Ерэмияа 23:11 - Библи

¹¹ Эзэн айладхана: Худал хуурмаг лүндэншэд, санаартад һүзэггүй. Өөрын үргөөдэшье Би тэдэнэй хорон муу үйлэ хэрэгүүдые харааб.

Ерэмияа 23:11 Referencias Cruzadas

2 Угай бэшэг 33:5

Мэнашшээ Эзэнэй һүмын хоёр хашаа соо тэнгэриин наран, һара болон одо мүшэдтэ үргэл хэхэ үргэлэй шэрээнүүдые барюулба.

2 Угай бэшэг 33:7

«Минии захин заабарилһан, Моисейн дамжуулһан бүхы хуули ёһо, гурим, тогтоолнуудые тэдэнэй сахижа байбал, үбгэ эсэгэнэртэнь үгэһэн энэ орон нютагһаа холуур хариин газарта зайгуултажа байхыень израильшуудые дахин хэзээдэшье баалан хашахагүйб. Израилиин уг изагуурай эзэмшэдэг бүхы хото тосхонуудай дундаһаа шэлэн абаһан энэ Иерусалим хотодо, энэ Һүмэ соо Минии нэрэ алдар хэтэ мүнхэдөө алдаршан байха» гэжэ Эзэнэй Давидта, Соломоон хүбүүндэнь айладхаһан Бурханай һүмэ соо Мэнашшээ һиилэмэл хэмэл дүрсэ табиба.

2 Угай бэшэг 36:14

Иудын удамаршад, санаартад, улад зон тойрон ажаһуугша ондоо арадуудай жэгшүүритэй муухай жэшээ даган, нүгэлөө олошоруулба, Иерусалимда Эзэнэй Өөрөө арюудхаһан Һүмые бузарлаба.

Эзраа 10:18

Буса түрэлтэдэй басагаар һамга хэһэн хүбүүд санаартадайшье дунда олдоо – Ёцадаагай хүбүүн Иисүүсэй болон аха дүүнэрэйнь хүбүүд: Маашэяа, Элиээзэр, Ярииб, Гэдаалияа.

Ерэмияа 11:15

Минии дуратай амараг, муу юумэ хэдэг аад, Минии үргөөдэ байха ямар эрхэтэйбши? Үргэлэй мяха шамһаа яажа би абахабиб? Муу муухайе хэхэдээ, ши баярладаг ха юмши.

Ерэмияа 23:15

Тиимэһээ Би, Түмэн Сэрэгтэ Эзэн, Иерусалимай худал лүндэншэдтэ хоротой эдеэ эдюулхэб, хоротой уһа уулгахаб. Юуб гэбэл, тэдэ бүхы газар нютагаар Бурханда һүзэггүй байлгые дэлгэрүүлээ.

Ерэмияа 32:34

Намда мүргэдэг байхаар баригдаһан Һүмэ соо тэдэ жэгшүүритэй муухай шүтөөнүүдөө хэжэ, бузарлаа.

Ерэмияа 5:31

лүндэншэд хуурмаг абарал буулгана, тэдэнэй туһаар санаартад улад зониие ударидана. Минии арад түмэн энээндэ угаа дуратай байха юм! Харин энээнэй дүүрэжэ, хэһээлтын сагай ерэхэдэ, тэдэ яаха болоноб?

Ерэмияа 50:6

Минии арад түмэн төөриһэн хонид мэтэ, нэгэ гүбээһээ нүгөө гүбээ хүрэтэр тэнэн-төөрин ябаа, гэрээшье мартаа, хонишодынь тэдэниие төөрюулээ.

Ерэмияа 6:13

Ушарынь гэхэдэ, хүн бүхэн, бага, ехэ хамаагүй, гансал ашаг олзодо шунанхай. Лүндэншэһөө эхилээд, санаартан хүрэтэр бултадаа зониие мэхэлнэ.

Ерэмияа 7:30

Иудын улад зон Минии хараһаар байтар муу муухай юумэ үйлэдөө. Минии нэрээр нэрлэгдэдэг үргөө соо тэдэ өөһэдынгөө шүтөөнүүдые табиба. Тиигээд тэрэ үргөө бузарлагдаа.

Ерэмияа 8:10

Тиимэһээ Би һамгадыень бусад зондо, тэдэнэй таряалангуудые шэнэ эзэдтэ үгэхэб. Юуб гэбэл, тэдэ бултадаа, бага, ехэгүй, ашаг олзо олохо гэжэ шунанхай. Лүндэншэнһөө эхилээд, санаартан хүрэтэр зониие мэхэлнэ.

Гашуудал 2:20

Эзэн, нам руу хараагаа шэглүүлыт, харыт! Бэшэ хэндэ иимэ хэрзэгыгээр хандаа бэлэйт?! Эхэнүүд тэжээһэн хүүгэдээ эдижэ байна! Танай нангин үргөө соо санаартад, лүндэншэд алуулна!

Эзэкээл 23:39

Онгонуудтаа үргэл болгон үхи хүүгэдээ алаһанайнгаа һүүлээр тэрэл үдэртөө Минии нангин үргөө руу ерэжэ, тэдэ бузарлаа. Иигэжэ тэдэ Минии нангин гэртэ хандаа болоно.

Эзэкээл 44:10

Левит зарим зон Намһаа буруу хаража, онгонуудта мүргэжэ байгааша Израилиин зарим зонтой хамтаран мүргэдэг байгаа. Тэдэ левидүүд хэһээгдэхэ!

Эзэкээл 7:20

Тэдэ алта, мүнгөөрөө ехэ омогорходог, бардамладаг бэлэй. Жэгшүүрилтэ онгонуудые тэрээгээр бүтээгээ. Тиимэһээ Эзэн баялигыень өөһэдтэнь таарамжагүй жэгшүүрилтэ муухай болгобо.

Эзэкээл 8:11

Израилиин далан удамаршад, Шапаанай Яазаанияа хүбүүнтэй хамта, тэдэнэй урда зогсожо байна, хүн бүхэнэй гарта бойпуур, уталгын утаан анхилан дээшээ бааяжа байба.

Эзэкээл 8:16

Тиигээд Тэрэ намайе нангин үргөөгэй дотоодо хашаа руу оруулба. Тэндэ үүдэнэй болон үргэлэй шэрээгэй хоорондо нюргаараа Эзэнэй нангин руу, нюураараа зүүн зүг руу зогсон, мандажа байгаа наран руу мүргэжэ байгааша хорин табан хүн харагдаба.

Цэпаанияа 3:3

Түшэмэлнүүдынь архирагша арсалангуудтал, шүүгшэдынь шонодол адли: үдэшэлэн тэдэ добтолбол, үглөө болотор нэгэшье яһа үлөөдэггүй хомхойнууд юм.

Цэпаанияа 3:4

Лүндэншэдынь бодолгүй, урбагша зон; санаартадынь арюун нангин зүйл бузарлагша, һургаал хуули дэбһэгшэд.