Ерэмияа 22:6 - Библи

⁶ Иудын хаанай ордон хадаа Намда Галаадай газартал, Ливаанай орьёлдол гоё һайхан юм. Теэд Би тэрэниие хооһон, ханха зайдан, хэнэйшье ажаһуухагүй газар болгохоб.

Ерэмияа 22:6 Referencias Cruzadas

Эхин 37:25

Тиигээд Рэүбээнэй үгы байха үедэ Яковай бусад хүбүүд эдеэ хоол барихаяа һуун байтараа холоһоо ерэжэ ябаһан тэмээн хамбы хараба. Энэ хадаа ишмаһээл обогой наймаашад Галаад хотоһоо Египет руу анхилма һайхан үнэртэй гүгэл болон бусад угаа үнэтэй ашаа аралжаа наймаа эрхилхэеэ абаашажа ябаба.

Дуунай дуун 4:1

Инагни, ши үзэсхэлэн гоёш! Яахын арагагүй уран гоёш! Гивлүүрэй саана хоёр нюдэдшни сагаан тагтаа мэтэ энхэрэн нюугданхай. Хөөбэр үһэнэйш намилзан хүдэлхэнь Галаад хадаһаа уруудан ябааша ямаан һүрэгэй зэрэлгээн мэтэл.

Дуунай дуун 5:15

Хоёр хүлынь гэбэл, сэбэр алтан һууритай гантиг шулуун бахана мэтэ. Минии амараг үндэр гоё хуша модотой Ливаанай уула мэтэ һүрөөтэй һайхан.

Исай 27:10

Бүхэлэгдэһэн хото һандаран хооһоржо, гэр байранууд орхигдохо, элһэн сүл губидал тэрэ хаясаанай болохо. Тэндэ тугал бэлшэжэ, хэбтэжэ, набшаһа намаа зулгааха.

Исай 37:24

Богоолнуудаараа дамжуулан, ши Эзэниие гомодхообош! Ши иигэжэ хэлэбэш: Тэргэнүүд намда олон Тэдэнтэеэ хамта хаданууд дээрэ Ливаанай шэлэ хүтэлнүүд дээрэ гарааб. Ливаанай үндэр хушануудые, тэрэнэй эгээн һайн кипарис модонуудые таһа сабшааб. Тэдэнэй эгээн саада орьёлнуудта гарааб, тэдэнэй эгээн буртаг шэрэнгитэй хүбшэ ойдо орооб.

Исай 6:11

Би асуубаб: – Эзэмни, хэр удаан энэ үргэлжэлхэб? Тэрэ иигэжэ харюусаба: – Хотонуудай һандаран сүйдтэ орожо, хүн зонгүй болотор, оршон тойроной эзэгүйржэ, газар нютагай юушьегүй болотор.

Ерэмияа 21:11

Иудын хаанай гэр бүлэдэ, Давидай уг удамда энэ мэдээсэл тунхаглахыемни Эзэн намда захирба: – Минии, Эзэнэй, айладхал соносогты! Үдэр бүри хэрэгүүдые үнэн зүбөөр шүүбэрилэн байгты. Хүн зониие дарлагшадһаань аршалагты. Иигээгүй һаатнай, муу юумэ хээ һаатнай, Минии уур хилэн гал дүлэн мэтэ соробхилжо, хэншье тэрэниие унтаргаажа шадахагүй.

Ерэмияа 21:14

Теэд Би хэһэн үйлэ хэрэгэйтнай түлөө таанадые хэһээхэб. Ордонгыетнай шатаахаб, тиихэдэм бүхы оршон тойроноорнь гал дүлэн соробхилхо.

Ерэмияа 22:24

Эзэн Ёякиимэй хүбүүн, Иудын хаан Ехонияа гэгшэдэ иигэжэ айладхаба: – Би Өөрөөрөө тангаригланаб, Минии баруун гарта тамгатай бэһэлигшье байгаа һааш, Би шамайе һугалжа хаяхаб!

Ерэмияа 26:18

– Хэзэкияа гэгшын Иудын хаан байха үедэнь лүндэншэ Морээшэдэй Михей Иудын хан түрын бүхы арадта Түмэн Сэрэгтэ Эзэнэй иимэ айладхал дуулгаа бэлэй: Сион таряалангай талмай мэтэ хахалагдаха, Иерусалим обоолоотой һандархай шулуун болохо, Һүмын мүнөө байгааша газар ой модоной ургадаг гүбээ болохо.

Ерэмияа 4:20

Гай тодхор дээрэ үшөө гай тохёолдоно, бүхы орон нютаг һандаргагдан хооһороо. Гэнтэ манай майхангууд эбдэгдээ, агшам зуур соо хүшэгэнүүднай ударагдаа.

Ерэмияа 4:7

Нюуса газарһаа гаража байһан арсаландал, үндэһэн арадуудые усадхагша хүдэлэн гаража эхилээ. Иудын хан түрые үгы хэхэеэ тэрэ өөрын газарһаа гараба. Хотонуудтнай һандаргаагдаха, тэндэ хэншье ажаһуухагүй.

Ерэмияа 50:12

Теэд танай өөрын хото ехэ эшхэбтэр байдалда орохо, доромжолуулагдаха. Вавилоон эгээл хүндэгүй, зэлүүд хооһон, хуурай газар болохо.

Ерэмияа 7:34

Энэ газар ханха зайдан болохо. Иудын хотонуудаар болон Иерусалимай үйлсэнүүдээр зугаа нааданай, баяр баясхалангай абяа дууе, түрэ найрай жаргалтай абяа Би таһалдуулхаб!

Ерэмияа 8:22

Галаадта эм дом байгаал ааб даа. Тэндэ эмшэн байгаал бэзэ. Теэд юундэ минии арад түмэн эдэгэхэгүй байгаа гээшэб?!

Ерэмияа 9:11

Эзэн айладхана: «Иерусалимые һандарһан шулуун обоо, сүүбэн шонын үүр болгохоб. Иудын хотонуудые ажаһуугшадгүй хооһон болгохоб».

Михей 3:12

Тиимэһээ таанадһаа боложо, Сион таряалангай талмай мэтэ хахалагдаха, Иерусалим обоолоотой һандархай шулуун болохо, Һүмын мүнөө байгааша газар ой модоной ургадаг гүбээ болохо!

Захарияа 11:1

Ливаан, хаалгаяа нээ. Хуша модыеш гал үрэбхиг.

Тоололго 32:1

Рэүбээнэй болон Гаадай обогуудай үхэр мал үй түмэн боложо, үхэр мал үдхэн барихада Язээрэй болон Галаадай газар дайданууд һайн гэжэ тэдэнэр хараба.

Хуули дабталга 3:25

Иордан голые гаталһуулби, голой саада тээ байгааша үрэжэлтэй һайхан газарые, тэрэ һайхан уулархаг орон нютагые болон Ливааниие харахыемни зүбшөөгыт!»