Ерэмияа 25:3 - Библи

³ – Хорин гурбан жэлэй туршада Аммооной хүбүүн Ёшияагай арбан гурбадахи жэлээ Иудын хан түрые зонхилжо байхаһаань хойшо, мүнөөшье болотор Эзэн намда айладхал буулгажа байгаа. Би таанадта дахин-дахин хэлэжэл байгааб, теэд таанад анхараагүйт.

Ерэмияа 25:3 Referencias Cruzadas

Эхин 22:3

Үглөөдэрынь Абраһаам эртэ бодожо, элжэгэеэ унаад, хоёр залуу зарасые, мүн Исаак хүбүүгээ абаад, түгэс шатаалта үргэл хэхын тула түлеэ бэлдээд, Бурханай зааһан газар зорибо.

3 Хаан түрэнүүд 22:3

Израилиин хаан түшэмэлнүүдтээ: – Галаадай Рамоот хото манай гэжэ таанад мэдэнэ гүт? Юундэ юушье хэнэгүй, Араамай хаанһаа тэрэнээ бусаанагүйбибди? – гэжэ асууба.

4 Хаан түрэнүүд 17:13

Эзэн Өөрынгөө бүхы лүндэншэдээр ба абаралдагшадаар уридшалан дамжуулжа, израильшуудта ба иудынхидтэ иигэжэ айладаа юм: – Бусагты, муу замһаа зайсагты! Минии захяа заабариие сахигты! Би таанадта үбгэ эсэгэнэртэтнай үгэгшэ Һургаал заабаринуудаа Өөрынгөө барлаг лүндэншэдээр дамжуулааб. Минии айладагша захяа заабаринууд тэрэ Һургаал соо байха.

2 Угай бэшэг 24:19

Өөртэнь эрьен ерэхыень лүндэншэдыешье Тэрэ арад түмэндэ эльгээгээ. Тэдэнь зондо ойлгуулан хэлээ, гэбэшье зон анхарбагүй.

2 Угай бэшэг 34:1

Ёшияа найма наһатайдаа хаан боложо, гушан нэгэн жэлэй туршада Иерусалимда хааншалаа.

2 Угай бэшэг 34:3

Үшөө гүлмэр залуу байхадаа, хааншалалгынгаа наймадахи жэлдэ элинсэг эсэгэ Давидай Бурханда тэрэ мүргэжэ эхилээ. Хааншалалгынгаа арбан хоёрдохи жэлдэ Иудын болон Иерусалимай газар дайдые обоонууд дээрэ түхеэрһэн үргэлэй шэрээнүүдһээ, Ашэраа бурханда зальбардаг сарса модон шүтөөнүүдһээ, һиилэһэн, шудхаһан дүрсэнүүдһээ тэрэ сүлөөлбэ.

2 Угай бэшэг 34:8

Арбан наймадахи жэлээ хааншалжа байхадаа, газар дайда болон Бурханай Һүмэ арюун болгоһоной удаа тэрэ Ацаалияагай хүбүүн Шапааниие, хотын дарга Маашэяае, Ёахаазай хүбүүн, түүхэ бэшэгшэ Ёһаае Эзэнэй һүмэ заһабарилхыень эльгээбэ.

2 Угай бэшэг 36:15

Үбгэ эсэгэнэрэйнь Эзэн Бурхан һэргылхыень тэдээн руу лүндэншэдөө эльгээжэл-эльгээжэл байба, юундэб гэхэдэ, Тэрэ арадаа, нангин үргөөгөө хайрладаг байгаа.

Египедһээ гаралга 8:20

Эзэн Моисейдэ айладаба: – Үглөөдэр үглөө эртэ бодожо, фараондо ошохо болобош. Гол руу ерэхэдэнь, иигэжэ хэлэхэш: «Эзэнэй айладхал иимэ: Намда үргэл хэхыень Минии арадые табииш!

Исай 55:2

Юуншье бэшэ юумэндэ мүнгэеэ юундэ үрихэбта? Садхаахагүй юумэндэ салингаа юундэ гаргахабта? Намайе һайса шагнагты, үгыем дуулагты. Тиигэбэл, эгээл эрхим эдеэ хоол барихат.

Ерэмияа 1:2

Аммооной хүбүүн Ёшияагай арбан гурбадахи жэлээ Иудын хаан түрые зонхилжо байхадань, Ерэмияада Эзэн айладхал буулгаһан гэхэ.

Ерэмияа 11:7

Египедэй орон нютагһаа гаргаһан тэрэ үдэрһөө хойшо мүнөө хүрэтэр Би таанадай үбгэ эсэгэнэрые Минии үгэ дуулаха тухайнь захиржа, һэргылжэ, оло дахин һануулаа һэм.

Ерэмияа 19:15

Израилиин Бурхан, Түмэн Сэрэгтэ Эзэн иигэжэ айладана: «Үзөөрэйгты, Минии үгэ дуулахагүй гэжэ үсэрхэһэнэйтнай түлөө Би тунхаглаһан бүхы гай тодхороо энэ хотодо болон оршон тойронхи һууринуудтань шэглүүлхэмни», – гээшые дуулгаа һэм.

