Ерэмияа 23:14 - Библи

¹⁴ Харин Иерусалимай худал лүндэншэд бүри муухай юумэ үйлэдэнэ: тэдэ һальхай забхай ябадалтай, худалаар хэлэнэ, муу юумэ хэгшэдые дэмжэнэ. Тиимэһээнь хэншье муу хэрэгээ орхиногүй. Тэдэ бүгэдэ Намда жэгшүүритэй, Содом болон Гоморрын зон шэнги.

Ерэмияа 23:14 Referencias Cruzadas

Эхин 13:13

Содомой улад муу аяг зантай зон байгаа, Эзэниие оройдоошье ойндоо оруулдаггүй, хүндэлдэггүй һэн.

Эхин 18:20

Тиигээд Эзэн иигэжэ айладхаба: – Содом болон Гоморро хотонуудай зоной муухай үйлэ хэрэгүүд хэмһээ хэтэрээ: нүгэл шэбэлынь тэсэшэгүй хүндэ болобо.

Эхин 19:24

Гэнтэ Эзэн бусалжа байһан хүхэр огторгойн орьёлһоо аадар мэтэ Содом ба Гоморро хотонууд руу адхажа,

Эхин 19:25

тэдэ хоёр хотые, оршон тойронхи газар, ажаһуугша хүн зониие, хамаг ургасые үгы хэбэ.

Исай 9:15

Толгойнь хадаа үндэр наһатайшуул ба ноёдынь, һүүлынь хадаа худал хуурмаг лүндэншэд болоно.

Ерэмияа 14:14

Эзэн намда: – Лүндэншэд Минии нэрэһээ хуурмаг абарал буулгажа байна. Би тэдэниие эльгээгээгүй, тэдээндэ захираагүй, тэдээндэ айладхаашьегүй бэлэйб. Тэдэ худал хуурмаг үзэгдэл, хубхай хооһон үзэл үзэлгэ, миин өөһэдын һанаашые таанадта дуулгана гээшэ.

Ерэмияа 18:13

Эзэн иигэжэ айладхана: Иимэ юумэн урдань болодог байгаа юм аал гэжэ үндэһэн арад бүхэнһөө асуугты. Израилиин улад зон угаа жэгшүүритэй зүйл үйлэдэнэ.

Ерэмияа 20:16

Тэрэ хүн Эзэнэй хайра гамгүй һандаргааһан хотонуудтал адли байг лэ! Тэрэ үглөөгүүр ёолоо, үдын тэндэ – байлдаанай абяа дуулаг лэ!

Ерэмияа 23:17

Минии үгэ дуулахаһаа арсадаг зондо тэдэ «Амар амгалан байхат» гэжэ хэдэн дахин хэлэжэл байна. Үсэд, һанаашаараа юумэ хэдэг зондо «гай тодхор таанадтай тохёолдохогүй» гээд хэлэнэ.

Ерэмияа 23:22

Хэрбээ тэдэ Минии нюуса бодолнуудые мэдэһэн һаа, арад түмэндэмни Минии үгэ тунхаглажа, нүгэлтэй муу байдалһаань болон муу хэрэгүүдһээнь холодуулха һэн.

Ерэмияа 23:32

Минии, Эзэнэй, айладхал шагнагты! Худал зүүдэнүүдээ хөөрэжэ, тэдэ худал хуурмагаараа болон һайрхуу үгэнүүдээрээ арад зонойм толгой эрьюулнэ. Би тэдэниие эльгээгээгүйб, ямаршье захиралта үгөөгүйб. Тэдэ улад зондо ямаршье туһагүй. Энэ болбол Би, Эзэн, айладхана мүн!

Ерэмияа 29:21

Минии нэрэ хэрэглэн, таанадта худал юумэ соносходог Холайяагай хүбүүн Ахааб болон Маашэяагай хүбүүн Цэдэкиия гэгшэдые Вавилооной хаан Навуходоносорой мэдэлдэ үгэхэб, тиихэдэм тэрэ тэдэниие хараһаар байтартнай алаха. Энэ болбол Би, Түмэн Сэрэгтэ Эзэн, Израилиин Бурхан, айладхана мүн!

Ерэмияа 29:23

Жэгшүүрилтэй муухай юумэ тэдэ Израиль соо хээ: хадамтай эхэнэрнүүдтэй забхайралдаа, Эзэнэй нэрэһээ худал юумэ тунхаглаа. Харин Эзэн иимэ юумэ хэлэхыень тэдээндэ захираагүй бэлэй. Тэдэнэй хэһэн юумые Эзэн мэдэнэ, Тэрэ – урдаһаань тулаха гэршэ.

Ерэмияа 36:2

– Хуйламал ном абажа, Израиль болон Иудын хан түрэ тухай, бүхы үндэһэ яһатан тухай Минии айладхалай үгэнүүдые тэндэ бэшэ. Ёшияагай хаан байхаһаа нааша мүнөө болотор Минии айладхаашые бэшэ.

Ерэмияа 49:18

Содом, Гоморро болон хажуудахи хотонуудайнь һандаргаһандал адляар Эдоомшье һандаргагдаха. Хэншье тэндэ хэзээдэшье ажаһуухагүй. Энэ болбол Би, Эзэн, айладхана мүн!

Гашуудал 4:6

Минии арад түмэн! Шинии хэһээлтэ Содомой хэһээлтэһээ хүндэ. Содом агшам зуура саг соо хүмэреэ бэлэй, хүнэй гарһаа бэшэ.

Эзэкээл 13:16

Тэдэ Израилиин худал лүндэншэд Иерусалимда бүхы юумэн һайн гэжэ худал лүндэн табижа, худал үзэгдэлнүүдые тунхаглажа байгаа. Теэд һайн юумэн оройдоошье үгы ха юм! Энэ болбол Би, Эзэн Бурхан, айладхана мүн!

