдэнэй зүүдэниинь Минии айладхал бэшэ. Харин Минии үгэ дуулаһан нэгэн Минии үгые үнэн зүбөөр дамжуулха ёһотой.

Ерэмияа 25:2

Иудын хан түрын болон Иерусалимай улад зондо би иигэжэ айладхал дамжуулан хэлээб:

Ерэмияа 28:5

Тиихэдэнь Һүмэ соо байгааша санаартадай болон бүхы зоной дуулаһаар байтар би Ханаанияа гэгшэдэ:

Ерэмияа 36:10

Бүхы зоной шагнажа байтар Баруух минии хэлэһэн үгэнүүдые хуйламал ном сооһоо уншаба. Тэрэ Шапаанай хүбүүн, бэшээшэн Гэмаариягай ажалай таһалга сооһоо тунхаглаа бэлэй. Һүмын Шэнэ хаалгануудай хажууда, дээдэ хубида тэрэ таһалга оршодог байгаа.

Ерэмияа 42:4

Би харюусааб: – Би ойлгооб. Танай гуйһанай ёһоор, би Эзэн Бурхандаа зальбархаб. Айладхаһан юумыень нюунгүй бултыень таанадта хэлэжэ үгэхэб.

Ерэмияа 7:27

Ерэмияа, эдэ бүхы үгэнүүдые шинии хэлээшье һааш, тэдэ шамайе шагнахагүй. Тэдэниие дуудаашье хадаш, тэдэ шамда харюусахагүй.

Эзэкээл 3:10

Эзэн Бурхан айладхалаа үргэлжэлүүлбэ: – Хүнэй үри Эзэкээл, Минии шамда айладхаһан үгэнүүдтэ анхарал ехэтэ хандуулжа, бүхөөр хадуужа аба.

Эзэкээл 33:7

Хүнэй үри Эзэкээл, Израилиин арад түмэнэй харуулшанаар Би шамайе томилноб! Минии айладхал шагнаад, ши тэдэниие һэргылэн бай.

Эзэкээл 40:4

Тэрэ хүн намда иигэжэ хэлэбэ: – Хүнэй үри Эзэкээл! Минии харуулһан юумэ ехэ анхаралтайгаар харан хадуужа абаарай. Энээнэйл түлөө ши иишээ асарагдаа ха юмши. Хараһан юумэеэ бултыень Израилиин улад зондо дуулгахаш.

Матвей 28:20

Таанарта Минии захиһан бүхы юумэнүүдые сахижа байхыень тэдэниие һургагты. Би таанадтай хамаг юумэнэй эсэс хүрэтэр хододоо хамта байхаб.

Лука 19:47

Иисүүс үдэр бүри Һүмэ руу ерэжэ, һургаалаа номнодог байгаа. Түрүү санаартан, Хуули заадаг багшанар, ахамадууд хамтаржа, Иисүүсые алаха гэлсээ.

Иоанн 18:20

– Би бүгэдэ зоной урда сэхэ хэлэдэг һэнби. Би мүргэлэй гэрнүүд соо ба Һүмэ соо хододоо һургаалаа номногшо һэм. Тэндэ бүхы еврейнүүд ерэдэг һэн, – гэжэ Иисүүс харюусаба. – Нюуса юумэ Би огто хэлээгүйб.

Иоанн 8:2

Эртэ үглөөгүүр Иисүүсэй дахин Һүмэ ерэхэдэ, бүхы зоной Тэрээндэ ерэхэдэнь, Иисүүс номнол айладхаба.

Хэрэгүүд 20:20

Зонойшье дунда, гэрээршье ябаад һургахадаа, таанадта туһатай юумэ огто нюудаггүй бэлэйб.

Хэрэгүүд 20:27

Юундэб гэхэдэ, Бурханай эрхэ хүсэлые таанадта мэдүүлхэдээ, би юушье нюугаагүйб.

Хэрэгүүд 5:25

Тэрэ үедэ хэншьеб орожо: – Шагныт ээ, таанадай түрмэдэ хааһан хүнүүд мүнөө Һүмэ дотор зониие һурган номноно, – гэбэ.

Хэрэгүүд 5:42

Үдэр бүхэн Һүмэдэ гү, али айлаар ябажа тэдэнэр Иисүүс Христоос тухай Һайн Мэдээсэлые номножо байгаа.

Хуули дабталга 12:32

Минии таанадта захиһан юумэ бултыень дүүргэхэеэ оролдогты, хэлэһэндэм юушье бү нэмэгты, бү хороогты!

Хуули дабталга 12:5

Эзэн Бурхантнай бүхы обогуудайтнай газар дайдада Өөрынгөө һуури шэлэн тодорхойлжо, тэндэ Өөрынгөө нэрэ баталха. Мүргэхэеэ таанад гансал тиишээ ерэхэ ёһотойт.

Хуули дабталга 4:2

Минии заабарилан захирһан үгэнүүдтэ бү нэмэгты, тэдээнһээ хороожошье бү байгты. Эзэн Бурханайтнай захяа заабаринуудые дамжуулхадамни, сахин ябагты.

Нүүнэй Иисүүс 8:35

Моисейн Иисүүстэ орхиһон бүхы захяа сооһоо Израилиин бүхы суглаанай урда, һамгадайнь ба хүүгэдэйнь урда, тэдээнэй дунда байһан ерүүл зоной урда Иисүүсэй уншаагүй нэгэш үгэ үлөөгүй.

Гэршэлгэ 22:19

Энэ номой уридшалан хэлэгдэһэн үгэнүүд сооһоо ямар нэгэн юумэ хаһажа хаяа болболынь, тэрэнэй амидаралай модоной үрэ жэмэс эдихэ эрхые, Нангин Хотодо орохо эрхые Бурхан хаһаха. Энэ модон ба энэ хото тухай энэ ном соо бэшээтэй.