Ерэмияа 22:21

Амжалтатай, дэбжэн байха үедэтнай Эзэнэй таанадта хандабашье, таанад үгыень дуулахаһаа арсаат. Бүхы наһаараа иигэжэ ябаат, үгыень дуулаагүйт.

Ерэмияа 25:4

Эзэнэй лүндэншэд болохо албатанаа таанад руу дахин дахин эльгээгээшье һаань, таанад шагнаагүй, анхаралаа хандуулаагүй бэлэйт.

Ерэмияа 26:5

Минии танда ходо эльгээжэ байһан албатан лүндэншэдэй үгэнүүдые дуулаха ёһотойт. Теэд таанад тэдэнэй үгэ дууланагүйт.

Ерэмияа 29:19

Минии тэдээндэ Өөрын зарасанараа – лүндэншэдээ хэдэн дахин эльгээжэ байбашье, тэдэ Минии үгэ дуулахаяа арсаа.

Ерэмияа 32:33

Тэдэ Намһаа буруу хараа. Һургаал заабари айладхаашье һаам, тэдэ шагнаха, һураха дурагүй һэн.

Ерэмияа 35:14

Рэхаабай хүбүүн Ёнадаабай үри һадаһад үбгэ эсэгынгээ үгэ дуулажа, үзэмэй дараһан архи уунагүй. Минии таанадта хэлэхэдэ, та бүгэдэн үгыем дууланагүйт.

Ерэмияа 35:15

Мүн Би таанадта албатан лүндэншэдээ хэдэн дахин эльгээгээб, танай муу замаа орхижо, зүбөөр ажаһуудаг болохо тухай тэдэ хэлээ. Таанадта болон үбгэ эсэгэнэртэтнай үгэһэн газар дайдадам та бүгэдын саг үргэлжэ ажаһуухын тула ондоо бурхадта мүргэхэгүй, зальбархагүй тухай тэдэ таанадта хэлэн һэргылээ. Теэд таанад үгыень дуулаагүйт, Намайе анхараагүйт.

Ерэмияа 36:1

Ёшияагай хүбүүн Ёякиимэй Иудын хан түрые дүрбэдэхи жэлээ зонхилжо байха үедэ Эзэн намда иигэжэ айладхаба:

Ерэмияа 36:2

– Хуйламал ном абажа, Израиль болон Иудын хан түрэ тухай, бүхы үндэһэ яһатан тухай Минии айладхалай үгэнүүдые тэндэ бэшэ. Ёшияагай хаан байхаһаа нааша мүнөө болотор Минии айладхаашые бэшэ.

Ерэмияа 44:4

Минии үзэн ядадаг иимэ жэгшүүритэй мухай юумэ хэхэһээ хоридог Өөрын албатан лүндэншэдые эльгээжэл таанадта байгааб.

Ерэмияа 7:13

Би таанадта оло дахин хэлээ һэм, теэд таанад дуулаагүйт, Би таанадые дуудаа һэм, теэд харюусаагүйт. Мүнөө хадаа эдэ бүхы үйлэ хэрэгүүдэйтнай түлөө

Ерэмияа 7:25

Таанадай үбгэ эсэгэнэрэй Египедэй орон нютагһаа гараһан тэрэ үдэрһөө хойшо мүнөө хүрэтэр Би таанадта бүхы зарасанараа – лүндэншэдөө дахин-дахин эльгээжэл байгааб.

Эзэкээл 33:4

Бүреэгэй абяа дуулаһаншье һаа, һэргылээгүй, өөрыгөө абархаяа оролдоогүй хэн нэгэн хосорһонойнгоо түлөө өөрөөл гэмтэй болохо.

Захарияа 1:4

«Нүгэлтэ харгыһаа, хилэнсэгтэ үйлэ хэрэгүүдһээ зайлагты», – гэжэ урданай лүндэншэд таанарай үбгэ эсэгэнэртэ хэлэдэг байгаашье һаань, тэдэ Намайе дуулаагүй, үгыем анхараагүй. Тиимэрхүү үбгэ эсэгэнэртээ адляар бү байгты гэжэ Түмэн Сэрэгтэ Эзэн айладажа байна.

Марк 1:35

Иисүүс хойто үглөөнь хара үүрээр бодоод, гэрһээн гаража нэгэ эзэгүй газарта ошоод, Бурханда зальбарба.

Иоанн 8:2

Эртэ үглөөгүүр Иисүүсэй дахин Һүмэ ерэхэдэ, бүхы зоной Тэрээндэ ерэхэдэнь, Иисүүс номнол айладхаба.

Иоанн 8:47

Бурханай мэдэлдэ байгша болбол Бурханай хэлэһэн үгэнүүдые дуулаха ёһотой. Таанар Намайе дууланагүйт, юундэб гэхэдэ, Бурханай мэдэлдэ бэшэ байнат.

Тимофейдэ 2-дохи 4:2

Бурханай үгэ номногты гэжэ захинаб. Хүнүүдэй дуулаха дуратай, дурагүйшье байбалнь, сухарингүй номнохо ёһотойш. Буруу хэһэн юумэнүүдыень заажа, нүгэлнүүдыень шүүмжэлэн элирүүлэ. Гэхэтэй сасуу тэрэ хүнүүдые урмашуулжа, тэсэбэритэйгээр һурга.