Эзэкээл 13:19

Адха таряанай, зүһэм хилээмэнэй түлөө таанад Намайе арад зоноймни урда бузарланат. Амиды мэндэ үлэхэ зониие аланат, үхэхэ зониие амиды байлганат. Арад түмэндэм худал юумэ дуулганат.

Эзэкээл 22:25

Олзоёо зулгаажа, архиржа байһан арсаланда адлил удамаршадынь! Тэдэ зониие алана, үнэтэ сэнтэй юумэ бултыень өөрын болгоно, эрэшүүлые алажа, бэлбэһэн эхэнэрнүүдэй тоо олошоруулна.

Һошээ 6:10

Би Израиль соо жэгтэй муухай юумэ харанаб: арад зомни онгонуудта мүргэжэ байнал!

Амоос 4:11

Содом болон Гоморрые һандаргааһандаа адляар Би таанад руу тон тиимэ һандарал эльгээгээб. Таанар гал дүлэнһөө шүүрэн абагданхай сусал мэтэ байгаат. Теэд таанар Нам руу эрьеэгүйт. Энэ болбол Би, Эзэн, тунхаглана мүн!

Михей 1:5

Энэ бүгэдэ Яковай үринэрэй үгэ дууладаггүй, Израилиин зоной нүгэлтэй байһанһаа болохонь. Яковай үринэрэй үгэ дууладаггүйнь хэнһээ гараа болоно бэ? Самариһаал юм бэшэ гү?! Иудын газар дайдада обоонуудаар тахил үргэдэгынь хэнһээ үүсхэлэн гарааб? Иерусалимһаал ха юм!

Михей 3:11

Бэлэг абажа, удамаршадынь сүүд үйлэдэнэ, түлбэри абажа, санаартадынь һургаал заана, мүнгэ абажа, лүндэншэдынь лүндэн табина. Тэдэ бүгэдэ «Эзэн бидэнтэй хамта! Гай тодхор бидэнтэй болохогүй!» гэлдэн, Эзэндэ түшэглэнэ.

Цэпаанияа 3:4

Лүндэншэдынь бодолгүй, урбагша зон; санаартадынь арюун нангин зүйл бузарлагша, һургаал хуули дэбһэгшэд.

Захарияа 13:2

Түмэн Сэрэгтэ Эзэн иигэжэ айладхана: – Тэрэ үдэр Би онгон шүтөөнүүдые үгы хэхэб. Тэдэ саашадаа дурсагдахагүй. Худал үзэл тунхагладаг лүндэншэдые болон бузар һүнэһэ газарай нюрууһаа зайлуулхаб.

Малаахи 1:1

Эзэн лүндэншэ Малаахида дамжуулан, Израилиин арад түмэндэ хандаа бэлэй. Тэрэ хандалгань энэ.

Матвей 11:24

Зарга шүүбэриин Үдэрэй болоходо, Бурхан Содом хотынхидто таанадта орходоо үлүү үршөөл хайратайгаар хандаха гэжэ танда баталан хэлэнэб.

Хуули дабталга 32:32

Дайсад Содом болон Гоморродол адли забхай, һальхай, хорото гашуун жэмэстэй уһан үзэмэй эшэ мэтэл.

Тимофейдэ 1-дэхи 4:2

Тэрэ хуурмаг һургаал халуун түмэртэ хайруулжа, һэшхэлээ алдаһан билдагууша худалшадай оролдолгоор тараха.

Пётрой 2-дохи хандалга 2:6

Дорой ябадалтай зониие һэргылэн, Бурхан Содом ба Гоморро хотынхидые гэмнээд, үнэһэ болгон усадхаа.

Иудын хандалга 1:7

Тэдээндэл адли зальхай ябадалтай Содом, Гоморро хотынхидой, хажуудахи хотонуудайнь зоной залиршагүй хэтын галда шатан, аймшагтай саазада хүртэһэн тухай һанагты. Таанадай эдэ бүхэниие мэдэжэ байһаншье һаа, би һануулжа хэлээб.

Гэршэлгэ 11:8

Тэдэнэй үхэһэн бэень Содом гү, али Египедтэл адли муу суутай хотонуудай нэгэ тон ехэ хотын гудамжада хэбтэхэ. Тэрэ хотодо мүн тэдэнэй Эзэн хэрээһэндэ хадагдажа саазалуулаа.

Гэршэлгэ 19:20

Арьяатаниие шүүрэн бариба, тэрээнэй урда элдэб дүлгэ тэмдэг харуулжа, арьяатанай тамга табяад, тэрэнэй хүрэг дүрсэдэ һүгэдэн мүргүүлжэ байһан хуурмаг лүндэншые арьяатантай хамта шүүрэн бариба. Тэдэ хоёрые хоюулыень дүрэжэ байһан хүхэртэй нуур худар амидыгаар шэдэбэ.

Гэршэлгэ 21:8

Аймхай дүүлэгэрнүүд, Иисүүстэ һүзэглэдэггүй хүнүүд, бузар муухай нүгэл хэгшэд, алууршад дээрмэшэд, зальхай ябадалтан, эльбэ хэгшэд, онгондо шүтэгшэд, элдэб худалшад гал, хүхэрөөр дүлэтэн носогшо нуур руу хаюулха. Энэнь хоёрдохи үхэлгэ мүн.

Гэршэлгэ 22:15

Теэд нохосууд, эди шэдитэн, зальхай забхай ябадалтан, алуурша этэгээдүүд, онгонуудта шүтэгшэд, худал хуурмаг ябадалда дуратайшуул, тиимэ юумэ хэгшэд – хотын гадаа тээ үлэхэ.