Ерэмияа 24:10 - Библи

¹⁰ Би тэдэндэ болон үбгэ эсэгэнэртэнь үгэһэн газар нютагһаа тэдэниие үгы болготороо тэдээндэ дайн дажар, үлэсхэлэн байдал, үбшэ хабша эльгээжэл байхаб, – гэжэ айладхаба.

Ерэмияа 24:10 Referencias Cruzadas

3 Хаан түрэнүүд 14:15

Уһанда найгажа байһан зэгсэ мэтээр Эзэн Израилиие сохихо, үбгэ эсэгэнэртэнь үгөөшэ энэ һайн газарһаа израильшуудые гаргаха, Евфрат мүрэнһөө сааша тэдэниие хаяха. Ушарынь гэбэл, тэдэ Ашэраа бурханай хүрэгүүдые бүтээжэ, Эзэнэй уур хүргөө.

Исай 51:19

Дабхар гай тодхор шамайе дайраа! Хэн шамайе хайрлахаб?! Дээрмэдэлгэ ба хюдалга, үлэсхэлэн байдал ба һэлмээр усадхалга! Шамайе һаатуулха хэншье үгы!

Ерэмияа 14:12

Тэдэнэй масаг баряашье хадань, Би уйлаха-бархирхыень дуулахагүйб. Түгэс шатаалта болон таряан үргэлнүүдые тэдэнэй үргөөшье хадань, Би тэдээндэ талархалтай болохогүйб. Харин дайн дажарта, үлэсхэлэн хооһон байдалда болон тахал үбшэндэ тэдэниие хюдан һалгаахаб!

Ерэмияа 15:2

Тэдэнэй шамһаа: «Бидэ хайшаа ябаха болонобибди?» – гэжэ асуухадань, Минии иигэжэ айладхажа байһые тэдээндэ дуулга: Үхэхэнь үхэл тээшээ – дайн дажарта үхэхэнь дайн дажар руу, туража үхэхэнь үлэсхэлэн хооһон руу, баряанда абтахань баряан руу ябаг!

Ерэмияа 16:4

Тэдэ угаа зобожо үхэхэ. Тэдэнэй хойноһоо хэншье уйдан гашуудахагүй, хэншье хүдөөлүүлхэгүй. Тэдэ газарай хүрьһэн дээрэ шэбхэ мэтэ хэбтэхэ, дайн дажарта алуулха, туража үхэхэ. Һэе хүүрнүүдынь шубуу шонхорой болон ан арьяатанай хүнэһэн болохо.

Ерэмияа 19:7

Иудын хан түрын болон Иерусалимай улад зоной бүхы түсэбүүдые энэ газар дээрэ һандаргаажа, дайсадтань тэдэниие диилүүлхэб, байлдаануудта алуулхаб. Тэдэнэй хүүрнүүдые тэнгэриин шубуу шонхорто болон зэрлиг амитадта хүнэһэн болгон үгэхэб.

Ерэмияа 21:9

Энэ хотодо үлэһэн зон дайн дажарта алуулха, үгышье һаа, туража гү, али үбшэлжэ үхэхэ. Харин хотые бүһэлжэ байгаа Вавилооной сэрэгэй урдаһаа гаража, бэеэ тушааһан зон алуулхагүй, тэдэ ами наһаяа абарха.

Ерэмияа 27:8

Харин Вавилооной хаан Навуходоносорто алба хэдэггүй, мэдэл доронь ородоггүй үндэһэ яһатан гү, али хаан түрэ олдоо һаань, Би тиимэ үндэһэ яһатаниие Навуходоносорой гараар усадхатараа дайн дажараар, үлэсхэлэн хооһон байдалаар болон тахал үбшөөр зобоон-хэһээн байхаб.

Ерэмияа 29:17

Түмэн Сэрэгтэ Эзэн иигэжэ айладхана: – Үзэгты, Би тэдээндэ дайн дажар, үлэсхэлэн хооһон байдал болон тахал үбшэ асархаб. Илзарһан тула эдижэ болохогүй инжиртэй адли тэдэниие болгохоб.

Ерэмияа 29:18

Би тэдээнһээ дайн дажар, үлэн хооһон байдал, тахал үбшэ таһалдуулангүй дахан байлгахаб. Дэлхэйн үндэһэ яһатан тэдэниие хаража, һүрдэхэ. Хаа-хаанагүй тэдэниие тараахаб, зон эдэ бүгэдые хараад, сошохо, айха. Үндэһэ яһатад тэдэниие наада хараха, хараал мэтээр нэрыень дурдадаг болохо.

