Ерэмияа 22:23 - Библи

²³ Ливаанай үнэтэ хуша модоор бэеэ хүреэлэн амархан ажаһуугша таанад түрэжэ байһан эхэнэртэл адли хүндэ үбшэндэ нэрбүүлхэдээ, хэды шангаар ёолохо гээшэбта!

Ерэмияа 22:23 Referencias Cruzadas

Ерэмияа 21:13

Иерусалим хото, Би урдаһаашни тулахаб. «Хэн маанадта хүрэжэ шадахаб? Хэн манай бэхижүүлгые сохин гаража, манай гэр байрануудта орожо ерэхэ юм?» гэлдэнэт.

Ерэмияа 22:6

Иудын хаанай ордон хадаа Намда Галаадай газартал, Ливаанай орьёлдол гоё һайхан юм. Теэд Би тэрэниие хооһон, ханха зайдан, хэнэйшье ажаһуухагүй газар болгохоб.

Ерэмияа 3:21

Хадын нюсэгэн оройнууд дээрэһээ абяан дуулдана: энэ хадаа Израилиин улад зоной гуйха болон уйлахань соностоно. Ушарынь гэбэл, тэдэ нүгэл хэжэ, Эзэниие, өөрынгөө Бурханиие, мартаа.

Ерэмияа 48:28

Моһаабай арад зон, хото һууринуудаа орхигты! Хабсагайнууд дээрэ байрлагты! Агы нүхэнэй амһар дээрэ уурхайгаа хэдэг гулабхаадал адли байгты!

Ерэмияа 49:16

Бардам заншни шамда һаад, тушаан болоо, юушье ойлгоогүйш. Хэншье шамһаа айнагүй. Ши үндэр хабсагайнуудаар, хада уулануудай оройгоор ажаһуунаш. Бүргэд мэтэ үндэр газарта байгаашье һааш, тэндэһээш Би шамайе доошонь унагаахаб. Энэ болбол Би, Эзэн, айладхана мүн!

Ерэмияа 6:24

Иерусалимай зон иигэжэ хэлэнэ: – Тэдээн тушаа һураг суу дуулажа, һал һуушабабди. Түрэжэ байһан эхэнэртэл үбшэндэ, гай зоболондо бидэ нэрбэгдэбэбди.

Эзэкээл 17:3

Минии, Эзэн Бурханай, айладхаһые тэдэнэй ойлгохоор хөөрөөрэй. Зай, мантан далинуудтай, үнгэтэ үдэнүүдтэй угаа томо бүргэд нэгэтэ Ливаан руу ниидэбэ. Хуша модоной орой тэрэ хухалаад,

Һошээ 5:15

Тэдэнэй өөрынгөө гэм мэдэржэ, Намайе бэдэржэ эхилтэр Би тэдээн тушаа мартаад, огтолон орхёод байхаб.

Һошээ 7:14

Тэдэ Намда үнэнхэ зүрхэнһөө хандажа байгаа бэшэ, орон дэбисхэр дээрээ гансал хашхаралдан байгаа. Тэдэ гансал эдеэ хоолой, үзэмэй дараһан архиин түлөө сугларна, харин Намһаа холо болон байна.

Амоос 9:2

Үхэлэй орон руу хороошье һаань, тэндэшье тэдэниие олохоб. Огторгой руу дэгдээшье һаань, тэндэшье мүн лэ хүрэхэб.

Авдии 1:4

Бүргэд шэнги үндэртэ, одо мүшэдэй дунда уурхайгаа түхеэрээшье һааш, тэндэһээш Би шамайе доошонь унагаахаб! – гэжэ Эзэн Бурхан айладана.

Аввакуум 2:9

Өөрын гэр байрада хуули бусаар эд зөөри суглуулааша, гэнэ усалһаа болгоомжолон, үндэр газарта гэр уурхайгаа түхеэрээшэ хэн нэгэн абарагдахагүй!

Тоололго 24:21

Тиигээд Балаһаам хээншүүдые хараад, иигэжэ өөрынгөө һургаал үгүүлэлые хэлэбэ: – Шубуунай ниидэдэг үндэртэ, годлиин хүрэшэгүй газарта орон нютагтайб гэжэ ши найдан этигэнэ гүш?