Ерэмияа 23:13 - Библи

¹³ Энээнһээ гадна, Самариин худал хуурмаг лүндэншэдэй галзуутан, нүгэл хэхые хараа һэм. Тэдэ Баалай нэрэһээ абарал буулгажа байгаа. Тиигээд Минии арад түмэн болохо Израилиие зүб харгыһаань хадууруулаа.

Ерэмияа 23:13 Referencias Cruzadas

3 Хаан түрэнүүд 18:40

Элияа тэдээндэ захирба: – Баалай лүндэншэдые баригты! Хэншье тэрьедэхэ ёһогүй! Тэдэниие барихадань, Элияа Кишоон горхоной хажууда абаашаад, тэдэниие алаба.

2 Угай бэшэг 33:9

Мэнашшээ Иудын болон Иерусалимай улад зониие харгы замһаань хадууруулжа, тэдэнэр израильшуудта газарыень үгэхэ гэжэ Эзэнэй хюдаһан арадуудһаа бүри дороор харатай хэрэгүүдые үйлэдэдэг болоо.

Исай 9:16

Удамаршадынь зоноо төөрюулхэ, гээгдэхүүлхэ.

Ерэмияа 2:8

Санаартан «Эзэн хаана байнаб?» гэжэ һурагшалаагүй, Хуули заадаг багшанар Намайе мэдэхэгүй байба. Ударидагшад Минии урдаһаа эсэргүүсэжэ, Лүндэншэд Баалай нэрэһээ айладхал буулгажа, ямаршье туһагүй шүтөөнүүдтэ мүргэн ябаа.

Ерэмияа 23:32

Минии, Эзэнэй, айладхал шагнагты! Худал зүүдэнүүдээ хөөрэжэ, тэдэ худал хуурмагаараа болон һайрхуу үгэнүүдээрээ арад зонойм толгой эрьюулнэ. Би тэдэниие эльгээгээгүйб, ямаршье захиралта үгөөгүйб. Тэдэ улад зондо ямаршье туһагүй. Энэ болбол Би, Эзэн, айладхана мүн!

Ерэмияа 36:2

– Хуйламал ном абажа, Израиль болон Иудын хан түрэ тухай, бүхы үндэһэ яһатан тухай Минии айладхалай үгэнүүдые тэндэ бэшэ. Ёшияагай хаан байхаһаа нааша мүнөө болотор Минии айладхаашые бэшэ.

Һошээ 4:11

Арад түмэн ондоо бурхадта зальбарна, ухааень манаруулха шэнэ аргануудые бэдэрнэ.

Һошээ 4:12

Минии арад түмэн модон онгонһоо зүбшэл заабари асуужа байна! Тэдэ Намһаа буруу хаража, ондоо бурхадта мүргэжэ, янхан эхэнэртэл адли, забхай зальхай хэрэгүүдые эрхилнэ.

Михей 1:5

Энэ бүгэдэ Яковай үринэрэй үгэ дууладаггүй, Израилиин зоной нүгэлтэй байһанһаа болохонь. Яковай үринэрэй үгэ дууладаггүйнь хэнһээ гараа болоно бэ? Самариһаал юм бэшэ гү?! Иудын газар дайдада обоонуудаар тахил үргэдэгынь хэнһээ үүсхэлэн гарааб? Иерусалимһаал ха юм!