Ерэмияа 23:19 - Библи

¹⁹ Үзөөрэйгты, Эзэнэй уур хилэнтэй шуурган эбхэрэн дүтэлжэ байна. Тэрэ хорон муу зоной толгой дээрэ эрьелдэн бууха.

Ерэмияа 23:19 Referencias Cruzadas

Псалманууд 58:9

Харин Та, Эзэн, тэдэниие наада барижа энеэхэт. Бүхы үндэһэтэдые шоо наадан болгохот.

Һургаал 1:27

Таанар руу аймшаг зоболон аадар шэнги адхарха, гай тодхор шуурган мэтэ сохижо бууха. Үзэгдөөгүй гашуудал, ядарал тархи дээрэтнай бууха.

Һургаал 10:25

Хуй һалхинай үнгэрхэдэ муу хүн алга болодог, харин үнэн шударга хүндэ мүнхын һуури байдаг.

Исай 21:1

Далайн эрьедэхи элһэн сүл губи тухай зүн. Урда зүгэй газараар бурьялагша хуй һалхин мэтэ дайсан элһэн сүл губиһаа, аймшагтай газарһаа ерэжэ байна.

Исай 40:24

Һая таригдаһан, мэнэ һая газарта үндэһэлһэн ургамалдал адли тэдэ удамаршад. Эзэнэй тэдээн руу һалхи эльгээхэдэ, хатажа, һолоомо мэтээр һалхинда тэдэ хиидэнэ.

Ерэмияа 25:31

Дэлхэйн заха хүрэтэр абяаниинь сууряатаха. Эзэн үндэһэтэдэй урдаһаа тулгаха, бүхы зониие шүүбэрилхэ, хорото муу зониие дайнда һалгааха. Энээниие Эзэн айладхаа!

Ерэмияа 25:32

Израилиин Бурхан, Түмэн Сэрэгтэ Эзэн иигэжэ айладана: Гай тодхор нэгэ үндэһэ яһатанһаа нүгөөдэ үндэһэ яһатан хүрэтэр дамжан ябана, газар дэлхэйн аласһаа агууехэ шуурган хүдэлжэ эхилээ.

Ерэмияа 30:23

Үзөөрэйгты, Эзэнэй уур хилэн – шуурган, аймшагтай бордоһон! Тэрэ муу зоной толгой дээрэ бууха.

Ерэмияа 30:24

Тэрэнэй һанаһанаа бэелүүлээгүйдэ уур хилэнгынь буурахагүй. Ерээдүй сагта зон эдэ бүгэдые ойлгохо.

Ерэмияа 4:11

Элһэн сүл губиин нюсэгэн добо толгойһоо бүгшэм халуун һалхин һалхилжа эхилээ гэжэ Иерусалимай улад зондо хэлэхэ саг тиихэдэ ерэхэ. Энэ хадаа орооһо хальһанһаань сэбэрлэн һэбшээлдэг һулахан һалхин бэшэ,

Ерэмияа 51:1

Эзэн иигэжэ айладхана: – Вавилоон руу болон ажаһуугшад руунь Би һандарал асардаг һалхи эльгээхэб.

Эзэкээл 1:4

Минии харахада, хойто зүгһөө һалхи шуурган ерэжэ ябана, сахилгаан мэтэ хурса гэрэл асари томо үүлэнһээ ялбажа, тойроод туяа гэрэл сасаран байгаа бэлэй. Гал соо улайжа байгша түмэр мэтэ гэрэл сахилгаан дотор үзэгдөө һэн.

Эзэкээл 13:13

Тиимэһээ Эзэн Бурхан иигэжэ тунхаглана: – Уур сухал дундаа Би шанга һалхи, аадар бороо, мүндэр эльгэжэ, хана унагаахаб.

Амоос 1:14

Раббаагай ханада гал табихаб! Байлдаата үдэр хашхараан дундуур, шуургата үдэр һалхин дундуур хэрэмүүдынь галда дүрэхэ!

Захарияа 7:14

Тэдэниие һалхи шуургантай хамта хари зоной дунда тараан сасаахаб, харин өөһэдэйнь газар нютаг эзэгүй болон хооһоржо, хойшо урагшаа нэгэшье хүн ябахагүй. Тэдэ өөһэдөө һайхан орон нютагаа хооһон губи болгобо», – гэжэ Түмэн Сэрэгтэ Эзэн айладхаа.

Захарияа 9:14

Эзэн тэдэнэй дээрэ үзэгдэн, Тэрэнэй сахилгаан һомон шэнги харбаха. Эзэн бүреэгээ үлеэжэ, хүсэтэ шуурган шэнги дабшаха.