Ерэмияа 26:19 - Библи

¹⁹ Хэзэкияа хаан болон Иудын хан түрын улад зон Михей гэгшые алаагүй. Хэзэкияа Эзэниие хүндэлжэ, Тэрээндэ һайшаагдаха гэжэ оролдоо. Тиимэһээ Эзэн тэдээн дээрэ татаха гэжэ байһан гай тодхороо болюулаа бэлэй. Харин бидэ өөһэдөө өөһэдтөө ехэ гай гасалан үйлэдэхэ гэжэ байнабди.

Ерэмияа 26:19 Referencias Cruzadas

2 Хаан түрэнүүд 24:16

Бурханай Эльгээмэлэй Иерусалимые усадхахаяа һанахадань, Эзэн гай гасалан тушаа шаналан, зониие һалгаажа байһан Эльгээмэлдэ: – Хүрөө! Боли! – гэжэ захирба. Эзэнэй Эльгээмэл тэрэ үедэ евүүс хүн Арунаагай гүмнөө дээрэ байгаа.

2 Угай бэшэг 32:20

Хэзэкияа хаан болон Амооцой хүбүүн Исай лүндэншэн огторгой руу, Бурхандаа зальбаран мүргэжэ, туһа гуйба.

2 Угай бэшэг 34:21

– Ошогты, Эзэнһээ нам тухай, Израилиин, Иудын үлөөшэ арад зон тухай һурагты: Мүнөө олдогшо ном соохи бэшэлгэ бидэндэ ямар удхатайб? Юуб гэхэдэ, энэ ном соо бэшээтэй бүхы юумэ үбгэ эсэгэнэрнай сахин байгаагүй, Эзэнэй үгэ дуулаагүй, тиимэһээ Эзэн маанадта угаа ехэ уур хилэнсэгтэй байна.

Египедһээ гаралга 32:14

Эзэн уур хилэнсэгээ номгоруулба. Өөрын арад угсаатаниие һүнөөхэ гэжэ забдаһан аад, болибо.

Исай 26:21

Гэм хэһэнэйнь түлөө дэлхэйн зониие хэһээхэеэ Эзэн Өөрынгөө огторгойн ордонһоо гаража байна. Дэлхэй дээрэ нюусаар хүниие алаһан ушарнууд эли тодо боложо, дахин далдалагдахагүй.

Исай 37:1

Хэзэкияа хаан эдэ бүгэдые дууламсаараа, уйдхар гашуудалаа мэдүүлэн хубсаһаа урижа, таар үмдөөд, Эзэнэй Һүмэдэ ошобо.

Исай 37:4

Ассириин хаан ахамад түшэмэлөө амиды Бурханиие доромжолхо-баһахын тула эльгээгээ. Эзэн Бурхантнай баһаһан тэдэ үгэнүүдые соносожо, хэлэһэн хүнүүдыень хэһээхэ бэзэ. Амиды мэндэ үлэһэн өөһэдынгөө зон тушаа Бурхандаа зальбарыт».

Ерэмияа 26:15

Харин мэдэжэ байгты: хэрбээ намайе алаа һаа, таанад өөһэдөө мүн энэ хотын ажаһуугшад ямаршье гэмгүй хүниие хорооһон гэм зэмэтэй болохот. Юуб гэхэдэ, эдэ бүхы үгэнүүдые соносхохыемни Эзэн үнэхөөр намайе таанадта эльгээгээ бэлэйл, – гэжэ хэлэбэб.

Ерэмияа 26:3

Тэдэ шагнажа, муу замаа орхижо магадгүй. Тиигээ һаань, муу муухай үйлэ хэрэгүүдэйнь түлөө тэдээндэ гай тодхор татахаяа байһан түсэбөө Би болюулхаб.

Ерэмияа 44:7

Би, Түмэн Сэрэгтэ Эзэн, Израилиин Бурхан, юундэ иимэ муухай зүйл өөһэдтөө хэнэбта гэжэ таанадһаа асуунаб. Эрэшүүл, эхэнэрнүүдтэ, үхи хүүгэдтэ, нарайшье үхибүүдтэ гай тодхор татажа, иудей зоной дунда нэгэшье хүн бү үлэһэй гэжэ һанана гүт?

Амоос 7:3

Эзэн шиидхэбэреэ хубилгажа, «Иимэ юумэн болохогүй!» – гэжэ айладхаа.

Аввакуум 2:10

Олон арадуудые усадхажа, нүгэл үйлэдөөш. Иигэжэ гэр бүлэдөө ши гай тодхор татабаш.

Захарияа 7:2

Тэрэ үе сагта Бэт-Ээлэй зон Эзэнэй талархал гуйжа, Шарээцэр, Рээгэм-Мээлэх гэгшэдые хүнүүдтэйнь хамта зальбархыень эльгээгээд байгаа.

Тоололго 16:38

Тэдэнэй эзэдынь нүгэлэйнгөө түлөө үхөө. Бойпуурнуудые дабтан хабтайлгажа, нимгэн түмэр болгуулаад, үргэлэй шэрээнүүдые бүрхөөн хушаг. Тэдэ амһартануудые Эзэн руу асардаг байгаа, тиигээд тэдэ арюун болонхой. Тэдэ хушалтанууд уридшалан һэргылэмжын тэмдэг израильшуудта боложо үгэг.

Матвей 23:35

Тиимэһээ газар дээрэ адхарһан зэмэгүй хүнүүдэй шуһан – зэмэгүй Аабэлэй шуһанһаа эхилээд, Һүмэ тахилай шэрээ хоёрой хоорондо таанарта алуулһан Барахиинай Захарияа хүбүүнэй шуһан хүрэтэрөө – таанарһаа нэхэгдэхэ.

Хэрэгүүд 5:39

Хэрбээ энэ зорилго, үйлэ хэрэгынь Бурханһаа байбал, таанад эдэ хүнүүдые зогсоожо шадахагүйт, харин Бурханай урдаһаа эсэргүүсэн тэмсэгшэд болохот! Зүблэлэй гэшүүд тэрэнэй үгэ дуулаба.

Гэршэлгэ 16:6

Тэдэнэр Бурханай арадай, лүндэншэдэй улаан шуһа адхаруулаа, тиихэдэнь Та тэдэндэ шуһа уулгажа, тэдэнэй гэмые зүб амсуулаат!