Ерэмияа 32:24

Вавилооной сэрэг хотые бүһэлхэ далангуудые барина, хото дайсадай һабарта орохонь. Танай айладхал бэелүүлэгдээ, Та энээниие харанат.

Ерэмияа 32:25

Вавилооной сэрэгэй һабарта хотын орожо байгаашье хадань, Та, Дээдэ Эзэн, гэршэнэрэй баталһаар байтар газар худалдан абахые намда захираат.

Ерэмияа 34:17

Мүнөө энэ Би, Эзэн, айладхал буулганаб. Таанад Минии үгэ дуулабагүйт, иудей зониие сүлөөдэ табибагүйт. Тиигээ хадатнай, дайн дажарта, үбшэ хабшанһаа болон үлэсхэлэн хооһон байдалһаа үхэхэ эрхэ сүлөө та бүгэдэндэ шэлэн абахыетнай дурадханаб. Айлган-һүрдөөн, дэлхэйн бүхы үндэһэ яһатанда Би таанадые үгэхэб.

Ерэмияа 42:17

Египет руу ошожо байха һанаатай зон бултадаа дайн дажарта гү, али туража, үгышье һаа, үбдэжэ үхэхэ, нэгэшье хүн амиды мэндэ үлэхэгүй, хэншье Минии татахаяа байгааша гай тодхорһоо зайлахагүй».

Ерэмияа 42:22

Тиимэл хадаа мэдэжэ байгты: ошохоёо һанаһан газартаа дайн дажарһаа, туража, үбшэлжэ таанад үхэхэт.

Ерэмияа 5:12

Израилиин болон Иудын зон Эзэниие буруушаажа, иигэжэ хэлээ: «Тэрэ үгы! Гай гасалан бидэнтэй ушархагүй, дайн дажар, үлэсхэлэн хооһон байдал үзэхэгүйбди».

Ерэмияа 9:15

Тиимэһээ Минии, Түмэн Сэрэгтэ Эзэнэй, Израилиин Бурханай, иимэ арадтай юу хэхые шагнагты: хараарайгты, хорлохын тула тэдэниие үрмэдэһөөр хооллулхаб, һүлһэтэй уһаар ундалуулхаб.

Ерэмияа 9:16

Би тэдэниие өөһэдыньшье, үбгэ эсэгэнэрэйньшье мэдээгүй үндэһэ яһатанай дунда тараахаб. Тэдэниие дууһан хюдатараа хойноһоонь сэрэг ябуулжал байхаб.

Эзэкээл 33:27

Би, Эзэн Бурхан, Өөрөөрөө тангаригланаб: һандарһан хотонуудаар ажаһуугша таанад дайн дажарта алуулхат, хүдөө талаар ажаһуугшадтнай ан арьяатанай хүнэһэн болохо, агы нүхэндэ, хабсагай хадаар амидарагшадтнай тахал үбшэнһөө үхэхэ.

Эзэкээл 6:11

Эзэн Бурхан иигэжэ айладхажа байна: – Альгаа таша! Хүлөөрөө дэбһэ! Израилиин улад зоной хэһэн булай муухай хэрэгүүдһээ боложо гай тодхор тохёолдоол гэжэ уйлан хашхаран байгыт! Эдэ зон дайн дажарта, үлэсхэлэн хооһон байдалһаа, тахал үбшэнһөө үхэхэл.

Эзэкээл 7:15

Байлдаан тулалдаан үйлсэ, талмайнуудаар дэлгэрхэ, үбшэ хабшан, үлэсхэлэн хооһон байдал гэр байранууд соо үзэгдэхэ. Хүдөө нютагуудаар байгааша хүн тулалдаанда алдалан унаха, хото соо байгаашад туража, үбшэлжэ үхэхэ.

Хуули дабталга 28:21

Эзэмдэхэеэ ошожо байһан газарайтнай хүрьһэнһөө таанадые үгы болготороо Эзэн таанадта тарбаган тахал үбшэ халдаажал байха.

Гэршэлгэ 6:8

Харан гэхэдэмни, сунхигар сагаабтар морин байба. Дээрэнь Үхэл һууба, тэрэниие дахаад, Үхэлэй орон ябаба. Газар дэлхэйдэ һуугаашадай дүрбэнэй нэгэ хубиие һэлмэ жадаар, үлэсхэлэн хооһон байдалаар, үбшэн тахалаар, ан арьяатанаар алуулха хюдуулха эрхэ засаг Үхэлдэ, Үхэлэй орондо олгогдобо.