Ерэмияа 22:14 - Библи

¹⁴ «Өөртөө салуу дээдэ таһалгануудтай үргэн гэр байра барихам» гэгшэ хүнтэй гай тохёолдог лэ. Сонхонуудаа үнэтэй хуша модоор тэрэ хэнэ, шад улаан шэрээр будана.

Ерэмияа 22:14 Referencias Cruzadas

2 Угай бэшэг 3:5

Гол таһалга кипарис модоор, эгээл һайн алтаар гоёон хушагдажа, пальма модоной болон гэнжын түхэл маягууд һиилэгдээ бэлэй.

Һургаал 17:19

Хэрүүлдэ дуратай хүн гэм нүгэлдэшье дуратай. Бэеэ үлэмжэ дээгүүр абхуулхадаа, сүйдхэл эриһэн жэшээтэй.

Һургаал 24:27

Гэр барихын урда газаахи ажалаа дүүргэжэ, хээрэ талада байһан юумэеэ суглуулан бэлэн болго. Тииһэн хойноол гэрээ бари.

Исай 9:9

Эпрааимай бүхы зон, ниислэл хото Самарида ажаһуугша хүн бүхэн, Тэрэнэй эдэ бүгэдые эрхилһэн тухай мэдэхэ болоно. Мүнөө тэдэ бардам, ехэрхүү зантай. Тэдэ иигэжэ хэлэнэ:

Эзэкээл 23:14

Гэбэшье Оһолибаа эгэшэһээ хэтэрүүгээр забхайрдаг һэн. Хана дээрэ һиилэгдэһэн, улаан шэрээр шэрдэгдэһэн Вавилооной зоной дүрсэнүүдые харахадаа,

Даниил 4:30

Эдэ бүгэдэ тэрэ дары Навуходоносор хаантай тохёолдожо, тэрэ зоной дунда байхаяа болибо, малдал адли үбһэ ногоогоор хооллодог, бэень шүүдэртэ угаагдадаг болобо. Бүргэдэй үдэ һодондол адляар үһэниинь ургажа, шубуунай һабартал хюмһаниинь болобо.

Амоос 6:8

Түмэн Сэрэгтэ Эзэн Бурхан Өөрөөрөө тангариглажа, иигэжэ айладана: Яковай бардам зан Намда жэгшүүритэй, бүхэлэлтэнүүдыень үзэн яданаб. Хотые бүхы ажаһуугшадтайнь хамта дайсадай гарта дамжуулхаб!

Хаггай 1:4

– Һүмын эзэгүйрэн хооһороод байхада гоёогдоһон гэрнүүдтээ таанад өөһэдөө байха сагтай аалта?

Малаахи 1:4

«Бидэ сохигдоошье һаа, бусажа ерээд хото балгааһануудаа һэргээн бодхоохобди» гэжэ эдоомуудай хэлэхэдэ, Түмэн Сэрэгтэ Эзэн иигэжэ айладана. «Бодхоохо һаа, бодхоожо байг, харин Би тэрээнииень һандаргахаб. Эдоом гээшэ ёро муута орон нютаг, Эзэнэй зэбүүрхэл хэтэдээ шэнгээһэн арад түмэн гэжэ тэрэниие нэрлэхэ».