Ерэмияа 22:15 - Библи

¹⁵ Үнэтэй хуша модоор гэрээ бариһандаа эрхим хаан болооб гэжэ һанана гүш? Эсэгэшни эдеэ, уугаашье хадаа үнэн зүбөөр, залан сэхээр хэрэгүүдые шиидхэдэг һэн, тиимэһээл ажал хэрэгынь урагшатай бэлэй.

Ерэмияа 22:15 Referencias Cruzadas

2 Хаан түрэнүүд 8:15

Иигэжэ Давид бүхы Израилиин хаан түрэ барижа, арад түмэнөө зүб шударгыгаар зонхилжо байгаа.

3 Хаан түрэнүүд 10:9

Энэрэл хайраа үзүүлэн, хаан шэрээдэ таниие заларуулагша Эзэн Бурхантнай үреэл магтаалда хүртэг лэ! Израильда хэтэ мүнхэдөө дуратай байһандаа таниие үнэн шударга байхынтнай тула, үнэн зүбые үйлэдэхынтнай тула Эзэн таниие хаанаар томилоол!

4 Хаан түрэнүүд 22:2

Тэрэ Эзэндэ таарамжатай үйлэ хэрэгүүдые хэжэ, зүүн баруун тээшээ хадуурангүйгөөр, өөрынгөө үбгэ эсэгэ Давидай жэшээ даган, зүб замаарнь ябаа.

4 Хаан түрэнүүд 23:25

Моисейн дамжуулһан Хуулинуудые үнэн зүрхэнһөө, бүхы сэдьхэлһээ, бүхы хүсэ шадалаараа Эзэндэ үнэн сэхэ байлгые сахижа бэелүүлһэн Ёшияаһаа хойшо нэгэшье иимэ хаан байгаагүй. Тиимэ даа, тэрэнэй һүүлээршье, тэрээнтэй жэшэмээр хаан үгы байгаа.

1 Угай бэшэг 3:15

Ёшияагай хүбүүд: ууган хүбүүн Ёханаан, хоёрдохинь Ёякиим, гурбадахинь Цэдэкиия, дүрбэдэхинь Шаллуум.

2 Угай бэшэг 34:2

Тэрэ Эзэндэ таарамжатай үйлэ хэрэгүүдые хэжэ, зүүн баруун тээшээ хадуурангүйгөөр, өөрынгөө үбгэ эсэгэ Давидай жэшээ даган, зүб замаарнь ябаа.

2 Угай бэшэг 35:22

Харин Ёшияа тэрээнһээ хотиржо ошобогүй, дайлалдахаяа бэлдэбэ, Бурханай Нээхоор дамжуулһан айладхалые дуулабагүй. Тэрэ Мэгиддоо гэдэг нюруу газарта дайлалдахаяа гараба.

2 Угай бэшэг 35:26

Ёшияагай бусад хэрэгүүд, Эзэнэй һургаалнуудые сахин байһан дэмбэрэлтэй үйлэнүүдынь,

Һургаал 20:28

Этигэл ба үнэн хааниие хамгаалдаг, үнэн сэдьхэлээр хаан түрэ бэхижэдэг.

Һургаал 21:3

Үнэн сэхэ ба шударга үйлэ Эзэндэ үргэһэн үргэлһөө үлүүгээр сэгнэгдэдэг.

Һургаал 25:5

Хаанай хажууһаа хуулигүй нүгэлтэниие һалган холодуула, хаан шэрээ үнэн шударгада тулан бэхижэхэ.

Һургаал 29:4

Хаанай шударга ёһо улас орониие бэхижүүлнэ. Харин эдилгэ абадаг ёһо тэрэниие доройтуулдаг.

Һургаал 31:9

Үгэ амалжа, зүб шударгаар шүүжэ, ядуу гуйраншын болон гай тодхорто орогшын эрхэ хамгаала. א Алээп

Экклезиаст 10:17

Хааниинь изагуур һайтай, түшэмэлнүүдынь һогтохоо бэшэ, хүсэ орохын түлөө хоол баридаг орон нютаг дэмбэрэлтэй.

