Ерэмияа 22:26 - Библи

²⁶ Би шамайе эхэтэйш хамта хариин нютаг руу сүлэхэб. Тэндэ таанад түрөөгүйт, гэбэшье тэндэ үхэхэт!

Ерэмияа 22:26 Referencias Cruzadas

4 Хаан түрэнүүд 24:15

Тэрэ Ехонияае Вавилоон абаашаба. Тэрээнтэй хамта хан эхые, хаанай хатадые, дүтынь хүнүүдые, орон нютагтаа нэрэтэй солотой болоһон ноёд һайдые туужа абаашаба.

4 Хаан түрэнүүд 24:8

Ехонияа арбан найма наһатайдаа хаан боложо, гурбан һара ба арбан үдэр хааншалаа. Тэрэнэй эхэ Иерусалимын Элнатаанай басаган Нэхуштаа гэжэ нэрэтэй байгаа.

4 Хаан түрэнүүд 25:27

Эвиил-Мэродаах Вавилооной хаан болоходоо, тэрэл жэлээ Иудын хаан Ехонияае олзолгондо абтаһанһаа хойшо гушан долоон жэлэй үнгэрөөд байхада, арбан хоёрдохи һарын хорин долооной үдэр тэрэниие түрмэһөө табиба.

4 Хаан түрэнүүд 25:29

Ехонияа түрмэдэ һуухадаа үмдэжэ байһан хуушан хубсаһаа тайлажа, шэнэ хубсаһа үмдэбэ. Тиигээд Ехонияа тэрэ үдэрһөө эхилжэ, үхэн үхэтэрөө Вавилооной хаантай хамта шэрээдэ һуужа эдеэлдэг байба.

4 Хаан түрэнүүд 25:30

Тиигэжэ тэрэ наһа баратараа Вавилооной хаанһаа үдэр бүхэндэ тэдхэмжэ тэжээл ходол абажа байһан юм.

Исай 22:17

Харин Эзэн шамайе абажа, шэдэхэ! Тэрэ шамайе шангаар барижа,

Ерэмияа 10:18

Эзэн иигэжэ айладхана: «Иудын улад зониие энэ орон нютагһаа гарган хаяхаб! Хэншье хоргодожо-хорожо шадахагүй, зон ехэ зобохо-тулиха».

Ерэмияа 13:18

Эзэн намда: – Хаанда болон хатан эхэдэнь хаан шэрээһээ бууха тухай хэлэ. Юуб гэхэдэ, тэдэнэй гоё һайхан титим толгойһоонь унаа.

Ерэмияа 16:13

Тиимэһээ Би таанарые энэ нютагһаа өөһэдынтнай болон үбгэ эсэгэнэрэйтнайшье танихагүй газар руу шэдэн үлдэхэб. Тэндэ ондоо бурхадта үдэр, һүнигүй алба хэдэг байхат. Би таанадые хайрлахагүйб гэжэ Эзэн айладхана, – гээд хэлэхэш.

Ерэмияа 22:27

Бусахаяа хэды хүсэбэшье, таанад бусажа шадахагүйт.

Ерэмияа 28:4

Би мүн лэ Иудын хаан, Ёякиимэй хүбүүн Ехонияа гэгшые Вавилоон руу сүлэгдэһэн Иудын бүхы зонтойнь хамта һөөргэнь бусаахаб. Мүн даа, Вавилооной хаанай хүсэ шадалые бута сохин бууруулхаб. Энэ болбол Би, Эзэн, айладхана гээшэб! – гэжэ тунхаглана.

Ерэмияа 29:2

Ехонияа хаанай, тэрэнэй хатан эхын, ордоной түшэмэлнүүдэй, Иудын хан түрын болон Иерусалимай ноёдой, уран гартанай болон дархашуулай Иерусалимһаа гаргагдан туугдаһанай удаа

Ерэмияа 44:14

Египедэй газар дайда руу ерэһэн Иудын хан түрын үлдөөсэ зонһоо хэншье амиды мэндэ үлэхэгүй. Сэдьхэлээрээ тэгүүлжэ байһан түрэл Иудын орон нютагаа хэнииньшье бусахагүй. Гансал нэгэ хэды бодхуулшад амиды үлэхэ.