Ерэмияа 22:10 - Библи

¹⁰ Иудын хан түрын зон, үхэһэн хүнэй хойноһоо бү уйлагты, бү гашуудагты. Баряанда туугдан ошоһон хүнэй хойноһоо сурхирса уйлыт. Тэрэ хэзээшье һөөргөө эрьен ерэхэгүйл, түрэл нютагаа хэзээдэшье харахагүйл.

Ерэмияа 22:10 Referencias Cruzadas

4 Хаан түрэнүүд 22:20

Би шамайе үбгэ эсэгэнэртэшни тайбан мордохуулхаб. Ши амгалан тайбанаар өөрынгөө уг удамуудай агы нүхэн хуурсаг соо нойрсохош. Тиихэдээ ши энэ хотодо эльгээһэн Минии гай тодхорые харахагүйш. Энэ харюу хаанда дамжуулагдаба.

4 Хаан түрэнүүд 23:29

Тэрэ сагта Египедэй хаан, фараон Нээхо Ассириин хаанда добтолхоёо Евфрат мүрэн тээшэ ошобо. Ёшияа хаан тэрэниие угтахаяа урдаһаань ошобо. Фараон Мэгиддоодо Ёшияае харамсаараа алаба.

2 Угай бэшэг 36:4

Египедэй хаан Нээхо Иохаазай дүү Элиакиимые Иудын болон Иерусалимай хан шэрээдэ үргэмжэлөөд, тэрээндэ Ёякиим гэжэ шэнэ нэрэ үгэбэ. Тиигээд Нээхо Иохаазые Египет руу абаашаба.

Экклезиаст 4:2

Тиимэһээ мүнөө хүрэтэр амиды байгшадһаа ами наһаа алдагшадай хуби үлүү дээрэ ха гэжэ ойлгобоб.

Исай 57:1

Зүб шударга хүнэй наһа барахада, хэншье энэ ушар ехэ тоожо байдаггүй. Үршөөл хайратай зон наһа барана, юундэ энэ болоноб гэжэ хэншье мэдэнэгүй. Зүб шударга хүн муу юумэнһээ зайлана.

Ерэмияа 16:7

Эхэ, эсэгэеэ, дүтын хүнөө алдаад байгша хүнэй һанаа тэгшэлхын, һамааруулхын тула хэншье тэрээндэ эдеэ хоол дурадхажа, хундага барижа бахагүй.

Ерэмияа 22:11

Энэ газарһаа ошоһон, өөрын эсэгэ Ёшияагай һүүлээр Иудын хаан болоһон Шаллуум тухай Эзэн иигэжэ айладхажа байна: «Тэрэ хэзээшье һөөргөө бусахагүй.

Ерэмияа 22:18

Тиимэһээ Ёшияагай хүбүүн, Иудын хаан Ёякиим тушаа Эзэн иигэжэ айладхажа байна: Тэрэнэй хойноһоо «Ай даа, ахамни!» гэжэ хэншье гашуудан уйлахагүй. Тэрэнэй хойноһоо «Ай даа, эзэмни! Ай даа, алдарынь!» гэжэ хэншье гашуудан бархирхагүй.

Ерэмияа 22:27

Бусахаяа хэды хүсэбэшье, таанад бусажа шадахагүйт.

Ерэмияа 25:27

Тиигээд Эзэн намда иигэжэ айладхаба: – Улад зондо Минии, Түмэн Сэрэгтэ Эзэнэй, Израилиин Бурханай, захиралта дуулга. Уугты, һогтогты, бөөлжэн унагты гэжэ захирнаб. Танай урдаһаа дайн дажар эльгээхэдэм, бодожо шадахагүйт.

Ерэмияа 28:4

Би мүн лэ Иудын хаан, Ёякиимэй хүбүүн Ехонияа гэгшые Вавилоон руу сүлэгдэһэн Иудын бүхы зонтойнь хамта һөөргэнь бусаахаб. Мүн даа, Вавилооной хаанай хүсэ шадалые бута сохин бууруулхаб. Энэ болбол Би, Эзэн, айладхана гээшэб! – гэжэ тунхаглана.

Ерэмияа 42:18

Израилиин Түмэн Сэрэгтэ Эзэн Бурхан иигэжэ айладхана: «Иерусалимай улад зондо Минии уур хилэнгэй адхарһандал адляар таанад дээрэ, Египет ошоо һаатнай, тиимэ Минии уур сухал таанад дээрэ адхарха. Та бүгэдэ үзэмжэгүй муухай юумэн ябахат, зон таанадые наада барижа, нэрыетнай хараалай орондо хэлэдэг болохо. Таанад энэ орон нютагаа бэшэ харахагүйт».

Ерэмияа 44:14

Египедэй газар дайда руу ерэһэн Иудын хан түрын үлдөөсэ зонһоо хэншье амиды мэндэ үлэхэгүй. Сэдьхэлээрээ тэгүүлжэ байһан түрэл Иудын орон нютагаа хэнииньшье бусахагүй. Гансал нэгэ хэды бодхуулшад амиды үлэхэ.

Гашуудал 4:9

Гэдэһээ үлдэжэ үхэһэнһөө һэлмээр сабшуулагдажа үхэһэниинь дээрэ. Юуб гэхэдэ, таряалангай ургасын хомордоходо, зон зобожо амяа алдадаг шуу.

Эзэкээл 24:16

– Хүнэй үри Эзэкээл! Шинии эгээл дуратай хүнэй ами наһа гэнтэ Би абахаяа байнаб. Харин ши гомдожо, нёлбоһо гаргажа бү байгаарай.

Лука 23:28

Иисүүс тэдээн тээшэ эрьен, иигэжэ хэлэбэ: – Иерусалимай эхэнэрнүүд, Намайе хайрлажа бү уйлалдагты; өөһэдыгөө хайрлажа, үхибүүдээ хайрлажа бархиралдагты.