Экклезиаст 2:24

Эдихэ уухамни һайн, ажал үйлэмни урагшатай гэжэ сэдьхэлээ баярлуулхаһаа үлүү юумэн хүнэй хубида байхагүй. Теэд энэньшье Бурханай мэдэлдэ гэжэ би харабаб.

Исай 3:10

Зүб шударга ябадалтай зон үйлэдэһэн хэрэгэйнгээ буян эдлэхэ, энэ болбол ехэ зүб гээд дэмжыт.

Исай 33:16

Тиимэ зон амар амгалан ажаһууха. Хабсагайн саана байһандал, тэдэ аюул гээшые мэдэнгүй ажамидарха, эдихэ эдеэтэй, ууха ундатай хододоо байха.

Исай 9:7

Тэрэнэй засаглалга, түлөөлгэ бүри ехэ боложол байха. Хан түрэнь хододоо амгалан тайбан байха. Тэрэ Давид хаанай үри һадаһан. Энэ сагһаа эхилжэ хэтэ мүнхэдөө Тэрэ үнэн шударга, үнэн зүбые баримталан хүтэлбэрилхэ. Түмэн Сэрэгтэ Эзэн энээниие бэелүүлхэ ехэ һанаатай.

Ерэмияа 22:18

Тиимэһээ Ёшияагай хүбүүн, Иудын хаан Ёякиим тушаа Эзэн иигэжэ айладхажа байна: Тэрэнэй хойноһоо «Ай даа, ахамни!» гэжэ хэншье гашуудан уйлахагүй. Тэрэнэй хойноһоо «Ай даа, эзэмни! Ай даа, алдарынь!» гэжэ хэншье гашуудан бархирхагүй.

Ерэмияа 22:3

– Би, Эзэн, үнэн зүбөөр хэрэгүүдые шиидхэхыетнай захирнаб. Хүн зониие дарлагшадһаань аршалагты. Ерүүл хүндэ, үншэн хэнзэдэ, мүн бэлбэһэн эхэнэртэ муугаар бү хандагты, бү харшалагты. Энэ нангин газарта гэм зэмэгүй зониие алажа бү байгты.

Ерэмияа 23:5

Эзэн иигэжэ айладхана: – Давидай уг удамһаа үнэн сэхэ нэгые хаан болгон табиха сагни дүтэлжэ байна. Тэрэ хаан мэргэн ухаатайгаар ударидажа, энэ газар нютагта хэрэгүүдые шүүбэрилжэ, үнэн сэхээр шиидхэн байха.

Ерэмияа 42:6

Муу, һайншье бидэндэ байгаа һаань, бидэ Эзэн Бурханайнгаа захиралтануудые сахин дүүргэхэбди. Тэрэнэй үгэ дуулаа һаамнай, бидэндэ һайн байхал.

Ерэмияа 7:5

Хэрбээ ажабайдалаа болон үйлэ хэрэгүүдээ үнэхөөр заларуулан заһабалтнай, бэе бэедээ үнэн сэхээр хандадаг болоо һаатнай,

Лука 11:41

Зүгөөр аяга табаг соогоо байһан юумэнһээ үгытэйшүүлтэй хубаалсажа үгэлсэжэ байбал, таанадые газаа досоогүй арюун сэбэр болоо гэжэ Бурхан тоолохо һэн!

Хэрэгүүд 2:46

Тэдэнэр үдэр бүри һанал нэгэдэн Һүмэдэ сугларжа, гэр бүхэндэ хамта хоол баридаг, баяр баясхалангаар дүүрэн, сэдьхэл тэнюун хоолоо барижа,

Коринфынхидтэ 1-дэхи 10:31

Тиихэдээ эдинэ гүт, али ууна гүт, али ямаршьеб даа ондоо юумэ хэнэ гүт, бүхы юумые Бурханай алдарай түлөө хэжэ байгты.

Хуули дабталга 4:40

Таанадта, үхи хүүгэдтэтнай танай һүүлээр һайн байхын тула, Эзэнэй хэтэ мүнхэдөө үгэжэ байгааша газарта удаан сагта таанадай ажаһуухын тула минии мүнөөдэр энэ дамжуулан хэлэһэн Тэрэнэй хуули ёһо, захяа заабариие сахин дүүргэн ябагты.