Ерэмияа 24:9 - Библи

⁹ Газар дэлхэйн бүхы хаан түрэнүүдэй һүрдэмөөр гай тодхор тэдээндэ тохохоб. Минии тэдэниие тарааһан бүхы газарнуудаар зон тэдэниие энеэдэ наада бариха, доромжолхо, шоодборилхо ба хараал шэрээл табиха.

Ерэмияа 24:9 Referencias Cruzadas

3 Хаан түрэнүүд 9:7

үгэһэн газар дайдаһаа Израилиин арад түмэниие хюдан һалгаахаб, Өөрын нэрэ алдарта шэлэжэ абаһан энэ Һүмые буруушаахаб, тиихэдэм Израиль дэлхэйн арадуудай наадан, шоо үзэлгэн болохо.

2 Угай бэшэг 7:20

үгэһэн газар дайдаһаа Израилиин арад түмэниие хюдан һалгаахаб, Өөрын нэрэ алдарта шэлэжэ абаһан энэ Һүмые буруушаахаб, дэлхэйн арадуудай наадан, шоо үзэлгэн болгохоб.

Исай 43:28

Тиимэ ушарһаа Би санаарта ударидагшадые нангин үүргэһээнь болюулааб, Яковые хосоролдо үгөөб, Израилиие доромжолгодо оруулбаб.

Исай 65:15

Минии һунгаһан зон танай нэрэ хараал мэтээр хэлэдэг болохо. Би, Эзэн Бурхан, таанадые хюдахаб. Харин Намда һүгэдэн мүргэдэг зондо шэнэ нэрэ үгэхэб.

Ерэмияа 15:4

Хэзэкияагай хүбүүн, Иудын хаан Мэнашшээ гэгшэһээ боложо, Иерусалимда үйлэдэһэн зүйлэйнь түлөө газар дэлхэйн бүхы улад зондо Би тэдэниие айдаһа хүрэмөөр жэшээ болгохоб.

Ерэмияа 19:8

Энэ хотые угаа ехээр һандаргаахаб. Хажуугаарнь гараһан хүн бүхэн сошохо, шархануудыень хаража, сэдьхэлээ доһолхо.

Ерэмияа 25:18

Иерусалимай, Иудын хан түрын бүхы хотонуудай зондо газарыень хооһон элһэн сүл губи, үзэмжэгүй муухай, зоной хараал болгохын тула хаашуул, ноёдтойнь хамта энэ аягаһаа уулгабаб. Газарынь тон тиимэ болоол даа.

Ерэмияа 26:6

Иигэжэ байгаа һаатнай, Би энэ Һүмэдэ Шилоодо хандаһандал адляар хандахаб, тиихэдэм дэлхэйн бүхы арадууд энэ хотын нэрые хараал мэтээр дурдан хэлэдэг болохо.

Ерэмияа 29:18

Би тэдээнһээ дайн дажар, үлэн хооһон байдал, тахал үбшэ таһалдуулангүй дахан байлгахаб. Дэлхэйн үндэһэ яһатан тэдэниие хаража, һүрдэхэ. Хаа-хаанагүй тэдэниие тараахаб, зон эдэ бүгэдые хараад, сошохо, айха. Үндэһэ яһатад тэдэниие наада хараха, хараал мэтээр нэрыень дурдадаг болохо.

Ерэмияа 29:22

Иигэжэ Вавилоон руу сүлэгдэһэн Иудын бүхы зон хараал табихаяа һанахадаа, «Вавилооной хаанай амидыгаар галда шатааһан Цэдэкиия болон Ахаабта адляар Эзэн таанадта хандаг лэ!» – гэдэг байха.

Ерэмияа 34:17

Мүнөө энэ Би, Эзэн, айладхал буулганаб. Таанад Минии үгэ дуулабагүйт, иудей зониие сүлөөдэ табибагүйт. Тиигээ хадатнай, дайн дажарта, үбшэ хабшанһаа болон үлэсхэлэн хооһон байдалһаа үхэхэ эрхэ сүлөө та бүгэдэндэ шэлэн абахыетнай дурадханаб. Айлган-һүрдөөн, дэлхэйн бүхы үндэһэ яһатанда Би таанадые үгэхэб.

Ерэмияа 42:18

Израилиин Түмэн Сэрэгтэ Эзэн Бурхан иигэжэ айладхана: «Иерусалимай улад зондо Минии уур хилэнгэй адхарһандал адляар таанад дээрэ, Египет ошоо һаатнай, тиимэ Минии уур сухал таанад дээрэ адхарха. Та бүгэдэ үзэмжэгүй муухай юумэн ябахат, зон таанадые наада барижа, нэрыетнай хараалай орондо хэлэдэг болохо. Таанад энэ орон нютагаа бэшэ харахагүйт».

Ерэмияа 44:12

Египедэй орон нютаг руу ошожо ажаһуухаяа һанааша Иудын хан түрын үлэһэн зон Египедэй газар дайдада хосорхо: бага, ехэшье зон дайн дажарта туража үхэхэ. Үзэмжэгүй муухай тэдэ болохо, зон тэдэниие баһаха, нэрыень хараал мэтээр дурдадаг болохо.

Ерэмияа 44:13

Египедтэ ажаһуугшадые Иерусалимые хэһээһэндэл, дайн дажараар, үлэсхэлэн хооһон байдалаар, үбшэ хабшанаар дайрахаб.

Ерэмияа 44:22

Тиимэһээл Эзэн танай жэгшүүритэй муухай хэрэгүүдые тэсэжэ ядаа, тиимэһээл газартнай зэлүүд хооһон, үзэмжэгүй муухай болоо. Таанад энээниие мүнөө өөһэдөө хаража байна ха юмта даа.

Эзэкээл 23:46

Мүнөө тэдээн руу олон зониие дуудажа, сохюулха, дээрмэшэлүүлхэб гэжэ Би, Эзэн Бурхан, айладханаб.

Эзэкээл 25:3

Минии нангин үргөөгэй һандаргагдаад, Израилиин диилдээд, Иудын арад түмэнэй баряанда туугдан ошоод байхада таанад хүхилдэжэ байгаа һэнта.

Эзэкээл 26:2

– Хүнэй үри Эзэкээл! Тиир хотын зон Иерусалимай гай тодхорто баярлан иигэжэ хэлсэнэ: «Ха-ха, Иерусалим һандаргагдаа! Олон уласуудай аралжаа наймаанай томо уулзуур газар һэн бэлэй, мүнөө тэрэ хооһороо, һуурииень бидэ эзэлхэбди».

Эзэкээл 5:8

Би, Эзэн Бурхан, таанадта иигэжэ дуулганаб: Би таанадай дайсан болооб. Үндэһэ яһатадай хараһаар байтар Би таанадые шүүбэрилэн хэһээхэб.

Хуули дабталга 28:25

Эзэн дайсадтатнай туһалжа, таанадые диилүүлхэ. Нэгэ харгыгаар тэдэнэй урдаһаа добтолһон аад, долоон аян замаар тэдэнһээ тэрьедэн ошохот. Тиигээд дэлхэйн гүрэн түрэнүүдээр зон таанадай гай тодхор хаража, шэшэрэн һалганан байхал.

Хуули дабталга 28:37

Эзэнэй эльгээһэн тэрэ арадуудта ши шоо үзүүлжэ, ябаган зугаадань орожо, наада бариха, баһаха зүйлынь болоод байхаш.