Ерэмияа 22:18 - Библи

¹⁸ Тиимэһээ Ёшияагай хүбүүн, Иудын хаан Ёякиим тушаа Эзэн иигэжэ айладхажа байна: Тэрэнэй хойноһоо «Ай даа, ахамни!» гэжэ хэншье гашуудан уйлахагүй. Тэрэнэй хойноһоо «Ай даа, эзэмни! Ай даа, алдарынь!» гэжэ хэншье гашуудан бархирхагүй.

Ерэмияа 22:18 Referencias Cruzadas

2 Хаан түрэнүүд 1:26

Ёнатаан, ахамни! Тан тушаа зобон шаналжа байнаб. Та намда угаа хайратай байгаат. Танай хайра дуран намда хэды гайхалтай һайхан, бүһэгүй хүнэй дуранһаа үлүү дээрэ бэлэйл.

3 Хаан түрэнүүд 13:30

Тэрэ шарил хүүрые өөрынгөө булашада хүдөөлүүлжэ, «хөөрхы даа, дүүмни!» гэжэ уйлан хайлан байгаа бэлэй.

4 Хаан түрэнүүд 23:36

Ёякиим хорин таба наһатайдаа хаан шэрээ эзэлжэ, арбан нэгэн жэлэй туршада Иерусалимда хааншалаа. Тэрэнэй эхэ Румаагай Пэдаяагай басаган Зэбудаа гэжэ нэрэтэй байгаа.

4 Хаан түрэнүүд 23:6

Тиигээд тэрэ Эзэнэй һүмэһөө Ашэраагай дурые гаргажа, Иерусалимай хэрэм ханын саанахи Кидрооной хүндыдэ абаашахыень захирба. Тиигээд тэрэ дүрсые Кидрооной хүнды соо шатаажа, үнэһыень хамажа суглуулаад, эгээлэй юрын хүнүүдэй булаша дээгүүр сасан тарааба.

4 Хаан түрэнүүд 24:6

Ёякиим наһа баража, үбгэ эсэгэнэртээ ошобо. Тэрэнэй һүүлдэ Ехонияа хүбүүниинь орондонь хаан шэрээ эзэлбэ.

1 Угай бэшэг 3:15

Ёшияагай хүбүүд: ууган хүбүүн Ёханаан, хоёрдохинь Ёякиим, гурбадахинь Цэдэкиия, дүрбэдэхинь Шаллуум.

2 Угай бэшэг 35:25

Ерэмияа лүндэншэ Ёшияа хаан тушаа гашуудалай дуу зохёоһон гээшэ. Дууша эрэшүүл ба эхэнэрнүүд гашуудалай дуунууд соогоо Ёшияа тушаа мүнөө болотор хэлэдэг байгаа, тиигээд Израилиин арад түмэн тэдэниие дууладаг болоо. Иигэжэ тэдэ дуунууд Гашуудалай дуунай согсолбори соо бүридхэгдэһэн гээшэ.

2 Угай бэшэг 36:5

Ёякиим хорин таба наһатайдаа хаан шэрээ эзэлжэ, арабан нэгэн жэлэй туршада Иерусалимда хааншалаа. Эзэн Бурханайнгаа урда тэрэ жэгшүүритэй муухай хэрэгүүдые үйлэдэдэг байгаа.

Ерэмияа 16:4

Тэдэ угаа зобожо үхэхэ. Тэдэнэй хойноһоо хэншье уйдан гашуудахагүй, хэншье хүдөөлүүлхэгүй. Тэдэ газарай хүрьһэн дээрэ шэбхэ мэтэ хэбтэхэ, дайн дажарта алуулха, туража үхэхэ. Һэе хүүрнүүдынь шубуу шонхорой болон ан арьяатанай хүнэһэн болохо.

Ерэмияа 16:6

Баян бардамшье, үгытэй ядуу зоншье энэ орон нютагта наһа бараха. Тэдэ хүдөөлүүлэгдэхэгүй, хойноһоонь хэншье уйлан гашуудахагүй. Уйдан зобожо байһанаа гэршэлжэ хэншье бэеэ отолжо, толгойн үһэеэ хюһажа байхагүй.

Ерэмияа 21:11

Иудын хаанай гэр бүлэдэ, Давидай уг удамда энэ мэдээсэл тунхаглахыемни Эзэн намда захирба: – Минии, Эзэнэй, айладхал соносогты! Үдэр бүри хэрэгүүдые үнэн зүбөөр шүүбэрилэн байгты. Хүн зониие дарлагшадһаань аршалагты. Иигээгүй һаатнай, муу юумэ хээ һаатнай, Минии уур хилэн гал дүлэн мэтэ соробхилжо, хэншье тэрэниие унтаргаажа шадахагүй.

Ерэмияа 22:10

Иудын хан түрын зон, үхэһэн хүнэй хойноһоо бү уйлагты, бү гашуудагты. Баряанда туугдан ошоһон хүнэй хойноһоо сурхирса уйлыт. Тэрэ хэзээшье һөөргөө эрьен ерэхэгүйл, түрэл нютагаа хэзээдэшье харахагүйл.

Ерэмияа 22:12

Баряанда абаашаһан газарта тэрэ наһа бараха, энэ орон нютагаа дахин харахагүй».

Ерэмияа 34:5

Ши ондоо юумэнһээ наһа барахаш. Шинии урда тээ хаашуул байһан элинсэг хулинсагыешни хүдөөлүүлхэдөө шатаан, ая ууюулдагтал, тэдэ шамайе хүдөөлүүлэн шатааха, ая ууюулха, «Оо, Эзэн!» гэлдэн гашуудан уйлалдаха. Энэ болбол Би, Эзэн, айладхана мүн!

Ерэмияа 36:30

Би, Эзэн, шамда, Иудын Ёякиим хаанда, иигэжэ айладхал буулганаб: Давидай хаан шэрээ эзэлхэ хүбүүгүй байхаш. Үхэһэн бэетнай газаа хаяатай, үдэрэй халуунда, һүниин хүйтэндэ хэбтэхэ.