Ерэмияа 24:2 - Библи

² Нэгэ түрсүүг соонь эртэ эдеэшэһэн, угаа һайн инжир байба, нүгөө түрсүүгтэнь гутаһан, эдихын аргагүй муу инжир байгаа.

Ерэмияа 24:2 Referencias Cruzadas

Исай 5:4

Үшөө юу тэрээндэ хэхэ ёһотой байгаа гээшэбиб? Бүхы юумэ хээлби. Теэд юундэ Минии һайн үзэмэй жэмэс гараха гэжэ хүлеэжэ байхада, гашуун, муу үзэмэй жэмэс гарааб?

Исай 5:7

Израилиин арад – Түмэн Сэрэгтэ Эзэнэй үзэмэй жэмэсэй сэсэрлиг гээшэл; Иудын хан түрын улад зон – Тэрэнэй дуратай үзэмэй модоной эшэнүүд. Үнэн зүбөөр хэрэгүүд эрхилэгдэхэ гээд Тэрэнэй хүлеэһэниинь тэдэ алууршад болоо. Үнэн шударгые хүлеэһэниинь гомдол, оог бархираан гансал гарана.

Ерэмияа 29:17

Түмэн Сэрэгтэ Эзэн иигэжэ айладхана: – Үзэгты, Би тэдээндэ дайн дажар, үлэсхэлэн хооһон байдал болон тахал үбшэ асархаб. Илзарһан тула эдижэ болохогүй инжиртэй адли тэдэниие болгохоб.

Һошээ 9:10

Эзэн иигэжэ айладана: – Израилиие анха түрүүн Минии олоходо, тэрэ сүл губида үзэмэй модондол, инжирэй модондо түрүүшын жэмэс мэтэ байгаа бэлэйл. Теэд тэрэ Пэһоорой Баалда эрьен ошожо, жэгшүүритэй муухай онгонуудта дуратай боложо, мүргэжэ эхилээ, тиигээд тэдээндээ адли болоо.

Михей 7:1

Ямар гасалантай гээшэбиб даа! Жэмэс түүжэ, үзэм хуряажа байһанай удаа нэгэшье жэмэс оложо эдиһэйб гэжэ бэдэрһэн, харин юушье олоогүй хүндэл адлиб!

Наум 3:12

Эдеэшэһэн жэмэстэй инжир модондол адли бүхэлэлтэнүүдшни! Халта һэгсэрхэдэ, тэдэ залгихаар бэлэн хүнэй аман руу сэхэ унахал!

Тоололго 18:13

Ургаса таряагаа хуряахадаа, арад зон ургасынгаа дээжые Эзэндэ бэлэг болгон асарха. Эдэ бүхы эдеэ хоолой зүйлнүүдые Би шамда, шинии гэр бүлэдэ үгэнэб. Бузартаагүй һаа, нүгэл хээгүй һаа, Бурханда үргэһэн үргэл эдихэдэтнай болохо.

Матвей 5:13

Таанад газар дэлхэйн зоной дабһан хужарынь гээшэт. Хэрбээ дабһанай амтаяа гээгээ һаань, тэрэниие яажа дахин гашуун болгохоб? Амтагүй дабһан юундээшье хэрэггүй болоод, миил хаягдажа, хүнэй хүлдэ гэшхүүлхэ зэргэтэйл.